Gẹnẹsis 13:2 - Edo Bible (E Baibol Ẹdo) Version 1996

² Ebram kegha re ọmwa ne ọ fe ne ọ mwẹ ohuan, ẹwe kevbe ẹmila deba igoru kevbe esiliva.

Gẹnẹsis 13:2 ပူးပေါင်းရင်းမြစ်များ

Gẹnẹsis 12:16

Ọba keghi rhunmwuda ẹre gha ya obọ esi mu Ebram, ọ keghi viọ oghẹn ohuan kevbe ọghe ẹwe naẹn kevbe avbe ẹmila kevbe ẹsin kevbe eviẹn kevbe ekẹtẹkẹtẹ.

Gẹnẹsis 13:6

Ehe ne avbe emwirri na rria ma sẹ ne iran gba gha rre ihọkpa, rhunmwuda emwirri ne iran eveva mwẹ bun gbe.

Gẹnẹsis 24:1

Te Ebraham ghi wa khian ọmaẹn ẹsẹse, Osanobua keghi wa vbe fiangbẹe vbe emwi ne ọ ru hia.

Gẹnẹsis 24:35

E Nọyaẹnmwa fiangbe arowa mwẹ ẹsẹse, ọ keghi yae khian okpọmwa. Ọ viọ oghẹn ohuan kevbe ọghe ẹwe nẹẹn, ẹmila, esiliva, igoru, eviẹn ikpia kevbe ikhuo, ekẹtẹkẹtẹ kevbe ẹsin.

Gẹnẹsis 26:14

Avbe Filistin kegha gbe ọvo ẹre rhunmwuda ighẹ ọ mwẹ oghẹn ohuan kevbe ẹmila nibun deba avbe eviẹn.

Gẹnẹsis 30:43

Banbanna, Jekọb ke wa do khian ọmwa ne ọ fe, ọ kegha mwẹ oghẹn ohuan nibun, avbe eviẹn, ekẹtẹkẹtẹ ke ẹsin.

Job 1:10

U tan obọ gue ẹre, kevbe ẹgbẹe ọre kevbe emwi hia ne ọ mwẹ. U fiangbe emwi hia ne ọ ru. Ẹmila ne u hẹ ne ẹẹn vuọn otọe ẹvbo na hia.

Job 1:3

Ọ kegha mwẹ ohuan arriaisẹn ihinrọn (7,000), e kamẹl arriaisẹn eha (3,000), oghẹn ẹmila arriaisẹn (1,000) kevbe ekẹtẹkẹtẹ iyisẹn isẹn (500). Ọ kevbe gha mwẹ eguọmwadia ni bun ẹsẹse. Rẹn ọ re ọ wa gha re ọmwa ne ọ fe sẹẹ vbe odẹ Owẹn owiẹ.

Itan 10:22

Afiangbe Nọyaẹnmwa ọ re ọ zẹ ẹfe ku ọmwa. Ẹsọn i rhie ba emwi ne ọmwa mwẹ.

Matiu 6:33

Emwi ne uwa gha ru ọrọre ne uwa ka mu aro ye ẹmwẹ Arriọba Osanobua kẹe kevbe emwi ni lelẹe khian nẹ, rẹn gha ye emwi ni ghi dekẹe hia sẹ uwa ọkẹn.

Diuteronomi 8:18

Wa yerre wẹ e Nọyaẹnmwa Osanobua rua, ọ re ọ rhie ẹtin ne uwa do ya fe. Ọ ru ọna rhunmwuda, ọ ho ne ọ mu ile ne ọ gu avbe erha uwa odede ta sẹ. Te irẹn wa rhie ile ni mwẹ do sẹ ẹdẹnẹrẹ na.

I Timoti 4:8

Egbe ne a ya sa ekhae, vbe maa, sokpan odẹ hia ọre isekhae ọghe orhiọn na maa, rhunmwuda, a rẹnrẹn ighẹ a gha la ẹe miẹn arrọọ, vbe ẹghẹ na kevbe ẹghẹ ne ọ dee.

I Samuẹl 2:7

Ọ gha si eso kẹ otọ, ọ ghi tọn eso mu.