Gẹnẹsis 15:4 - Edo Bible (E Baibol Ẹdo) Version 1996

⁴ Ọ keghi vbe họn vbe Nọyaẹnmwa vbe dọlegbe guẹe guan wẹẹ: “Ọviẹn na i ra rri ukhu ruẹ ighẹ Eliezẹ, ovbuẹ nokpia vbe ẹko ọre ọ ra rri ukhu ruẹ.”

Gẹnẹsis 15:4 ပူးပေါင်းရင်းမြစ်များ

Gẹnẹsis 15:1

Vbe iyeke ọnọna, Ebram keghi miẹn umian, ọ na họn vbe Nọyaẹnmwa guẹe guan wẹẹ, “Ghẹ mu ohan Ebram, Mẹ ọ re asa ne ọ gha degue ruẹ I gha ruẹ ẹse nọkpọlọ ẹsẹse.”

Gẹnẹsis 17:16

I gha fiangbẹe, I gha giẹe biẹ ọmọ okpia nuẹn. I gha fiangbẹe, rẹn gha khian iye okpẹvbo nibun. A gha vbe miẹn avbe ọba vbe uniẹn ọnrẹn.”

Gẹnẹsis 21:12

Sokpan, Osanobua ke tama Ebraham wẹẹ, “Ghẹ mu ẹmwẹ ọmọ okpia nii roro kevbe ọviẹn ighẹ Hega. Ru emwi ne Sera rhirhi tama ruẹn, rhunmwuda, urho Aizik ọre uniẹn ne I ve nuẹn ra la rre.

II Samuẹl 16:11

Ẹre Devid na tama Abisiai kevbe avbe ekhaẹmwẹ ọnrẹn hia wẹẹ, “Ovbi imẹ wẹ rẹn ra gbe mwẹ uan, vbọzẹ ne ẹmwẹ ovbi e Bẹnjamin na, na yan uwa unuan yi? Wa sẹ ọe rae ne uwa gie ẹe gha rhovbiẹ mwẹ, rhunmwuda, e Nọyaẹnmwa ọ re ọ gie ẹe.

II Samuẹl 7:12

Wẹ gha ghi wu, a na vbe re ruẹ ba avbe erha a odede nẹ, I gha ya ọkpa vbe uwu ivbi uẹ ma ọba, I ghi vbe gie arriọba ẹre digiẹ.

II Krọnikol 32:21

E Nọyaẹnmwa keghi gie odibo Osa, ọ na ya gbele avbe ivbiyokuo kevbe avbe ekaokuo ivbiyokuo Asiria. Ẹre ọgbaisi Asiria na rhie ukpọn efa rhuan werriegbe gha rrie Asiria. Ẹdẹ ọkpa, ọ ghi rre aro ẹbọ ẹre, eso vbe uwu avbe ivbi ẹre ni ikpia keghi ya umozo gbe ẹe rua.

Galatia 4:28

Wanwan na nian, ọtẹn mwẹ, ivbi Osanobua ne ọ ve zẹ vbene Aizik ye, ọre uwa khin.

Failimọn 1:12

I khian gi ẹe werriegbe bu ruẹ gha dee nian, vbene ọ dee orhiọn mwẹ lele ẹe dee.