Gẹnẹsis 14:18 - Edo Bible (E Baibol Ẹdo) Version 1996

¹⁸ E Mẹlkizẹdẹk ne ọba Salẹm kevbe ne ọ vbe re ohẹn ọghe Osanobua Nọyosẹ keghi viọ ebrẹd kevbe ayọn gie Ebram,

Gẹnẹsis 14:18 ပူးပေါင်းရင်းမြစ်များ

II Samuẹl 2:5

Ọ keghi gie emwa eso uhunmwu gha khian ya tama iran wẹẹ, “Te Nọyaẹnmwa gha fiangbe uwa, ne uwa na rhie maa ighẹ uwa i re eghian ọba uwa vbene uwa na re ẹre.

Psalm 104:15

Ọ ghi vbe ru ayọn ne ọ ya ẹko ẹre rhiẹnrhiẹn, ofigbọn oliv ne ọ ya ekhọe ẹre rhiẹnrhiẹn, kevbe ebrẹd ne ọ rhie ẹtin ne ẹẹn.

Psalm 110:4

E Nọyaẹnmwa vẹe ye urhu nẹ, ẹ i ra vbe fi ẹe werriẹ wẹẹ, “Ohẹn wẹ ra gha khin ẹdẹdẹmwẹdẹ vbe uniẹn ne a na rri ohẹn ọghe Mẹlkizẹdẹk.”

Psalm 50:14

Ya ẹse ne a kpọnmwẹ gha ru ese ne u zọ ghe Osanobua ne u vbe viọ emwi ne u ve hia ne Udazi.

Psalm 57:2

I kpe tie Osanobua Ne ọ yo sẹẹ Ehia, Osanobua ne ọ viọ emwi hia ne imẹ.

Psalm 7:17

I kpọnmwẹ e Nọyaẹnmwa ye ohiẹn ẹmwata ne ọ bu. I so ihuan urhomwẹ ghe Nọyaẹnmwa, ne ọ re Ne ọ yo sẹẹ Ehia.

Psalm 76:2

Ọ mwẹ owa ẹre vbe Jerusalẹm Oke Zaiọn ọrọre ehe ne ọ dia.

Psalm 76:3

Evba ọ re ọ na bunnọ ifẹnmwẹ eghian, kevbe asa kevbe umozo iran, deba emwi igbinna iran hia.

Daniẹl 4:31

Ọ ma he guan avbe ẹmwẹ na fo vbe unu, vbe urhu ọkpa ke ẹrinmwi rre wẹẹ, “E Nebukiadneza ne ọba, danmwehọ mwẹ! A miẹn ruẹn ẹtin ọba ne u te mwẹ.

Maika 6:6

De emwi ne imẹ gha rhie gie Nọyaẹnmwa ne Osanobua ẹrinmwi, vbe I a ra do mudia vbe odaro ẹre? Ne I mu ivbi ẹkhuia ẹmila ni maa sẹ rre ra ne a ya zọ ese ne a giẹn uan ne ẹẹn?

Nọmbas 18:28

Odẹ vberriọ ọ re uwẹ gha na ru izẹọhẹ kpataki ọghe Nọyaẹnmwa vbe uwu aghae yi ihe igbe hia ni ne uwa miẹn vbe obọ ivbi Izrẹl. Wa ghi vbe rhie izẹọhẹ kpataki ne ọ re ọghe Nọyaẹnmwa ne Errọn ne ohẹn vbe uwu emwi ne ọ sẹ uwa obọ hia.

Nọmbas 24:16

ne ọ sẹtin họn vbene Osanobua kha hẹ, ne ọ vbe miẹn irẹnmwi ne ọ ke ọghe ne ọ yo sẹẹ rre. I rhan aro a gba daa, I keghi miẹn ọẹn vbe umian emwi ne Osanobua Ne Oghodua mu ma mwẹ,

Iwinna 16:17

Ọ keghi wa lele Pọl kevbe ima, ọ na gha go wẹẹ, “Iran na, eguọmwadia Osanobua ne ọ yo sẹ iran khin, te iran tama uwa vbene uwa gha ya miẹn imiẹnfan hẹẹ!”

Iwinna 7:48

“Sokpan Osanobua Nọyosẹ i di owa ne emwa nagbọn bọe ya, zẹ vbene akhasẹ ni khare. Osanobua khare wẹẹ:

Galatia 6:10

Rhunmwuda ọnii, ẹghẹikẹghẹ ne a ya miẹn otọ, wa gie a gha ru emwa hia ẹse, sokpan sẹe hia sẹẹ hia, iran ne ima gba re ọkpa vbe ẹgbẹe iyayi.

Hibru 5:10

Osanobua keghi tie ẹre ogie ohẹn vbe uviẹn ọghe Mẹlkizẹdẹk.

Hibru 5:6

Ọ keghi vbe ta ẹe vbe ehe ọvbehe wẹẹ, “Ohẹn ọre u khian gha khin ẹdẹdẹdẹ, vbe uniẹn ohẹn ọghe Mẹlkizẹdẹk.”

Hibru 6:20

Jesu ka ke odaro nẹ, gha rrie evba nii, ne ima. Rẹn keghi vbe khian ogie ohẹn etẹbitẹ lele uviẹn ọghe Mẹlkizẹdẹk.

Hibru 7:1

Mẹlkizẹdẹk ne a kha na, kegha re Ọba Salẹm, ọ keghi vbe gha re ohẹn ọghe Osanobua Ne ọ yo sẹ. Ugbẹn vbe Ebraham ghi ke ehe ne ọ na gbele avbe ọba isẹn dee, Mẹlkizẹdẹk keghi khian dekun ẹnrẹn, ọ na fiangbẹe.

Ebe Rut 3:10

Rẹn keghi wanniẹn wẹẹ, “Te Nọyaẹnmwa gha fiangbe uẹ, ovbi mwẹ. Uwa ya emwi ne u ru na rhie maa wẹ ọmwa ne ọ guobọ mwa u khin, ọna vbe sẹ ne u ru ne iye ọdafọn ọn rhunmwuda, u gha sẹtin gualọ igbama rọnmwẹ, ọ re ne ọ fe nọ ra ne ọ ma fe, sokpan u ma ru vberriọ.