Gẹnẹsis 15:13 - Edo Bible (E Baibol Ẹdo) Version 1996

¹³ Nọyaẹnmwa keghi tama rẹn wẹẹ, “Uniẹn ruẹn gha khian ọrriọvbe vbe ẹvbo ẹrrẹ, iran gha khian eviẹn vbe evba, a ghi vbe ye ukpo uri eva sẹ iran usẹ.

Gẹnẹsis 15:13 ပူးပေါင်းရင်းမြစ်များ

Gẹnẹsis 15:16

Ọ gha sẹ orre enẹ, uniẹn ruẹn ke dọlegbe gha die emwa; rhunmwuda mẹ I ra khulo emwa Amọri ladian, a te do miẹn wẹẹ, iran ru emwi dan ne ọ na kei ne a rri iran oya.”

Gẹnẹsis 17:8

I gha mu otọe ne uwẹ ye na zẹ vbe orhunmwuyẹn ne uwẹ vbe uniẹn ruẹn. Otọe Kenan hia ghi gha re ọwuẹ ẹdẹdẹmwẹdẹ, mẹ ghi vbe gha re Osanobua iran.”

Gẹnẹsis 47:4

Te ima do yin ẹvbo na, rhunmwuda vbe otọ Kenan, ukhunmwu fi sẹrriọ wẹ, avbe emwirri i ghi miẹn irunmwu re. Lahọ, ne ima yin odẹ Gosiẹn.”

Psalm 105:42

Ọ ye ile ne ọ gu Ebraham ne ọguọmwadia ẹre ta rre.

Ẹksọdọs 1:11

Ivbi Igipt keghi rhunmwuda ọnii zẹlẹ avbe emwa ni su oleghan ne iran, ne iran gha ya ẹtin ya iran miẹn ẹsọn ne a wiẹn iran an. Avbe ivbi Izrẹl ẹre ọ bọlọ ẹvbo ne a tie ẹre Pitọn kevbe Ramesis ne ọba, ne ọ gha re ehe ne a si evbare gboo yi.

Ẹksọdọs 1:13

Iran keghi ya iran khian eviẹn edanmwidan.

Ẹksọdọs 1:14

Iran keghi ya ẹdagbọn iran khian ọghe orriara vbe ne iran na ya iran gha mannọ obuẹ kevbe ibiriki, deba iwinna a gha wu a rrie ni ghi rre ugbo hia. Iran keghi ya ẹtin munọ iran gha miẹn ẹsọn ike ẹsọn ne ọ rhirhi gha khin. Iran ma vbe mwẹ itohan ghe ivbi Izrẹl.

Ẹksọdọs 2:24

Ọ keghi ghe ikhiẹkhiegbe iran, ọ na ye ile ne ọ gu Ebraham ta rre kevbe Aizik kevbe Jekọb.

Ẹksọdọs 22:21

“Wa ghẹ ya obọ dan mu orhunmwuyẹn ra ne a ru ẹe khọ, yerre wẹ orhunmwuyẹn wẹ vbe gha khin vbe Igipt.

Ẹksọdọs 23:9

“Wa ghẹ ye obọ dan mu orhunmwuyẹn, rhunmwuda wa rẹn agbọn ne orhunmwuyẹn ye rhunmwuda wa te vbe gha re orhunmwuyẹn yi vbe Igipt.

Ẹksọdọs 3:10

Banbanna nian, I ra giọ bu e ọba Igipt ne u ya viọ ivbi Izrẹl ne emwa mwẹ ke Igipt ladian.”

Ẹksọdọs 3:17

Ọre I na kha nian wẹ te I gha viọ uwa ke otọ Igipt ladian, ehe ne iran na ru uwa khọ, ne uwa gha rrie otọ emwa Kenan, emwa Hiti, emwa Amọri, emwa Pẹriz, emwa Hivi kevbe emwa Jebus, otọ ne esiesi ne ọ vbe maa emwiokọ nọ.” ’

Ẹksọdọs 3:8

“Te I rre na ne I do miẹn iran fan vbe obọ ivbi Igipt, ne I vbe viọ iran kpao vbe Igipt nii gha rrie otọ ne ọ maa emwiokọ kevbe ne ọ vbẹ aro. Otọ esiesi ne ọ maa emwiokọ nọ, emwa ni rre evba ẹghẹ na ọrọre emwa Kenan, Hiti, Amọri, Pẹriz, Hivi kevbe Jebus.

Levitikọs 19:34

Wa gha ya obọ ne uwa ya mu ivbi Izrẹl ne iho uwa mu iran, wa ghi vbe gha ho ẹmwẹ iran vbene uwa ho ẹmwẹ egbe uwa. Wa yerre ighẹ orhunmwuyẹn wa gha khin vbe otọe Igipt. Mẹ ọ re Nọyaẹnmwa ne Osanobua rua.

Nọmbas 20:15

vbene avbe erha mwa odede gha rrie Igipt hẹ, ehe ne ima na vbe gbe ukpo ni bun. Emwa Igipt ke ya obọ dan mu avbe erha mwa odede kevbe ima.

Iwinna 7:17

“Ọ ghi bu ẹghẹ ne Osanobua ra ya mu ile ne ọ gu Ebraham ta sẹ, emwa ima ni rre Igipt keghi wa khian ọrhẹnrhẹn.

Galatia 3:17

Emwi ne I kha ọre ọna khin: Osanobua ta ile, ọ keghi vbe yan ighẹ rẹn gha muẹn sẹ. Nene Uhi ne ọ do rre vbe ukpo ọgban ọya yan uri eva (430) gberra nẹ, ẹ i sẹtin rhie obọ rra ile ni ne ọ vbe khiẹn ẹnrẹn uan ighẹ emwi ne Osanobua ve.

Diuteronomi 10:19

Rhunmwuda ọnii, wa gha ho ẹmwẹ avbe erhunmwuyẹn nii, rhunmwuda, erhunmwuyẹn wa vbe khin vbe Igipt.

Diuteronomi 5:15

Yerre we eviẹn wa te vbe gha khin vbe otọ Igipt, kevbe wẹ mẹ ne Nọyaẹnmwa Osanobua ruẹ ọ re ọ ye ẹtin kevbe iwegbe mwẹ nọkhua fan uwa vbe irri. Ọnii ọ zẹe ne I na wẹ ne uwa gha zẹ nene ẹdẹ kọ ya hẹwẹ.