Gẹnẹsis 15:5 - Edo Bible (E Baibol Ẹdo) Version 1996

⁵ Nọyaẹnmwa keghi rhie ẹre ladian ore, ọ wẹẹ, “Tọn aro mu ghe iso ne u ka inu orhọnmwẹ ni rrọọ; a deghẹ u gha sẹtin, uniẹn ruẹn gha bun vberriọ zẹẹ.”

Gẹnẹsis 15:5 ပူးပေါင်းရင်းမြစ်များ

Gẹnẹsis 12:2

I gha viọ uniẹn nibun nuẹn, ni gha do khian avbe okpẹvbo. I gha fiangbuẹ, I ghi do ya eni ruẹn khian ne ọ hin usi sẹrriọ wẹ a ghi gha yae na erhunmwu ne ọmwa.

Gẹnẹsis 13:16

I gha viọ uniẹn nibun nuẹn, iran gha bun sẹrriọ wẹ a i miẹn ọmwa ne ọ gha sẹtin ka iran zẹ vbe ne a i miẹn ọmwa ne ọ gha sẹtin ka ikpẹ ekhae ne otọ!

Gẹnẹsis 16:10

Ọre ọ na kha wẹẹ, “I gha viọ uniẹn nibun sẹrriọ nuẹn wẹẹ, a i sẹtin ka iran.

Gẹnẹsis 17:2

I gha guẹ ta ile, I ghi vbe viọ emọ ivbi uniẹn ruẹn nibun nuẹn.”

Gẹnẹsis 22:17

I yanrẹn wẹẹ I gha viọ uniẹn nibun zẹ vbe orhọnmwẹ ne aro iso ra ikpekhae ni rre ọkpẹn okun nuẹn. Uniẹn ruẹn gha khọn eghian iran muotọ.

Gẹnẹsis 26:4

I gha viọ ivbi uniẹn ruẹn nuẹn ne ọ gha bun zẹ orhọnmwẹ ni rre iso, I gha mu otọe na hia ne iran. Iyaẹvbo agbọn na hia ghi gha rinmwian ne I fiangbe iran zẹ vbe ne I fiangbe ivbi uniẹn ruẹn.

Gẹnẹsis 28:14

uniẹn ruẹn gha bun zẹ vbe ikpekhae ne otọe. Iran gha vbẹẹ otọ iran aro ghe ehe hia, iyaẹvbo agbọn na hia ghi gha re ne I fiangbe, rhunmwuda ruẹ kevbe uniẹn ruẹn.

Gẹnẹsis 32:13

Ọ ghi gbe asọn nii nẹ vbe evba, ọ keghi viọ avbe emwi na gie Isọ ne ọtiọnrẹn vbe uwu emwi ne ọ mwẹ. Ẹwe amwẹ uri (200) deba ovbukhọ ugie, ohuan uri (200) deba ogho ugie.

I Ọba 3:8

Ghe mwẹ nian vbe uwu ẹbu emwa ne u zẹẹ ne ọ gha re ọwuẹ, emwa ne a miẹn wẹ iran bun sẹrriọ, a i vbe sẹtin ka iran.

I Krọnikol 27:23

E Devid ne ọba ma ka emwa ni ma he sẹ ukpo ugie rhunmwuda ne Nọyaẹnmwa kha na nẹ wẹ rẹn gha ya ivbi Izrẹl muan yọ ne iran gha ye vbe avbe orhọnmwẹ ni rre iso.

Nehimaia 9:23

U viọ emọ nibun ne iran zẹvbe orhọnmwẹ ni rre iso iran khọn avbe ẹvbo nii, iran na vbẹ yin ẹnrẹn ne u yanrẹn i ghẹ u gha mu ne erha iran odede.

Job 35:5

Tọn aro mu ghe iso! Ghe vbene avbe ikpakpa iso rre hẹ!

Psalm 147:4

Ọ ta inu ne avbe orhọnmwẹ ra gha khin nẹ, ọ na he dọmwadẹ ọghọe eni.

Ẹksọdọs 32:13

Ye avbe eguọmwadia ruẹ; rre, avbe Ebraham, Aizik kevbe Jekọb kevbe vbene u yan ma iran vbe eni ruẹn, ne u na khama iran wẹẹ, ‘I gha viọ emọ uniẹn ivbi uẹ ni yevbe orhọnmwẹ nii rre iso nuẹn. Otọe ne I ve na, I gha vbe muẹn ne avbe ivbi uẹ, ọ ghi gha re ọghe iran ẹdẹdẹmwẹdẹ.’ ”

Aizaia 51:2

Wa roro ẹmwẹ erha uwa odede ighẹ Ebraham kevbe e Sera ne uwa re ivbi ivbi ẹre. Ẹghẹ ne I na tie Ebraham, ẹ i mwẹ ọmọ sokpan, I fiangbe ẹe, I ke viọ emọ ne ẹẹn I keghi ya ivbi uniẹn ọnrẹn khian ọrhẹnrhẹn.

Jerimaia 33:22

I gha muan ivbi uniẹn e Devid ne ọguọmwadia mwẹ, kevbe avbe ohẹn ne ivbi uniẹn e Livai sẹrriọ wẹ a i ra sẹtin ka iran zẹ vbene a i sẹtin ka avbe orhọnmwẹ ni rre aro iso ra ikpẹkhae ni rre ọkpẹn okun.”

Ebe ne Pọl gbẹẹn gie emwa Rom 4:18

Ebraham yayi, ọ keghi vbe gha mwẹ idaehọ vbe ẹghẹ ne idaehọ i na rrọọ, rhunmwuda ọnii, ọ keghi do khian erha uhunmwu ẹvbo ni bun. Zẹ vbene ebe ta ẹe wẹ, “Ekhuarha ruẹ gha bun.”

Diuteronomi 1:10

E Nọyaẹnmwa ne Osanobua uwa keghi gie uwa gha muan yọ zẹ vbe orhọnmwẹ ne aro iso.

Diuteronomi 10:22

Ẹghẹ ne avbe erha uwa odede na gha rrie Igipt, iran ekigbesiyenẹ kẹkan nọ. Sokpan, banbanna nian, e Nọyaẹnmwa ne Osanobua uwa ya uwa khian ni ghi bun zẹ vbe orhọnmwẹ ni rre aro iso.

Hibru 11:12

A gha rhe miẹn wẹ, esa ne ọ wu nẹ rẹn gha ye, sẹ evba, egbe orhiọnkpa na, ọre ọ na suẹn ighẹ uniẹn ne ọ ghi do ye vbe orhọnmwẹ ni re aro iso, kevbe zẹ vbe ikpẹ ekhae ne a i sẹtin ka, ni rre ọkpẹn okun.

Jọsua 24:3

Ẹre I na rhie Ebraham hin otọe ni rre, fian Yufretes rra, I na su ẹe la otọ Kenan, ehe ne ọ sẹe ehe ne ọ rhanmwẹ. I kevbe viọ emọ ni bun ne ẹẹn, I rhie Aizik ne ẹẹn,