Gẹnẹsis 15:6 - Edo Bible (E Baibol Ẹdo) Version 1996

⁶ Ebram keghi ya ẹko e Nọyaẹnmwa rhiẹnrhiẹn ghe ẹre, rhunmwuda ọnii, e Nọyaẹnmwa keghi rhan obọ miẹn ẹnrẹn.

Gẹnẹsis 15:6 ပူးပေါင်းရင်းမြစ်များ

Nehimaia 9:8

U miẹn wẹ ọ zẹ obọ lele uẹ u yanrẹn ne u mu otọ emwa Kenan ne ẹẹn. Otọ emwa Hiti kevbe Amọri otọ emwa Pẹriz, Jebus, Gẹgas, ne ọ gha re Otọe ne ivbi uniẹn ọnrẹn gha yin. U ru ẹe vbene u tae rhunmwuda, ekhọe ruẹ maa.

Psalm 106:31

Te a ghi ya emwi na so eni ẹnrẹn ne ọ maa, ke ẹghẹ ni gha dee erriọ ọre ọ khian gha ye khian vbe otọ.

Ebe ne Pọl gbẹẹn gie emwa Rom 4:11

Okiekie ọre a ghi do ya rhuẹ ọre. Arhuẹ ne ọ rhuẹre keghi re ne a ya rhie maa wẹ ẹghẹ ne Ebraham ma na he rhuẹ Osanobua ka ẹe ye ọmwata vbe odaro ẹre rhunmwuda iyayi ẹre rhunmwuda ọnii, Ebraham keghi re erha vbekpa ọghe orhiọn ne iran hia ni ya Osanobua yi, ne irẹn vbe ka ye emwata vbe odaro ẹre, a gha rhe miẹn wẹ iran ma rhuẹ.

Ebe ne Pọl gbẹẹn gie emwa Rom 4:9

Oghogho ne Devid kha na, ọghe iran ni rhuẹre ọkpa nọ ra kevbe ọghe iran ni ma rhuẹ nọ? Hiehiere, ọghe iran ni ma rhuẹ ọre vbe nọ. Ma ka tie ẹre ke uwu ebe ladian wan wẹẹ, “Ebraham ya Osanobua yi, Osanobua keghi ka ẹe ye ọmwata rhunmwuda iyayi ẹre na.”

II Kọrinti 5:19

Ẹmwẹ ne ima ta ẹe ọrọre wẹ, te Osanobua ma ghi ka orukhọ iran ye iran owẹ, rẹn keghi tae ya gie ima uhunmwu ighẹ ẹmwẹ vbene irẹn ya ye iran khian esiọre hẹ.

Hibru 11:8

Iyayi ọre ọ ye. Ebraham họn vbe Osanobua tie ẹre, ọ na gha rrie ẹvbo ne Osanobua ve ẹre re wẹ, rẹn gha rhie nẹẹn. Rẹn keghi kpao vbe ẹvbo irẹn rre, vbe ne ọ ma na rẹn ehe ne ọ rriẹ.

Jems 2:23

Ebe nii keghi do sẹ ne ọ khare wẹ “Ebraham ya Osanobua yi, rhunmwuda iyayi ẹre, Osanobua keghi rhan obọ miẹn rẹn zẹ vbe ọmwata.” Osanobua keghi vbe tie ẹre “Ebraham ne ọse mwẹ.”