Gẹnẹsis 13:16 - Edo Bible (E Baibol Ẹdo) Version 1996

¹⁶ I gha viọ uniẹn nibun nuẹn, iran gha bun sẹrriọ wẹ a i miẹn ọmwa ne ọ gha sẹtin ka iran zẹ vbe ne a i miẹn ọmwa ne ọ gha sẹtin ka ikpẹ ekhae ne otọ!

Gẹnẹsis 13:16 ပူးပေါင်းရင်းမြစ်များ

Gẹnẹsis 15:5

Nọyaẹnmwa keghi rhie ẹre ladian ore, ọ wẹẹ, “Tọn aro mu ghe iso ne u ka inu orhọnmwẹ ni rrọọ; a deghẹ u gha sẹtin, uniẹn ruẹn gha bun vberriọ zẹẹ.”

Gẹnẹsis 16:10

Ọre ọ na kha wẹẹ, “I gha viọ uniẹn nibun sẹrriọ nuẹn wẹẹ, a i sẹtin ka iran.

Gẹnẹsis 17:16

I gha fiangbẹe, I gha giẹe biẹ ọmọ okpia nuẹn. I gha fiangbẹe, rẹn gha khian iye okpẹvbo nibun. A gha vbe miẹn avbe ọba vbe uniẹn ọnrẹn.”

Gẹnẹsis 17:2

I gha guẹ ta ile, I ghi vbe viọ emọ ivbi uniẹn ruẹn nibun nuẹn.”

Gẹnẹsis 17:20

U tama mwẹ nẹ wẹ ne I gbe ebe gue Ismẹl. Emwi ne I ra ru ọre ọna khin. I gha fiangbẹe, I gha viọ emọ kevbe uniẹn nibun nẹẹn. Rẹn gha khian erha ivbiọba iweva, I ghi vbe ye uniẹn ọnrẹn ru okpẹvbo ne ọ kpọlọ. I gha ya ile ne I tae rre vbe egbe Aizik ne ovbuẹ ne Sera ra biẹ vbe omwa ẹghẹ na vbe ukpo ne ọ dee.”

Gẹnẹsis 17:6

I gha viọ uniẹn nibun nuẹn, eso vbe uwe iran ghi gha re ọba, u gha mwẹ uniẹn nibun sẹrriọ wẹ iran gha khian okpẹvbo nibun.

Gẹnẹsis 18:18

Uniẹn ọnrẹn gha do khian agbọn ẹvbo nọkhua ne ọ mwẹ ẹtin, avbe uhunmwu otọ agbọn na hia, obọ ẹre ọre I ra la fiangbe iran.

Gẹnẹsis 21:13

I gha vbe viọ emọ nibun ne ovbi ọviẹn nii nokpia ne iran vbe do khian iyaẹvbo, ovbuẹ nokpia rẹn vbe khin.”

Gẹnẹsis 22:17

I yanrẹn wẹẹ I gha viọ uniẹn nibun zẹ vbe orhọnmwẹ ne aro iso ra ikpekhae ni rre ọkpẹn okun nuẹn. Uniẹn ruẹn gha khọn eghian iran muotọ.

Gẹnẹsis 26:4

I gha viọ ivbi uniẹn ruẹn nuẹn ne ọ gha bun zẹ orhọnmwẹ ni rre iso, I gha mu otọe na hia ne iran. Iyaẹvbo agbọn na hia ghi gha rinmwian ne I fiangbe iran zẹ vbe ne I fiangbe ivbi uniẹn ruẹn.

Gẹnẹsis 28:14

uniẹn ruẹn gha bun zẹ vbe ikpekhae ne otọe. Iran gha vbẹẹ otọ iran aro ghe ehe hia, iyaẹvbo agbọn na hia ghi gha re ne I fiangbe, rhunmwuda ruẹ kevbe uniẹn ruẹn.

Gẹnẹsis 28:3

Te Osanobua Noghodua gha fiangbe orọnmwẹ uwa ne ọ gue mwẹ emọ nibun, sẹrriọ ne u gha na do gha re erha agbọn ẹvbo nibun.

Gẹnẹsis 32:12

Yerre vbene u yan hẹ wẹẹ, ‘I gha gie emwi hia gha ma nuẹn, I gha vbe viọ ivbi uniẹn ruẹn nuẹn, a i ra sẹtin ka iran. Iran gha bun vbe ekhae ni rre ọkpẹn okun.’ ”

Gẹnẹsis 32:13

Ọ ghi gbe asọn nii nẹ vbe evba, ọ keghi viọ avbe emwi na gie Isọ ne ọtiọnrẹn vbe uwu emwi ne ọ mwẹ. Ẹwe amwẹ uri (200) deba ovbukhọ ugie, ohuan uri (200) deba ogho ugie.

Gẹnẹsis 35:11

Osanobua keghi tama rẹn wẹẹ, “Mẹ ọrọre Osanobua Noghodua. Biẹlẹ emọ nibun. Uniẹn ivbuẹ gha bun, eso vbe uwu iran gha vbe gha re ọba, u gha mwẹ uniẹn ivbuẹ nibun sẹrriọ wẹ eso gha do khian iyaẹvbo.

Gẹnẹsis 46:3

“Mẹ ọrọre Osanobua, ọghe erha a, ghẹ gie ohan muẹn ne u gha rrie Igipt, I gha ya uniẹn ivbuẹ khian okpẹvbo vbe evba.

I Ọba 3:8

Ghe mwẹ nian vbe uwu ẹbu emwa ne u zẹẹ ne ọ gha re ọwuẹ, emwa ne a miẹn wẹ iran bun sẹrriọ, a i vbe sẹtin ka iran.

I Ọba 4:20

Ivbi e Juda kevbe Izrẹl kegha bun zẹ vbe ikpekhae ni rre ọkpẹn okun, iran kegha re, iran na gha da, ẹko kegha sẹ ehia ọyẹnmwẹ.

II Ọba 13:23

sokpan e Nọyaẹnmwa keghi mwẹ itohan kevbe ẹnina ghe iran, ọ ma gie a wa fuẹn iran an, sokpan, ọ keghi yi iran obọ rhunmwuda ile ne ọ gu Ebraham, Aizik kevbe Jekọb ta. Ọ ma he mianmian emwa rẹn ẹdẹ.

I Krọnikol 21:5

Ọ keghi na iyẹn ma Devid ne ọba vbene emwa ni gha sẹtin yo okuo bun sẹhẹ: Iran ni rre Izrẹl kegha re arriaisẹn iyisẹn yan ẹbo ọkpa (1,100,000). Iran ni rre Juda kegha re arriaisẹn ekigbesiyenẹ yan arriaeva (470,000).

I Krọnikol 27:23

E Devid ne ọba ma ka emwa ni ma he sẹ ukpo ugie rhunmwuda ne Nọyaẹnmwa kha na nẹ wẹ rẹn gha ya ivbi Izrẹl muan yọ ne iran gha ye vbe avbe orhọnmwẹ ni rre iso.

II Krọnikol 1:9

E Nọyaẹnmwa ne Osanobua, mu emwi ne u yan ma erha mwẹ sẹ. U ya mwẹ rriọba emwa ni bun vbenian nẹ, emwa ne a i sẹtin ka zẹ vbene iran ghi bun sẹ.

Job 5:25

Ubunmwẹ ivbi uẹ gha yevbe ebe ni rre oha erria.

Ẹksọdọs 1:7

Sokpan ivbi Izrẹl kegha mwẹ emọ nibun, iran bun sẹrriọ, iran vbe wegbe sẹrriọ wẹ, iran keghi wa gba otọe nii hia.

Ẹksọdọs 32:13

Ye avbe eguọmwadia ruẹ; rre, avbe Ebraham, Aizik kevbe Jekọb kevbe vbene u yan ma iran vbe eni ruẹn, ne u na khama iran wẹẹ, ‘I gha viọ emọ uniẹn ivbi uẹ ni yevbe orhọnmwẹ nii rre iso nuẹn. Otọe ne I ve na, I gha vbe muẹn ne avbe ivbi uẹ, ọ ghi gha re ọghe iran ẹdẹdẹmwẹdẹ.’ ”

Jerimaia 33:22

I gha muan ivbi uniẹn e Devid ne ọguọmwadia mwẹ, kevbe avbe ohẹn ne ivbi uniẹn e Livai sẹrriọ wẹ a i ra sẹtin ka iran zẹ vbene a i sẹtin ka avbe orhọnmwẹ ni rre aro iso ra ikpẹkhae ni rre ọkpẹn okun.”

Nọmbas 23:10

Uniẹn ivbi Izrẹl ye vbe ikpekhae ne otọ. Iran bun gbe, ẹ i gia ka. Gie ufomwẹ ẹdẹ agbọn mwẹ yevbe ọghe ọkpa vbe emwa Osanobua gun mwẹ wu vbe ọfumwegbe zẹ vbe ọmwa ẹmwata.”

Diuteronomi 1:10

E Nọyaẹnmwa ne Osanobua uwa keghi gie uwa gha muan yọ zẹ vbe orhọnmwẹ ne aro iso.

Hibru 11:12

A gha rhe miẹn wẹ, esa ne ọ wu nẹ rẹn gha ye, sẹ evba, egbe orhiọnkpa na, ọre ọ na suẹn ighẹ uniẹn ne ọ ghi do ye vbe orhọnmwẹ ni re aro iso, kevbe zẹ vbe ikpẹ ekhae ne a i sẹtin ka, ni rre ọkpẹn okun.

Arhie Maan 7:9

Vbe iyeke ọna, I ghi tọn aro mu, I keghi ya bẹghe agbọn ẹvbo ne ọmwa rhọkpa i sẹtin ka. Iran keghi ke agbọn ẹvbo ẹwae, uniẹn emwa kevbe ẹvbo ne a zẹ rre, iran mudia ye odaro ẹkete, iran keghi ya ogbọnmwọkpa haan, iran keghi viọ ewanmwẹ mwẹ obọ.

Giọgis 6:3

Ẹghẹ kẹghẹ ne ivbi Izrẹl ya kọ emwiokọ, avbe ivbi e Midian deba ivbi Amẹlẹk kevbe emwa ni rre uwu ato ghi do gu iran gha gbinna!

Giọgis 6:5

Iran ghi viọ ẹmila iran kevbe owa ukpọn iran ni bun vbe irhiso gha dee. A i sẹtin ka iran kevbe ogologo iran vbene iran ghi bun sẹ. Iran kegha rhia otọe nii uan.