Gẹnẹsis 14:11 - Edo Bible (E Baibol Ẹdo) Version 1996

¹¹ Avbe ọba enenẹ nii keghi viọ emwi hia ni rre Sọdom kevbe Gomorra, yasẹ egbe evbare, iran na gha rrie.

Gẹnẹsis 14:11 ပူးပေါင်းရင်းမြစ်များ

Gẹnẹsis 12:5

Ebram keghi rhie Sera ne amwẹ ọnrẹn, e Lọt ne ovbi ọtiọnrẹn, ẹfe ne irẹn mwẹ hia, ne iran khuan ẹn vbe Haran, kevbe eviẹn ọnrẹn hia iran keghi si okhian gha rrie Kenan.

Gẹnẹsis 14:10

Uvun ọdan ọre ọ vuọn iya ọghe Sidim, ugbẹn vbe avbe ọba Sọdom kevbe Gomorra ghi te ra lẹ kua vbe okuo, iran na kharha ye uwu uvun nii, iran nekpa ke lẹ la uhunmwu oke.

Gẹnẹsis 14:12

Iran keghi vbe mu e Lọt kẹe kevbe emwi ne ọ mwẹ hia rhunmwuda Sọdom rẹn gha ye.

Gẹnẹsis 14:16

Iran keghi viọ emwi iran hia werriegbe. Ọ kevbe mu ọtiọnrẹn ighẹ Lọt werriegbe rre, kẹe kevbe emwi ẹnrẹn hia, kevbe avbe ikhuo kevbe avbe oghunmwu ọvbehe.

Gẹnẹsis 14:21

Ọba ọghe Sọdom keghi tama Ebram wẹẹ, “Viọ emwi hia ne u viọ rre gha khian sokpan viọ avbe emwa mwẹ dọlegbe mẹ.”

Diuteronomi 28:31

A gha sirra uwa gbele ẹmila uwa, sokpan, unu uwa i dekan aranmwẹ ọnrẹn. A ghi sirra uwa silo ekẹtẹkẹtẹ uwa kpao vbene a i ghi na vbe dọlegbe viọ iran gie uwa. A gha viọ ohuan uwa ne avbe eghian uwa vbene uwa i na miẹn ọmwa ne ọ gha ye uwa obọ.

Diuteronomi 28:35

E Nọyaẹnmwa ghi gie ẹtẹ obalọ ne ẹ i mwẹ ukhunmwu gba owẹ uwa hia, uruvba gha gba uwa egbe kevbe uhunmwu ya sẹ atataowẹ.

Diuteronomi 28:51

Iran ghi rri ẹmila kevbe emwiokọ uwa, ovbamẹ ghi gbe uwa la ẹrinmwi. Iran i ra sẹ ikpẹ ọka ọkpa rae ne uwa ra ayọn ra ofigbọn ọliv, ra ẹmila ra ohuan, wa ghi wulo.