Gẹnẹsis 15:9 - Edo Bible (E Baibol Ẹdo) Version 1996

⁹ Rẹn keghi wanniẹn wẹẹ, “Mu ovbi ẹmila ne sọguọsọguọ ọghe ikpira gunmwẹ, ẹwe ikpira, ogho ikpiara, idu kevbe elikhukhu.”

Gẹnẹsis 15:9 ပူးပေါင်းရင်းမြစ်များ

Gẹnẹsis 15:10

Ebram keghi viọ avbe aranmwẹ na hia gie Osanobua, ọ keghi giagia iran ye ihe eveva, ọ keghi viọ avbe ukhiọnmwẹ nii aro da egbe vbe uniẹn eva; sokpan ọ ma giagia avbe ahianmwẹ.

Gẹnẹsis 15:8

Sokpan Ebram wanniẹn wẹẹ, “Nọyaẹnmwẹ ne Udazi, vbia gha ya rẹn hẹ wẹ ọghomwẹ nọ?”

Gẹnẹsis 22:13

Ebraham ghi tọn aro mu, ọ ke bẹghe ogho ọkpa ne ẹti gbalọ ẹre igho. Ọ na ya muẹn, ọ na ya zọ ese na giẹn uan ye ihe ovbi ẹre nokpia.

Psalm 50:5

Rẹn keghi kha wẹẹ, “Wa si avbe emwa ni guobọ mwẹ koko ye ehe ne I ye, iran ni zọ ese ya gun mwẹ ta ile.”

Ihuan Ne Ọ Sọọ Ihuan Hia 2:12

A gha la hin adesẹ ẹvbo rre nẹ avbe obobo sa kua. Ẹghẹ ne a ya so ihuan ọ re ọna khin a họn ihuan ne avbe idu so vbe orere.

Aizaia 15:5

Orhiọn mwẹ wa viẹ ne Moab. Emwa ni rrọ lẹẹ gha rrie Zoa kevbe Eglat Siekisiya. Eso lẹẹ la odẹ Luhit, iran viẹ khian, eso lẹẹ gha rrie Horonaim, iran gha kporhu eve khian:

Levitikọs 1:10

“A deghẹ ohuan ra ẹwe ẹre ọre ọ ra ya zọ ese, ọ ghi gha re ọwẹ ne ẹ i mwẹ okan.

Levitikọs 1:14

“A deghẹ ahianmwẹ ọre ọmwa ra ya zọ ese ne a giẹn uan, ọ ghi gie ẹe gha re idu ra elikhukhu.

Levitikọs 1:3

A deghẹ ẹmila obọ ẹre ọre ọmwa ra ya zọ ese ne a giẹn uan, ọ ghi mu ẹkhuia ẹmila ne ẹ i mwẹ okan rre. Ọ ghi mu ẹẹn gha die onurho Owa Ukpọn e Nọyaẹnmwa, ne Nọyaẹnmwa miẹn ehe na rhan obọ miẹn rẹn.

Levitikọs 12:6

Ẹghẹ akpehuan rẹn ghẹ ghi gba nẹ ọre ọghe ọmọ okpia nọ ra ọmọ okhuo, ọ ghi mu ovbi ohuan ne ọ rre ukpo ọkpa bu ohẹn gha die onurho Owa Ukpon Ile ne a ya zọ ese ne agiẹn uan, ke vbe elikhukhu ra idu ne a ya zọ ese orukhọ.

Levitikọs 12:8

A deghẹ obọ okhuo nii ma gba ohuan, ọ ghi viọ idu eva ra elikhukhu gha dee, ọkpa ne a ya zọ ese na giẹn uan kevbe ọkpa ọghe izọ ese orukhọ. Ohẹn ghi ru emwi ne a ru yọ ne a ya kpe awua ẹre kua, ọ ghi do gha re ne ẹ i mwẹ awua.

Levitikọs 14:22

Ọ ghi vbe viọ idu ra elikhukhu eva rre, ọkpa ọghe izọese orukhọ, nọkpa ọghe ese na giẹn uan.

Levitikọs 14:30

Iyeke ọnii, ọ ghi gbe ọkpa vbe uwu idu ra elikhukhu nii.

Levitikọs 3:1

“Omwa gha ya ọkpa vbe uwu ẹmila obọ ẹre sisara, ọ kere ne ọ gha re ẹkhuia ra ẹmila amwẹ ne ẹ i mwẹ okan.

Levitikọs 3:6

A deghẹ ohuan ra ewe ọre a ya sisara, ọ ghi gha re ọwa ra amwẹ, sokpan ọ ghi gha re ne ẹ i mwẹ okan.

Levitikọs 9:2

Ọ keghi tama Errọn wẹẹ, “Mu ovbi ẹkhuia ẹmila kevbe ogho ne ẹ i mwẹ okan ne uwa ya iran zẹ ọhẹ gie Nọyaẹnmwa, ẹkhuia ne ọ rrọọ, ọghe izọese orukhọ, ke ogho ne ọ rrọọ, ọ ghe izọese na giẹn uan.

Levitikọs 9:4

Ẹkhuia ọkpa kevbe ogho ọkpa, ọghe izọhẹ isara. Iran ghi ya iran zọ ese ghe Nọyaẹnmwa ba emwi izọese ọka ne a ya ofigbọn gbe. Tama iran ne iran ru ọna rhunmwuda e Nọyaẹnmwa gha rhie egbe maa iran ẹrẹna.”

Iyẹn ne ọ Maan Ọghe Luk 2:24

Iran keghi vbe ya ye idu eva ra elikhukhu eva giẹrẹ zọ ese zẹ vbene uhi Nọyaẹnmwa kha re.