Gẹnẹsis 14:10 - Edo Bible (E Baibol Ẹdo) Version 1996

¹⁰ Uvun ọdan ọre ọ vuọn iya ọghe Sidim, ugbẹn vbe avbe ọba Sọdom kevbe Gomorra ghi te ra lẹ kua vbe okuo, iran na kharha ye uwu uvun nii, iran nekpa ke lẹ la uhunmwu oke.

Gẹnẹsis 14:10 ပူးပေါင်းရင်းမြစ်များ

Gẹnẹsis 11:3

Ẹghẹ nii ọre iran na tama egbe wẹẹ, “Wa larre! wa gie ima do mannọ ibiriki ne a ye erhẹn kaa ẹre.” Iran keghi mannọ ibiriki ne iran gha ya bọ owa, kevbe ọdan ne iran gha ya sikan ẹn mu egbe.

Gẹnẹsis 14:11

Avbe ọba enenẹ nii keghi viọ emwi hia ni rre Sọdom kevbe Gomorra, yasẹ egbe evbare, iran na gha rrie.

Gẹnẹsis 14:17

Ugbẹn vbe Ebram ghi ke ehe ne ọ na ya khọn miẹn Kiedolaoma kẹe kevbe avbe ọba nekpa ni yaba ẹre rre, ọba Sọdom keghi khian bu ẹre sẹ iya ọghe Siave (ne avbe tie ẹre iya ọba).

Gẹnẹsis 14:21

Ọba ọghe Sọdom keghi tama Ebram wẹẹ, “Viọ emwi hia ne u viọ rre gha khian sokpan viọ avbe emwa mwẹ dọlegbe mẹ.”

Gẹnẹsis 14:3

Avbe ọba isisẹn na keghi ku obọ gbe, iran tẹn iyokuo iran kugbe vbe iya ọghe Sidim ne a ghi tie ẹre Okun Nọwu na.

Gẹnẹsis 14:9

na gu avbe ọba ọghe Ẹlam, kevbe ọghe Giom, Babilonia, kevbe Elasa gbinna, ọba isẹn kegha gu ọba enẹ khọn.

Gẹnẹsis 19:17

Ugbẹn vbe iran ghi viọ iran ladian hin ore ẹvbo rre nẹ, ọkpa vbe avbe odibosa nii ke kha wẹẹ, “Le fua! Ghẹ ghe odieke, ghẹ vbe yakọ vbe iya na. Lẹ gha rrie uhunmwu oke, ne a ghẹ gbele uwa a.”

Gẹnẹsis 19:30

Ohan ma gie Lọt die Zoa ya, rẹn vbe ivbi ẹre nikhuo eva kegha rrie uhunmwu oke, iran na ya gha rre uwe uvun okuta.

Psalm 83:10

U khọn iran muotọ vbe Ẹndọ, ikun iran keghi kẹkẹ ye otọ.

Aizaia 24:18

Ọmwa ne ọ wẹ rẹn ra lẹ ne ugborrirri nii, gha de ye uvun, ọmwa ne ọ vbe lẹ hin obọ uvun rre, ọ ghi de ye ifi. Okpamẹ nọkhua gha gbefua ke iso rre, ẹyotọ agbọn gha vbe mu rueghe.

Jerimaia 48:44

Ọmwa ne ọ te wẹ ne irẹn lẹ fe vbe obọ ohan nii, gha de ye uye, ọmwa ne ọ ghi vbe sẹtin hin odukhunmwu ke uwu uye ladian, ifi gha mu ẹẹn, rhunmwuda, e Nọyaẹnmwa rhie ẹghẹ ọfuan ọghe Moab yotọ nẹ.

Jọsua 8:24

Ivbi Izrẹl keghi gbele avbe eghian iran hia vbe uwu oha ne iran khulo iran lao. Iran na dọlegbe gha rrie Eai iran na vbe ya gbele iran ni rre odọ niii uan.