Gẹnẹsis 15:1 - Edo Bible (E Baibol Ẹdo) Version 1996

¹ Vbe iyeke ọnọna, Ebram keghi miẹn umian, ọ na họn vbe Nọyaẹnmwa guẹe guan wẹẹ, “Ghẹ mu ohan Ebram, Mẹ ọ re asa ne ọ gha degue ruẹ I gha ruẹ ẹse nọkpọlọ ẹsẹse.”

Gẹnẹsis 15:1 ပူးပေါင်းရင်းမြစ်များ

Gẹnẹsis 15:2

Sokpan Ebram keghi kha wẹẹ, “Nọyaẹnmwa ne Udazi, I i mwẹ emọ, de esa ne ẹse ne u ra ru mẹ khin? Ọmwa ne I mwẹ ne ọ gha rri ukhu, ọrọre Eliezẹ ne ovbi e Damaskọs.

Gẹnẹsis 15:4

Ọ keghi vbe họn vbe Nọyaẹnmwa vbe dọlegbe guẹe guan wẹẹ: “Ọviẹn na i ra rri ukhu ruẹ ighẹ Eliezẹ, ovbuẹ nokpia vbe ẹko ọre ọ ra rri ukhu ruẹ.”

Gẹnẹsis 21:17

Osanobua keghi họn vbe ọmọ nii viẹ; odibo Osanobua keghi gu Hega guan ke ẹrinmwi rre, “De emwi nọ ruẹ yi Hega? Ghẹ gie ohan muẹn. Osanobua họn eve ọmọ nii nẹ.

Gẹnẹsis 22:1

Ọ ghi kpẹe fua kherhe, Osanobua keghi danmwẹ Ebraham ghe; ọ tama rẹn wẹẹ, “Ebraham!” Ebraham keghi wanniẹn wẹẹ, “Ghe mwẹ, I danmwehọ!”

Gẹnẹsis 22:20

Ọ ghi kpẹe fua kherhe Ebraham keghi họn wẹẹ Milka biẹlẹ emọ erẹnrẹn ne ọtiọnrẹn ighẹ Nahọ.

Gẹnẹsis 26:24

Vbe Asọn nii e Nọyaẹnmwa keghi rhiegbe ma rẹn, ọ wẹẹ, “Mẹ ọrọre Osanobua Ebraham ne erha a. Ghẹ gie ohan muẹn, I rrọọ yaba ruẹ I gha fiangbuẹ, I gha vbe viọ ivbi uniẹn nibun nuẹn rhunmwuda Ebraham ne ọguọmwadia mwẹ.”

Gẹnẹsis 31:7

Sevba, ọ rhu mwẹ re, ọ na fi igho ne ọ hae mẹ yo fi ẹe rre igba igbe. Sokpan Osanobua ma gie obọ ẹre gba mwẹ.

II Samuẹl 22:3

Osanobua mwẹ ọrọre ugue mwẹ, I gha rre ehe ne ọ ye, ẹbe fo. Ọ degue mwẹ zẹ vbe asa. Ọ gbinna mẹ rhie mwẹ mwẹ, vbe a i mwẹ ẹbe. Rẹn ọrọre Ọmiọnmwafan mwẹ; ọ degue mwẹ, ọ fan mwẹ hin epiankhanrhan rre.

II Ọba 1:15

Odibo e Nọyaẹnmwa keghi tama Elaija wẹẹ, “Lele ẹe gha khian, ghẹ gie ohan mu ẹẹn.” Ẹre Elaija na lele ọkaokuo nii bu ọba gha khian.

I Krọnikol 28:20

E Devid ne ọba keghi tama e Solomọn ne ovbi ẹre wẹẹ, “Gie ekhọe ruẹ sẹ otọ ne u vbe mu aro yọ, suẹn iwinna nii, ghẹ vbe gie emwikemwi da a obọ yi. E Nọyaẹnmwa ne Osanobua ne imẹ ga, gha yaba ruẹ. Ẹ i ra fi iyeke gbe uẹ, ọ gha mudia kuẹ u te do winna iwinna ne a gha winna na vbe Ọgua Osa.

Psalm 115:10

Wa ne avbe ohẹn Osanobua wa mu ẹtin yan e Nọyaẹnmwa. Rọẹn ọ re ọ ye uwa obọ, ne ọ vbe rhie uwa lẹre.

Psalm 119:114

Wẹ ọrọre ne ọ gbinna mẹ, ke ne ọ degue mwẹ, uwu eyan ruẹn ọ re I na mwẹ idaehọ.

Psalm 142:5

Nọyaẹnmwa, I kpe tie ruẹ ne u yọmwẹ obọ, wẹ, e Nọyaẹnmwa, ọrọre ne ọ rhie mwẹ lẹre, wẹ ọrọre emwi okpa ne I ho vbe agbọn na.

Psalm 18:2

Nọyaẹnmwa ọrọre ne ọ degue mwẹ, rẹn ọrọre owa ọkhẹ mwẹ ne ọ wegbe. Osanobua mwẹ ọrọre ne ọ rhie mwẹ lẹre I gha rre ehe ne ọ ye, ẹbe ighi rrọ mẹ. Ọ degue mwẹ zẹ vbe asa. Ọ gbinna mẹ, ọ keghi wan ẹbe yo mẹ.

Psalm 27:1

E Nọyaẹnmwa ọrọre uwanmwẹ mwẹ kevbe imiẹnfan mwẹ, de ọmwa ne ohan rẹn gha mu mwẹ? E Nọyaẹnmwa, ọ re ọ degue mwẹ, hin uwu ẹbe hia, afianma i ghi fianmwẹ.

Psalm 3:3

Sokpan, wẹ, Nọyaẹnmwa ọrọre asa mwẹ, vbe ẹghẹ ẹbe kevbe ẹghẹ hia. Wẹ ọ re ọ rhie akhọnmiotọ mẹ. U keghi vbe rhie orhiọn yọ mwẹ iwu.

Psalm 3:4

I kpe tie Nọyaẹnmwa ne iyobọ. Ọ keghi wanniẹn mwẹ ẹmwẹ, ke oke ne ọ huanrẹn ọghọe gha dee.

Psalm 5:12

Wẹ ọ re ọ fiangbe iran ni họn ẹmwẹ ruẹn Nọyaẹnmwa. Ahoẹmwọmwa ruẹn ọ re ọ degue iran zẹ vbe asa.

Psalm 58:11

Emwa ghi gha kha wẹẹ, “A gele san emwa esi ẹse vbẹmwata; Osanobua ne ọ bu ohiẹn agbọn na gele rrọọ.”

Psalm 84:11

E Nọyaẹnmwa ọrọre ne ọ degue mwa, kevbe ọba uyi, ne ọ ya itohan kevbe ọghọ fiangbe mwa. Ẹ i gban emwi ne ọ maa rhọkpa, hin obọ iran ni ru vbene ọ kere rre.

Psalm 84:9

Osanobua, fiangbe ọba mwa Ọba ne uwẹ hannọ zẹ.

Psalm 91:4

Ọ gha ya ifuẹn ọnrẹn gue ruẹ, wẹ gha re ne ẹ i mwẹ ẹbe vbe ototọ ugue ẹre, ẹmwata ẹre gha degue ruẹ ọ gha vbe gbinna ne uẹn.

Ẹksọdọs 14:13

E Mosis keghi wanniẹn tama emwa nii wẹẹ, “Wa ghẹ fian afianma. Wa mudia gbain ne uwa gha ghe emwi ne Nọyaẹnmwa gha ru ya miẹn uwa fan ẹrẹna; ivbi Igipt ne uwa miẹn ẹrẹna, wa i ghi ra dọlegbe miẹn iran ọvbehe.

Itan 11:18

Ere emwi esi okpa i rrọ ne ọmwa dan re, sokpan, u gha ru emwi esi, ẹ i mwẹ a ma san ruẹn ẹse.

Itan 30:5

“Te Osanobua mu ẹmwẹ ne ọ khare sẹ. Te ọ yevbe asa ne emwa hia ni lẹ gbinna ẹn.

Aizaia 35:4

Tama emwa hia ne egbe wọre wẹẹ, “Wegbe, ghẹ vbe gie ohan mu ẹẹn! Osanobua dee do miẹn ruẹn fan ọ dee do rri avbe eghian ruẹn oya.”

Aizaia 40:10

E Nọyaẹnmwa ne Udazi dee ra do ya ẹtin khaemwisẹ. Ọ ghi viọ avbe emwa ne irẹn miẹnfan mwẹ obọ gha dee.

Aizaia 41:10

Wa ghẹ fian afianma, I gu uwa rrọọ. Mẹ ọrọre Osanobua uwa, wa ghẹ gie emwikemwi mu uwa ohan. I gha ya uwa wegbe, I gha yi uwa obọ I gha degue uwa, I ghi miẹn uwa fan.

Aizaia 41:14

E Nọyaẹnmwa ke kha wẹẹ, “A gha rhe miẹn wẹ wa kanmwa, wa ma vbe wegbe Izrẹl, wa ghẹ mu ohan, I gha yi uwa obọ. Mẹ ne Osanobua nọhuanrẹn ọghe Izrẹl mẹ ọrọre ọmwa ne ọ miẹn uwa fan.

Aizaia 43:1

Izrẹl, Osanobua ne ọ yi uwe khare wẹẹ, “Ghẹ mu ohan, I gha miẹn ruẹn fan. Mẹ ọ re ọ he uwẹ eni, ọghomwẹ ọre u khin.

Aizaia 43:5

Ghẹ fian afianma, I rrọọ yaba ruẹ! “Ke odẹ orrie ne ọ rrei sẹẹ ehia, I gha viọ emwa ruẹn gha die owa.

Aizaia 44:2

Mẹ ọrọre Nọyaẹnmwa ne ọ yii uwa, ke ne a ya biẹlẹ uwa gha dee, te I gha yi uwa obọ wa ghẹ fian afianma, eguọmwadia mwẹ ọ re uwa khin emwa mwẹ ne I hannọọn zẹ ne I ho ẹmwẹ ọnrẹn.

Aizaia 44:8

Wa ghẹ fian afianma wa ne emwa mwẹ wa rẹn wẹ ke ẹkpo nẹdẹ gha dee do sẹ ebanbanna, I ta avbe emwi ni gha sunu yotọ nẹ, wa ọ re ọ vbe re osẹe mwẹ osa ọvbehe vbe rrọ ra? Osa ọvbehe ne ọ mwẹ ẹtin vberrọ ra! Ne imẹ ma he họn ẹmwẹ ọnrẹn?”

Aizaia 51:12

E Nọyaẹnmwa khare wẹẹ, “Mẹ ọrọre ọmwa ne ọ rhie ẹtin ye uwẹ iwu vbọzẹ ne u gha na mu ohan ọmwa ne ọ sẹtin wu ne ẹ i vbe tọ sẹẹ irunmwu?

Jerimaia 39:17

Sokpan, mẹ ne Nọyaẹnmwa gha degue ruẹ, ai ra rhie ruẹ ne avbe emwa ne afianma rẹn fian an.

Eve Orriara 3:24

Mẹ i mwẹ emwi ọvbehe gberra e Nọyaẹnmwa rhunmwuda ọnii, uwu irẹn ọ re idaehọ mwẹ ye.

Ezikiẹl 1:1

Vbe Ikpẹdẹ ne ogisẹn ọghe uki ne ogienẹ vbe ukpo ne ogiwera, mẹ ne Ezikiẹl, ne ohẹn, ne ovbi e Buz, keghi gu ivbi e Ju ni rre iwe rre ọkpẹn Ẹzẹ e Kiẹba vbe Babilọn. Iso keghi kie yotọ, I na miẹn umian ọghe Osanobua.

Ezikiẹl 11:24

Vbe aro umian nii, orhiọn Osanobua keghi tọn mwẹ mu, ọ na mu mwẹ werriegbe bu iran ni rre iwe vbe Babilọn gha dee. Ẹre umian ni na ru gbẹnnẹ.

Ezikiẹl 3:4

Ẹre Osanobua na kha wẹẹ, “Ovbi ọmwa, bu ivbi Izrẹl gha khian ne u ya tama iran ẹmwẹ ne I a rhirhi ta wẹ ne u ta.

Nọmbas 12:6

E Nọyaẹnmwa keghi kha wẹẹ, “Banbanna nian, danmwehọ ẹmwẹ ne I ra ta. A gha miẹn ighẹ akhasẹ rre uwu uwa, mẹ ghi rhie egbe mwẹ ma rẹn vbe umian, I ghi vbe gu iran guan vbe imina.

Nọmbas 18:20

E Nọyaẹnmwa keghi tama Errọn wẹẹ, “Wẹ ghẹ miẹn ọmwa rhọkpa emwi ne ọ gia re vbe ukhu, a i ra vbe ghae ne uẹn vbe otọ Izrẹl. Mẹ ne Nọyaẹnmwa ọrọre emwi ne ọ ke ne uẹn.”

Nọmbas 24:4

Ne ọ vbe sẹtin họn vbene Osanobua kha hẹ. I rhan aro a gbadaa, I ke ya bẹghe vbe umian, emwi ne Osanobua Ne Oghodua mu mẹ ghe.

Matiu 28:5

Odibosa nii keghi gu avbe ikhuo ni guan, ọ wẹẹ, “Wa ghẹ gie ohan mu uwa, I rẹnrẹn ighẹ Jesu ne a kan ẹn mu ugbugbe ọre uwa gualọ khian.

Matiu 8:26

Jesu tama iran wẹẹ, “Vbọzẹ ne uwa na runran vberriọ yi, wa i mwẹ iyayi.” Ọ keghi kpaegbe, ọ gu amẹ kevbe ẹhoho ni guan, ehia keghi hunwan hii i!

Iyẹn ne ọ Maan Ọghe Luk 1:13

Sokpan odibosa nii tama rẹn wẹẹ, “Ghẹ gie ohan mu ẹn Zẹkaraia, Osanobua họn erhunmwu ruẹn nẹ, Elizabẹt ne amwẹ ọẹn gha biẹ ọmọ okpia nuẹn. U ghi he ẹre Jọn.

Iyẹn ne ọ Maan Ọghe Luk 1:30

Odibosa nii na tama rẹn wẹẹ, “Ghẹ mu ohan Meri, Osanobua ruẹ ẹse nẹ.

Iyẹn ne ọ Maan Ọghe Luk 12:32

“Wa ghẹ fian afianma, oghẹn kherhe. Rhunmwuda, ọ re ekhọe Erha uwa nẹ ne ọ rhie Arriọba ni ne uwa.

Iwinna 10:22

Iran wanniẹn wẹẹ, “Kọniliọs ne ọka okuo ọre ọ gie ima gha dee. ọmwa esi ne ọ ga Osanobua ọre nọ, emwa Ju hia wa ya ọghọ nẹẹn ẹsẹse. Odibo Osanobua ọkpa ọre ọ tama rẹn ne ọ gie ne a tie ruẹ gha die owa ẹre, ne ọ miẹn ehe na họn ẹmwẹ ne u mwẹ ne u gha ta ma rẹn.”

I Kọrinti 3:22

E Pọl, Apọlọs, e Pita, agbọn na, uwu, ẹfe ẹghẹ ne a ye na, ẹghẹ ne ọ dee, wa ọre ọ yan ehia.

Diuteronomi 18:2

A ghẹ mu otọ ne iran zẹ vbene a ghae ne emwa nekpa, ukpo ohẹn nii ọrọre ọghae iran, zẹ vbe ne Nọyaẹnmwa yan rẹn.

Diuteronomi 31:6

Wa gha wegbe ne uwa vbe din. Wa ghẹ gie ohan emwa nii mu uwa, Osanobua uwa ighẹ e Nọyaẹnmwa tobọ ẹre gha yaba uwa, ẹ i ra hiẹ uwa ra ne ọ he uwa ye otọ.”

Hibru 1:1

Vbe ẹghẹ ne ọ gberra, odẹ ughughan kevbe ẹghẹ ni bun ọre Osanobua ya gha gu avbe erha mwa odede guan, vbe ne ọ na gie avbe akhasẹ gie iran.

Arhie Maan 1:17

Ugbẹn vbe I ghi bẹghe ẹre, I keghi de gbe otọ vbe akharha ẹre, zẹ vbe orinmwi. Rẹn keghi rhie obọ erha ọmwa rẹn yan mwẹ, ọ wẹẹ, “Ghẹ gie ohan mu ẹn. Mẹ ọrọre okaro kevbe okiekie.

Ebe Rut 2:12

Te Nọyaẹnmwa gha san ruẹn ẹse emwi ne u he ru hia, te Nọyaẹnmwa Osanobua Izrẹl ne u do lẹ gbinna gha san ruẹn ẹse fo fẹẹrẹ.”

I Samuẹl 15:10

E Nọyaẹnmwa keghi gu e Samuẹl guan wẹẹ,

I Samuẹl 9:9

E Sọl keghi wanniẹn wẹẹ, “Iro esi u zẹẹ! Gie a gha khian.” Ẹre iran na gha rrie ẹvbo ne ọmwa ne ọ huanrẹn nii ye. Iran ghi mu oke hin rrie ẹvbo nii, iran keghi miẹn ibiẹka ikhuo ni tuorre dee, iran ra do sa amẹ. Iran keghi nọ avbe ibiẹka ikhuo nii wẹẹ, “Ọbiro rre owa ra?” (Ẹkpo nẹdẹ, ọmwa gha te ra nọọn Osanobua emwi, ọ ghi kha wẹẹ, “Wa gia gha rrie ọghe ọbiro.” Rhunmwuda ẹghẹ nii, ọbiro ọre a tie avbe akhasẹ).