Gẹnẹsis 16:6 - Edo Bible (E Baibol Ẹdo) Version 1996

⁶ Ebram keghi wanniẹn wẹẹ, “Ọ wa maa nian, ọviọn ye nọ na, ototọ asẹ ruẹ ọre ọ ye, emwi ne ọ ghi khọn ruẹn yae ru.” Serai keghi rhunmwuda ọnii gha ru ẹe khọ, ọre Hega na lẹ kpao.

Gẹnẹsis 16:6 ပူးပေါင်းရင်းမြစ်များ

Gẹnẹsis 16:9

Rẹn keghi kha wẹẹ, “Dọlegbe bu ẹre gha khian ne u ya gha re ọviẹn ọnrẹn.”

Gẹnẹsis 24:10

Ọguọmwadia nii ne ọ gbearoghe emwi Ebraham hia keghi viọ igbe vbe uwe ekẹtẹkẹtẹ arowa ẹre, ọ na gha rrie ẹvbo ne Nahọ ye vbe Mẹsopotamia.

Job 2:6

Ẹre Nọyaẹnmwa na tama Esu wẹẹ, “Ọ wa maa, a rhie ẹre yan ruẹn ohọ, sokpan ghẹ gbe ẹe rua.”

Ẹksọdọs 2:15

Ọba ghi do họn emwi ne ọ sunu, ọ keghi te ra gbe Mosis ua, sokpan rẹn keghi lẹ fe, ọ na gha rrie otọe Midian ya diẹe ya. Ọ ghi sẹ ẹdẹ ọkpa, ugbẹn vbe Mosis ghi tota ye ọkpẹn uhae, ohẹn ne ọ rre Midian kegha mwẹ emọ ikhuo ihinrọn. Iran keghi rre, iran na do sa amẹ, iran na vbe sa amẹ vuọn uroroamẹ ne ohuan kevbe ẹwe erha iran na wọn amẹ.

Itan 14:29

Adeghẹ wẹ hẹko zin egbe, ọmẹwaẹn ọ re u khin, egbe gha balọ ọ, te u rhie ma kẹkan vbene u kọn sẹhẹ.

Itan 15:1

Ewanniẹn nekhuẹrhẹ ọ re ọ dọ ohu yọ, sokpan, te ẹmwẹ ne ọ wegbe gua ẹe kpao.

Itan 27:8

Ọmwa ne ọ kpao vbe owa rre, te ọ yevbe ahianmwẹ ne ọ kpa hin oko rre.

Itan 29:19

U i sẹtin ye aguọmwaguan okpa dia ọguọmwadia ye odẹ. Ọ sẹtin rẹn emwi ne u ta vbe ne ẹ i na zẹ ye uẹ ẹre.

Asan-Ibo 10:4

Adeghẹ ọmwa ne ọ khaemwisẹ yan ruẹn mu ohu ruẹ, ghẹ wa gbẹn ebe I i ghi winna mu gie ẹe. A sẹtin wa ye abakuru nọkhua bọ ọmwa adeghẹ ọ ma balegbe.

Jerimaia 38:5

E Zedekaia ne ọba keghi wanniẹn wẹẹ, “Ọ maa khekherriọ, wa ru ẹe vbene uwa ho ne uwa ru ẹe, mẹ I ra da uwa obọ yi.”

Jọsua 9:25

Banbanna nian, atataobọ ruẹ ọ re ima ghi ye, emwi ne ọ ghi khọn ruẹn, ye ima ru.”

I Pita 3:7

Kevbe uwa ne avbe ọdọ, vbe obọ ne uwa ya mu avbe amwẹ uwa, wa ghi gha ye rre wẹ, emwa ni ma wo vbe egbe iran khin, wa ghi gha mu iran tetete, rhunmwuda iran tobọ iran gha vbe deba uwa ghae vbe arrọọ ne Osanobua ra ghae ne emwa. Wa ghi gha ru vberriọ ne emwi rhọkpa ghẹ mu idobo ye uwa erhunmwu ne uwa na.