Gẹnẹsis 15:17 - Edo Bible (E Baibol Ẹdo) Version 1996

¹⁷ Ovẹn ghi dero nẹ vbe ebiebi ghi so, vbe udomwurri, akhe erhẹn ne ọ gbe ighogho kevbe ukpekhọe ne ọ baa keghi rre do la adesẹneva avbe aranmwẹ nii gberra.

Gẹnẹsis 15:17 ပူးပေါင်းရင်းမြစ်များ

Gẹnẹsis 15:10

Ebram keghi viọ avbe aranmwẹ na hia gie Osanobua, ọ keghi giagia iran ye ihe eveva, ọ keghi viọ avbe ukhiọnmwẹ nii aro da egbe vbe uniẹn eva; sokpan ọ ma giagia avbe ahianmwẹ.

II Samuẹl 22:9

Ighogho kpe ke uvun ihue ẹre ladian, erhẹn ne ọ baa kevbe erhẹn ẹyin nọ giẹn, ke unu ẹnrẹn ladian.

I Ọba 18:38

E Nọyaẹnmwa keghi gie erhẹn rre, ọ keghi giẹn ese nii hia, erhan kevbe okuta, ọ keghi ya otọ kaka, ọ na ka amẹ ne ọ rre uvun ni hia.

I Krọnikol 21:26

Ọ keghi gba aka ne Nọyaẹnmwa vbe evba ọ na zọ ese ne a giẹn uan kevbe isara ghe Nọyaẹnmwa vbe evba. Ọ keghi na erhunmwu e Nọyaẹnmwa na rhie ewanniẹn ne ẹẹn vbene ọ na gie erhẹn ke ẹrinmwi rre do giẹn izọ ese ne ọ rre aka nii.

Ẹksọdọs 19:18

Ighogho keghi gba uhunmwu oke Sainai hia rhunmwuda e Nọyaẹnmwa la erhẹn tuorre yan rẹn. Ighogho nii kegha ye odukhunmwu zẹ vbe ighogho ogidi erhẹn. Emwa nii hia kegha guọ kpẹkpẹkpẹ.

Ẹksọdọs 20:18

Ugbẹn vbe emwa nii ghi họn avan ne ukhunmwu kevbe okpe ni vannọ, vbe iran ghi vbe miẹn ayan kevbe uhunmwu oke ne ọ gbe ighogho, iran kegha guọ zighazigha ne ohan, iran na mudia ye urria gban an.

Aizaia 62:1

I gha guan ne I ya rhie igiọdu ne Jerusalẹm. Mẹ i ra hunwan a te do miẹn rẹn fan. Ne akhọnmiotọ ẹre vbe gha baa zẹ vbe ukpa vbe asọn.

Jerimaia 11:4

Ile ne I gu avbe erha iran odede taa nọ, vbe ẹghẹ ne I na viọ iran ke Igipt ladian, otọe nii ne ọ yevbe ogidi erhẹn ne iran. I tama iran wẹ ne iran gha họn ẹmwẹ mẹ, kevbe ne iran gha ru emwi hia ne I tama iran. I keghi tama iran wẹ, iran gha họọn ẹmwẹ mẹ, iran ghi gha re emwa mwẹ, mẹ ghi vbe gha re Osanobua iran.

Diuteronomi 4:20

Sokpan wa ọrọre emwa ne irẹn viọ ke Igipt ladian, uwu ogidi erhẹn nii. Te ọ viọ uwa ladian ne uwa do gha re ọghọe vbene uwa ye ẹrẹna.

Giọgis 13:20

Ugbẹn vbe aramwẹ erhẹn ọnrẹn ghi ke aka nii ba ghe iso e Manoa kevbe amwẹ ọnrẹn keghi bẹghe odibo e Nọyaẹnmwa nii vbe ọ lele aranmwe erhẹn nii hin odukhunmwu ghe ẹrinmwi. Iran keghi dele viọ aro rhu otọ. E Manoa kevbe amwẹ ọnrẹn ma ghi dọlegbe miẹn odibọ Osa nii ọvbehe. E Manoa keghi do rẹn wẹ odibo e Nọyaẹnmwa ọre ọmwa nii khin.

Giọgis 6:21

Odibo e Nọyaẹnmwa ni keghi niẹn obọ ẹre ladian, ọ na ye ọkpọ ne ọ gu ẹe kan emiowo kevbe ebrẹd nii. Erhẹn keghi vẹn ke uwu okuta nii ladian, ọ na giẹn emiowo kevbe ebrẹd nii uan. Odibo nii keghi ru gbẹnnẹ.