Gẹnẹsis 14:23 - Edo Bible (E Baibol Ẹdo) Version 1996

²³ Wẹ mẹ I ra rhie emwikemwi nọ re ọwuẹ, yasẹ egbe oru irri ibata, ne u ghẹ ya gha tae khian wẹẹ, ‘Mẹ ọre ọ fee Ebram.’

Gẹnẹsis 14:23 ပူးပေါင်းရင်းမြစ်များ

I Ọba 13:8

Akhasẹ ni keghi wanniẹn wẹẹ, “A gha rhe wẹ te u wa ẹfe ruẹ hia ye ihe eva, u na mu obọ ọkpa mẹ vbọ, I i lele uẹ rae ra ne I guẹ re ra ne I guẹ da.

II Ọba 5:16

Elaisia keghi wanniẹn wẹẹ, “Vbe eni Osanobua ne ọ rrọọ ne imẹ ga, I vẹn ihẹn wẹ mẹ i ra miẹn ruẹn emwi rhọkpa.” E Naaman keghi rhẹrhẹ ọe ne ọ miẹn irẹn ẹre, sokpan, ọ ma miẹn ẹre re.

II Ọba 5:20

vbe Gehazi ne ọguọmwadia Elaisia zẹ iro ekhọe ẹre wẹẹ, “Arowa mwẹ wa gie Naaman gha rrie vbene ọ ma na ha emwirhọkpa! Ọ te kei ne ọ viọ emwi ne ovbi e Siria nii hẹ ne ẹẹn. Vbe eni e Nọyaẹnmwa ne ọ rrọọ, I gha rhulẹ lele ẹe ne I ya miẹn ẹre emwi eso.”

Iyẹn ne ọ Maan Ọghe Jọn 1:27

Rẹn ọ re ọ khian rre lele mwẹ sokpan mẹ ma sẹ ne ọ gha ban re ibata.”

II Kọrinti 12:14

Ukpo eha ọ na khin ne I khian he do miẹn uwa aro na sẹvba, I i ra ye vbe ya ye uwa egbe. Wa tobọ uwa ọre I gualọ ighẹ ẹ i re igho uwa. A deghẹ erriọ te nọ, emọ ọre ọ ma koko erha, ẹ i re erha ọre ọ koko emọ.

Hibru 13:5

Fannọ obọ igho ne a ho ẹmwẹ ọnrẹn hin ẹdẹ agbọn ruẹn egbe rre. Vbe gie emwi ne u mwẹ gha suẹ ọkẹn, rhunmwuda Osanobua kha nẹ wẹẹ, “Mẹ i ra sẹ uẹ rae ẹdẹ, mẹ i re he uwẹ ye otọ ẹdẹ.”