Gẹnẹsis 14:13 - Edo Bible (E Baibol Ẹdo) Version 1996

¹³ Sokpan okpia ọkpa ne ọ lẹ fe keghi do tama Ebram ne ovbi e Hibru, ọkpẹn erhan iruemwi ọghe Mamrẹ ne ọmwa Amọri rẹn gha ye, ọmwa Mamrẹ ne ọ re ọtẹn Ẹskọl kevbe Anẹ keghi re emwa ni ye obọ ba Ebram.

Gẹnẹsis 14:13 ပူးပေါင်းရင်းမြစ်များ

Gẹnẹsis 10:16

Ke Jebus, Amọri kevbe Gegasa,

Gẹnẹsis 13:18

Rhunmwuda ọnii, Ebram na si agọ ẹre, ọ keghi ya bu ẹre ye ọkpẹn erhan iruẹmwi ọghe Mamrẹ vbe Hibrọn, ọ ke gba aka ne Nọyaẹnmwa vbe evba.

Gẹnẹsis 14:24

Mẹ i ra rhie emwi rhọkpa ọghe obọ mwẹ. I gha rhan obọ miẹn emwi ne avbe emwa mwẹ loro. Sokpan, gie avbe ihomwa, Anẹ, Ẹskọl kevbe Mamrẹ, viọ emwi ni sẹ iran obọ.”

Gẹnẹsis 18:1

E Nọyaẹnmwa keghi rhiegbe ma Ebraham vbe ọkpẹn avbe erhan iruemwi ọghe Mamrẹ, Ebraham keghi tota ye onurho owa ukpọn rẹn vbe ogiavan ogioghogho,

Gẹnẹsis 21:24

Ebraham keghi kha wẹẹ, “I yan vberriọ.”

Gẹnẹsis 21:27

Ebraham keghi viọ ohuan kevbe ẹmila eso ne Abimẹlẹk, iran eveva keghi gba mwamwa ẹn kugbe.

Gẹnẹsis 21:32

Iyeke vbe iran ghi gba mwamwa emwi na kugbe nẹ vbe Biẹsiẹba, Abimẹlẹk ke Fikọl ne ọkaokuo ẹre ke werriegbe gha rrie otọe Filistin.

Gẹnẹsis 39:14

Ọ keghi tie ikpia ni rre owa ẹre wẹẹ, “Wa ghe o! Ọdafẹn mwẹ ọ re ọ mu ovbi e Hibru na ye owa, eban nian mẹ ọre ọ ghi yagha. Ọ bu mwẹ la ughugha ọ na wẹ ne I gie irẹn gun mwẹ ru emwi, ọ re I na rhie so zẹ vbe ne ẹho mwẹ sẹe.

Gẹnẹsis 40:15

Ne I guẹ rẹn nian wẹ te a do mwẹ mu vbe ẹvbo emwa Hibru, kevbe emwa na vbe Igipt I ma ru emwi rhọkpa ne a rhunmwuda ẹre mu mwẹ fi eghan na.”

Gẹnẹsis 41:12

Igbama, ovbi e Hibru ọkpa keghi gu ima rre evba, ọviẹn ọkaolotu iran ni khẹ odẹ nọ. Ma keghi ta imina ima ma rẹn. Ọ na rhan otọ ẹnrẹn ma ima, ọ tama dọmwadẹ ọghọe emwi ne a ya imina rẹn kha.

Gẹnẹsis 43:32

Iran keghi rhie ọghe Josẹf nẹẹn, rẹn ọkpa vbe ehe ughaẹn. A kevbe viọ ọ ghe etiọnrẹn ye eteburu ọvbehe, a kevbe viọ ọghe ivbi Igipt ni deba ẹre gha rrie evbare ne iran vbe ehe ughaẹn. Rhunmwuda iran kae ye awua ne a deba emwa Hibru gha rri evbare.

Job 1:15

Avbe ivbi e Sabia keghi wa rre vbe udomwurri, iran na wa fu ehia viọ gha rrie. Iran gbele eguọmwadia ruẹ hia a, mẹ ọkpa ọ re ọ miẹn uhunmwu, ọ re I na lẹ gha dee do tama ruẹn.”

Ẹksọdọs 2:11

Ọ ghi kpẹe fua kherhe vbe Mosis ghi wan nẹ, ọ keghi ladian ne ọ ya tue avbe emwa rẹn, ighẹ ivbi e Hibru, ọ ke do miẹn vbe a ya ẹtin ya iran miẹn ẹsọn. Ọ na miẹn vbe ovbi Igipt ọkpa gbe ovbi e Hibru, ọkpa vbe uwu avbe emwa irẹn rua.

Ẹksọdọs 2:6

Ovbi ọba ghi wẹ ẹre, ọ keghi miẹn ọmọ okpia ọkpa vbọ, ọ gha viẹ, ohan rẹn keghi to ẹe, ọ na wẹẹ, “Usun ivbi e Hibru ọre ọ na khin.”

Ẹksọdọs 3:18

Iran gha rhie ehọ nuẹn ta yi, u ghi bu ọba Igipt ke uwẹ kevbe avbe ọkaolotu ivbi Izrẹl, u ghi tama rẹn wẹẹ, ‘E Nọyaẹnmwa, Osanobua avbe emwa Hibru miẹn ima aro. Lahọ gie ima khian okhian ikpẹdẹ eha ghe uwu ato ne ima ya zọ ese ne Nọyaẹnmwa, Osanobua mwa.’

Jerimaia 34:9

ikpia kevbe ikhuo ni re ivbi e Hibru vbene a gha na miẹn wẹ a ma ghi miẹn ovbi Izrẹl ne ọ mwẹ ọviẹn ne ọ vbe re ovbi Izrẹl ne ihua ẹre.

Jona 1:9

E Jona keghi wanniẹn tama iran wẹẹ, “Ovbi e Hibru mẹ khin. E Nọyaẹnmwa, Osanobua ne ọ yi otọe kevbe okun, ọre imẹ ga.”

Nọmbas 13:23

Iran keghi do sẹ Iya Ẹskọl, evba ọre iran na fian abọ ne ititi ọmọ erhan ayọn nọbaa ye, ne ọ khua sẹrriọ wẹ ikpia eva ọre a gbae ye erhan mu ẹẹn na, iran vbe viọ ighee eso kevbe ohọ rre ba ẹre.

Nọmbas 21:21

Ẹre ivbi Izrẹl na gie uhunmwu gie Saihọn ne ọba ivbi Amọri wẹẹ:

II Kọrinti 11:22

Ivbi e Hibru iran khin ra? Ọ re imẹ vbe khin. Ivbi Izrẹl iran khin ra? Ọ re imẹ vbe khin. Ivbi uniẹn Ebraham iran khin ra, ọ re imẹ vbe khin.

Filipai 2:5

Wa gie egbe ekhọe nọ gha gu e Jesu vbe gha gu uwa.

I Samuẹl 29:3

Ọkaokuo ivbi e Filistin keghi kha wẹẹ, “De emwi ne avbe ivbi Hibru na ru vbe emwana yi?” Akis keghi wanniẹn wẹẹ, “E Devid ọna khin, ọkaokuo e Sọl ne ọba Izrẹl nọ, ehe ne I ye ọ re ọ ye ke ẹghẹ ne ọkpẹre gha dee, kevbe ne ọ ya bu mwẹ gha dee, ọ ma he ru emwi ọkpa ne I gha gbe ikhan yi.”

I Samuẹl 4:12

Okpia ọkpa vbe uniẹn Bẹnjamin ke ghi lẹfua ke odaro okuo gha die Silo, ọ keghi vbe sẹ evba vbe ẹdẹ ne ẹdẹrriọ zẹẹ. Ọ keghi yanghan ukpọn ye ẹkun, ọ na vbe viọ iku ye uhunmwu zẹ vbe ama ne ọ ya rhie maa ighẹ te irẹn khiẹ.