Gẹnẹsis 16:5 - Edo Bible (E Baibol Ẹdo) Version 1996

⁵ Serai keghi tama Ebram wẹẹ, “Wẹ ọ siẹe ne Hega na zan mwẹ na. Mẹ ọre ọ tobọ mwẹ rhie ọviẹn mwẹ nuẹn, ke ne ọ ghi ya miẹn we rẹn hanmwa gha dee, te ọ ghi zan mwẹ. E Nọyaẹnmwa ọre ọ ghi bu ase ne nọ rri ase vbe uwe ima!”

Gẹnẹsis 16:5 ပူးပေါင်းရင်းမြစ်များ

Gẹnẹsis 16:4

Ugbẹn vbe Ebram ghi tie Hega ovbe nẹ, ọ kegha hanmwa. Ugbẹn vbe irẹn ghi miẹn wẹ rẹn hanmwa, ọ keghi suẹn gha hio, ọ na gha zan Serai.

Gẹnẹsis 31:53

Osanobua Ebraham kevbe Osanobua e Nahọ gha bu ohiẹn imẹ vbe ruẹ.” E Jekọb keghi ya eni Osanobua ne erha ee ighẹ Aizik ga, yan eyan wẹẹ rẹn gha rhie uhi nii mwẹ.

II Krọnikol 24:22

Ọba keghi mianmian ugamwẹ vbene Jehoiada ne erha Zẹkaraia ya ekhọe hia gae hẹ, ọ na gbe Zẹkaraia a. Ugbẹn vbe Zẹkaraia ghi ra wu, ọ keghi datu wẹẹ, “Te Nọyaẹnmwa gha bẹghe emwi ne u ru na ne ọ rria ruẹ ikhi yọ.”

Psalm 35:23

Guọnmwegbe kpaegbe Nọyaẹnmwa, ne u do gbinna mẹ. Osanobua mwẹ, kpaegbe ne u mu ẹzọ mwẹ gui.

Psalm 43:1

Osanobua, bu asẹ mẹ, ne u mu ẹzọ mwẹ gui vbe ehe ne iran ne emwa dan ye; miẹn mwẹ fan vbe obọ emwa dan, kevbe avbe ọhọn ohoghe nii.

Psalm 7:8

Wẹ ọrọre nọbuohiẹn emwa hia. Bu asẹ mẹ Nọyaẹnmwa. Wẹ rẹnrẹn wẹ mẹ ma rri abe.

Ẹksọdọs 5:21

Iran keghi tama e Mosis kevbe Errọn wẹẹ, “Te Osanobua gha bẹghe emwi ne uwa ru, ne ọ rria uwa ikhi ne uwa na gie ọba kevbe emwa iwinna do gha mu ohu ima, te uwa gie iran miẹn ehe la la ima egbe na, ne iran gha gbele ima an.”

Jerimaia 51:35

Wa gie ivbi e Zaiọn kha wẹẹ, “Iba ne emwa zẹẹ vbe egbe mwa, uhunmwu e Babilọn ọ re ọ ye!” Wa gie ivbi e Jerusalẹm kha wẹẹ, “Oya ne ima ree hia uhunmwu e Babilọn ọ re ọ ye.”

Giọgis 11:27

Ẹn o, I ma mwẹ emwi ne I ruẹ re. Emwi dan u ya ẹe ru ne u na mu okuo gun mwẹ. E Nọyaẹnmwa ọ re ọ ra bu ohiẹn. Ọ gha bu ohiẹn ivbi Izrẹl kevbe ivbi Amọn ẹre na.”

I Samuẹl 24:16

E Devid ghi guan fo nẹ, e Sọl keghi kha wẹẹ, “Wẹ ọnii gele khin ra Devid ne ovbi mwẹ?” Ọ keghi suẹn gha viẹ.