Gẹnẹsis 16:4 - Edo Bible (E Baibol Ẹdo) Version 1996

⁴ Ugbẹn vbe Ebram ghi tie Hega ovbe nẹ, ọ kegha hanmwa. Ugbẹn vbe irẹn ghi miẹn wẹ rẹn hanmwa, ọ keghi suẹn gha hio, ọ na gha zan Serai.

Gẹnẹsis 16:4 ပူးပေါင်းရင်းမြစ်များ

Gẹnẹsis 16:3

Ẹre Serai ghi na rhie Hega ne ọviẹn ọnrẹn ne ovbi Igipt ne Ebram rhie rọnmwẹ (Emwi na sunu iyeke vbe Ebram gbe ukpo igbe nẹ, vbe Kenan).

Gẹnẹsis 16:5

Serai keghi tama Ebram wẹẹ, “Wẹ ọ siẹe ne Hega na zan mwẹ na. Mẹ ọre ọ tobọ mwẹ rhie ọviẹn mwẹ nuẹn, ke ne ọ ghi ya miẹn we rẹn hanmwa gha dee, te ọ ghi zan mwẹ. E Nọyaẹnmwa ọre ọ ghi bu ase ne nọ rri ase vbe uwe ima!”

Gẹnẹsis 19:31

Ovbi ẹre nokhuo nọdiọn keghi tama nekherhe wẹẹ, “Erha ima ya egbe rrie ọmaẹn nẹ, okpia i ghi rre agbọn na ne ima gha rọnmwẹ ne ima miẹn ehe na biẹlẹ.

Gẹnẹsis 21:9

Ẹdẹ ikẹtin ghi rre, Ismẹl ne Hega ne ovbi Igipt biẹ ne Ebraham keghi gha gu Aizik ne ovbi e Sera ku.

Gẹnẹsis 30:4

Ọ keghi rhunmwuda ọnii rhie Bilha ne ọviẹn ọnrẹn ne ọdọ ẹre, ọ keghi guẹe ru emwi ọdọ vbe amwẹ.

II Samuẹl 6:16

A ghi wa mu Ẹkpẹti ni sẹ ore ẹvbo, e Mikal ne ovbi e Sọl ne okhuo keghi yọn urhu la ewindo ladian, ọ keghi ya bẹghe Devid ne ọba vbe ọ kuu, ọ gha fi obodo, ọ keghi wa sọnnọ ẹẹn ruan vbe aro.

Itan 30:23

okhuo dan ne ọ miẹn ọdọ rọnmwẹ, deba ọguọmwadia okhuo ne ọ gbe arowa ẹre nokhuo miẹn ẹre ọdọ.

I Kọrinti 4:6

Rhunmwuda uwa, etẹn mwẹ, ẹmwẹ Apọlọs kevbe egbe mwẹ ọre I ta na. Te I ya egbe mwa ru igiemwi ne uwa miẹn ehe na rẹn emwi ne a ya ẹmwẹ na kha wẹẹ, “Wa gha ru vbene a yi ẹre iyi.” Ọmwa rhọkpa vbe uwu uwa ghẹ gha ya ọmwa ọkpa ghagha, ne ọ gha zan ọmwa ọvbehe.