Gẹnẹsis 13:18 - Edo Bible (E Baibol Ẹdo) Version 1996

¹⁸ Rhunmwuda ọnii, Ebram na si agọ ẹre, ọ keghi ya bu ẹre ye ọkpẹn erhan iruẹmwi ọghe Mamrẹ vbe Hibrọn, ọ ke gba aka ne Nọyaẹnmwa vbe evba.

Gẹnẹsis 13:18 ပူးပေါင်းရင်းမြစ်များ

Gẹnẹsis 13:4

Ọ kegha rrie eke ne ọ ka gbe aka yi, ọ keghi ya ga e Nọyaẹnmwa vbe evba.

Gẹnẹsis 14:13

Sokpan okpia ọkpa ne ọ lẹ fe keghi do tama Ebram ne ovbi e Hibru, ọkpẹn erhan iruemwi ọghe Mamrẹ ne ọmwa Amọri rẹn gha ye, ọmwa Mamrẹ ne ọ re ọtẹn Ẹskọl kevbe Anẹ keghi re emwa ni ye obọ ba Ebram.

Gẹnẹsis 18:1

E Nọyaẹnmwa keghi rhiegbe ma Ebraham vbe ọkpẹn avbe erhan iruemwi ọghe Mamrẹ, Ebraham keghi tota ye onurho owa ukpọn rẹn vbe ogiavan ogioghogho,

Gẹnẹsis 22:9

Ugbẹn vbe iran ghi sẹ ehe ne Osanobua tama rẹn, Ebraham keghi gba aka, ọ na mwamwa erhan yọ, ọ keghi gba ovbi ẹre, ọ na muẹn yan aka nii vbe uhunmwu avbe erhan nii.

Gẹnẹsis 23:2

Ọ keghi wu vbe kirriat eba (ra Hibrọn) ne ọ rre otọ kenan. Ebraham keghi wa ẹre ye ukpo, ọ na khiẹ ọre.

Gẹnẹsis 26:25

Aizik keghi gba aka ye evba ọ na ga Nọyaẹnmwa. Ọna bu agọ ẹre ye evba, avbe eguọmwadia re keghi fian uhae ọvbehe.

Gẹnẹsis 35:27

E Jekọb keghi bu Aizik ne erha ẹe gha die Mamrẹ ne ọ rre ọkpẹn Hibrọn ehe ne Ebraham kevbe Aizik ka yin.

Gẹnẹsis 37:14

Erha ẹe keghi tama rẹn wẹẹ, “Gha khian, ya ghe ẹre a deghẹ ọ ye avbe etuẹn kevbe avbe ohuan ẹse; u ghi dọlegbe gha de do tama mwẹ.” Ẹre erha ẹe na giẹe ke iya Hibrọn kpao. Ugbẹn vbe Josẹf ghi sẹ Siẹkẹm.

Gẹnẹsis 8:20

E Noa keghi gba aka ne Nọyaẹnmwa. Ọ keghi rhie ọkpọkpa vbe uwe aranmwẹ kevbe ahianmwẹ ne ẹ i mwẹ awua, ọ keghi ya iran zọ ese ne a giẹnrẹn vbe uhunmwu aka nii.

II Samuẹl 2:1

Vbe iyeke ọna, e Devid keghi nọ e Nọyaẹnmwa wẹẹ, “Ne I gha khian ya mu ọkpa vbe ẹvbo ni rre Juda ne I gha khaemwisẹ yan rẹn ra?” E Nọyaẹnmwa keghi wanniẹn wẹẹ, “Gha khian.” E Devid keghi nọ wẹẹ, “De ne ọ khin vbọ yi?” E Nọyaẹnmwa tama rẹn wẹẹ, “E Hibrọn.”

Psalm 16:8

Ẹghẹ hia mẹ ya rẹn wẹ, Nọyaẹnmwa rre emwa na. Ọ sikẹ mwẹ, emwi ne ọ gha mu mwẹ rueghe ighi rrọ.

Nọmbas 13:22

Iran keghi ka laghe odẹ ekẹn ẹvbo nii iran ke do sẹ Hibrọn ehe ne ivbi uniẹn iran ye ighẹ avbe Ahiman, Siesia kevbe Talmai ne arhuanran, ẹwae iran na ọ re a tie ẹre Anakin (Ukpo ihinrọn ọre a ka ya bu Hibrọn khẹ Zoan ne ọ rre Igipt.)

I Timoti 2:8

I ho ne ikpia hia gha na erhunmwu vbe ehe hia, emwa ni ye egbe yan Osanobua, emwa ni gha sẹtin viọ obọ iran da odukhunmwu vbe ne a i na mu ohu kevbe ne a i na muan ẹmwẹ.

Hibru 11:9

Vbe ekpa iyayi, rẹn keghi yin ẹvbo nii ne Osanobua ve ẹre re, vbene a miẹn wẹ orhunmwuyẹn rẹn khin. Rẹn keghi yin okhogbo ukpọn, irẹn kevbe Aizik kevbe Jekọb ne Osanobua vbe ve ẹre emwi vberriọ.

Jọsua 14:13

E Jọsua keghi na erhunmwu ne Kelẹb ne ovbi Jefunẹ, ọ na mu Hibrọn ne ẹẹn ne ogha re ọghọe.

Jọsua 15:13

E Jọsua keghi mu ihe eso vbe otọe emwa Juda ne Kelẹb ne ovbi Jefunẹ, zẹ vbene e Nọyaẹnmwa tama rẹn. Ọna kegha re Hibrọn ẹvbo Aba ne erha Anak.