Gẹnẹsis 13:8 - Edo Bible (E Baibol Ẹdo) Version 1996

⁸ Ẹre Ebram na khama Lọt wẹẹ, “Etẹn ma khin, ọ ma kei ne emwa mwẹ kevbe emwa ruẹn gba gha gui.

Gẹnẹsis 13:8 ပူးပေါင်းရင်းမြစ်များ

Gẹnẹsis 13:9

Gie ima wannegbe. Lahọ zẹ obọ ne ọ yẹ ruẹ sẹ vbe otọe na ne u sẹ mwẹ rae, wẹ ghi laghe obọ ọkpa ne imẹ laghe obọ nọkpa.”

Gẹnẹsis 14:14

Ugbẹn vbe Ebram ghi họn ighẹ iran mu ọtiọnrẹn, ọ keghi tie emwa ni gia mu ẹtin yan vbe avbe emwa rẹn si koko, arhin evairrọvbiyehan yan uri (318), ọ na khu avbe ọba nii ya sẹ Dan.

Gẹnẹsis 45:24

Ọ na wẹ ne avbe etiọnrẹn si okhian, Ọ keghi tama iran vbe iran ghi ra kpao wẹẹ, “Wa ghẹ fian afianma rhọkpa vbe odẹ.”

Gẹnẹsis 46:34

Wa ghi khama rẹn wẹẹ, ‘Enọwanrẹn aranmwẹ ọre ima rri ke ẹghẹ ọvbokhan mwa gha de zẹ vbe ne avbe erha mwa vbe gha ru.’ Erriọ ọre uwa gha na ya di odẹ Gosiẹn ya.” Emwi ne ọ yae ta ọna ọrọre wẹ emwa Igipt i ho ẹmwẹ avbe ọsuohuan.

Psalm 133:1

U miẹn vbene ọ maa hẹ u miẹn vbe ọ vbe rhiẹnrhiẹn hẹ ne emwa Osanobua gha gu egbe yin vbe ọfumwegbe.

Ẹksọdọs 2:13

Ẹdẹ ne ọ lele ẹe, ọ na vbe gha khian, ọ na miẹn ivbi e Hibru eva ni gu egbe iran gbinna, ọ keghi tama ne ọ ho ẹmwẹ vbọ wẹẹ, “Vbọzẹ ne u na gbe ovbi e Hibru ne ihua yi?”

Itan 15:1

Ewanniẹn nekhuẹrhẹ ọ re ọ dọ ohu yọ, sokpan, te ẹmwẹ ne ọ wegbe gua ẹe kpao.

Itan 15:18

Ibalegbe ọ re ọ si imuan ẹmwẹ rre, sokpan, te izin egbe rhie ọfumwegbe rre.

Itan 20:3

Ọzuọ ikọzuọ sẹtin suẹn imuaẹmwẹ; uyinmwẹ enọrẹn enegbe ọrọre ne a ghẹ mwẹ obọ vbọ.

Matiu 5:9

Ọ maa ne iran ni gualọ ọfumwegbe emwa, Osanobua gha tie iran ivbi irẹn!

Iwinna 7:26

Ẹde ghi gbe ọ keghi do vba ivbi Izrẹl eva gu egbe gbinna, rẹn na wẹ ne irẹn dọlọ iran kugbe, ọ keghi kha wẹẹ, ‘Wa danmwehọ mwẹ, oko, etẹn etẹn wa khin, vbe uwa ghi na ru egbe khọ hẹẹ?’

Ebe ne Pọl gbẹẹn gie emwa Rom 12:10

Wa kakabọ gha ho ẹmwẹ egbe zẹ vbe etẹn vbe uwu Kristi, wa gie ẹe gha bọbọ uwa egbe ighẹ ẹmwẹ ọghọ na rhie ne egbe.

Filipai 2:14

Gha ru emwi hia vbe ne a i na vian kevbe ne a i na muan ẹmwẹ.

I Tẹsalonaika 4:9

Ẹ i re eban a ghẹ ghi gha gbẹnnẹ ebe gie uwa vbe ekpa wẹ, ọ kere ne uwa gha ho ẹmwẹ ivbi iyayi ne iho uwa, rhunmwuda, Osanobua tobọ ẹre ma uwa ẹre nẹ vbene uwa gha ya gha ho ẹmwẹ egbe hẹ.

Hibru 12:14

Hia ne u gu emwa hia gha rrọọ vbe ọfumwegbe, kevbe ne u vbe yin uyinmwẹ, ne ọ huanrẹn, rhunmwuda vbe ne ọnii i na rrọọ, orhiọnkpa ne ọ gha sẹtin miẹn Nọyaẹnmwa aro, ẹ i rrọọ.

Hibru 13:1

Wa gha ho ẹmwẹ egbe zẹ vbe etẹn vbe uwu Kristi.

I Pita 1:22

Vbene uwa ghi na la ekpa ne uwa na ru vbene ẹmwata khare, ye egbe uwa khian ne ọ huanrẹn nẹ nian, ne uwa na vbe mwẹ aho ẹmwẹ ọmwa ẹmwata ghe emwa iyayi ne iho uwa, wa gha ya ekhọe uwa hia ho ẹmwẹ egbe uwa ẹsẹse.

I Pita 2:17

Wa gha daa ne emwa hia, wa gha hoẹmwẹ ivbi iyayi ne iho uwa, wa gha mu ohan Osanobua, wa gha gbe uhunmwu ke otọ ne Enọgbaisi.

I Pita 3:8

Ne I ya fian ẹre ifi: wa gie vbene uwa ziro kevbe vbene emwi ye vbe ekhọe uwa, gha ya kugbe. Wa gha ho ẹmwẹ egbe, zẹ vbe etentẹn ne ikpia. Wa gha mwẹ itohan ghe egbe, ne uwa vbe gha mu egbe rri otọ ne egbe.

I Pita 4:8

Ke odaro emwi hia, wa gha ya ẹko ata ho ẹmwẹ egbe, rhunmwuda, aho ẹmwẹ ọmwa gbe ebe gue orukhọ ni bun.

II Pita 1:7

wa ghi rhie aho ẹmwẹ ọmwa ne ọ rre ẹkpo etẹn ba aruemwi vbene ọkhọ ọghe Osanobua uwa, wa ghi rhie aho ẹmwẹ ọmwa ba aho ẹmwẹ ọmwa ne ọ rre ẹkpo etẹn uwa.

I Jọn 4:7

Ọse mwẹ ni ghaan, wa gie ima gha ho ẹmwẹ egbe rhunmwuda obọ Osanobua ọre aho ẹmwẹ ọmwa ke rre. Ọmwaikọmwa ne ọ mwẹ aho ẹmwẹ ọmwa, ovbi Osanobua nọ, ọ vbe rẹn Osanobua.

Giọgis 9:26

E Gaal ne ovbi Ẹbẹd kegha die Siẹkẹm ke iran kevbe etiọnrẹn. Ivbi e Siẹkẹm wa vbe mu ẹtin yan irẹn.