Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Gẹnẹsis 13:13 - Edo Bible (E Baibol Ẹdo) Version 1996

13 ne emwa rẹn re emwa dan ni vbe ru orukhọ ghe Nọyaẹnmwa.

အခန်းကိုကြည့်ပါ။ ကော်ပီ




Gẹnẹsis 13:13
27 ပူးပေါင်းရင်းမြစ်များ  

Vbekpa iyobọ e Nọyaẹnmwa, ọ vbe gha re ohuẹ ne ọ sẹre vbe agbọn, ọna ọ siẹe ne emwa na yae kpitan wẹẹ, “Te Nọyaẹnmwa gha guẹ gha re ohuẹ nọkhua ne ọ ye vbe Nimrọd.”


Ọ gha sẹ orre enẹ, uniẹn ruẹn ke dọlegbe gha die emwa; rhunmwuda mẹ I ra khulo emwa Amọri ladian, a te do miẹn wẹẹ, iran ru emwi dan ne ọ na kei ne a rri iran oya.”


Ẹkpo nii ọre Nọyaẹnmwa na khama Ebraham wẹẹ, “Emwa wa guan ẹmwẹ emwi dan ne Sọdom kevbe Gomorra ru, orukhọ iran vbe kpọlọ.


Rhunmwuda ma ra fuẹn emwa na an. E Nọyaẹnmwa họn iyẹn dan ne a na vbekpa iran na, ọ keghi gie ima ne a do fuẹn Sọdom ruan.”


Emwi dan ne Eri ru keghi sọnnọ Nọyaẹnmwa, ọre Nọyaẹnmwa na gbe ẹe rua.


Vbene irẹn mwẹ asẹ vbe owa na, erriọ mẹ vbe mwẹ, ọ ma he we mwẹ khian sẹ evba vbe egbe emwikemwi vbe ọ ghi gberra uwẹ ne amwẹ ọnrẹn. Vbia ghẹ ghi gu ru emwi dan vberriọ hẹ ne I ya fidọn ghe Osanobua?”


Sokpan, emwa nekpa hia keghi gha re emwa dan vbe odaro Osanobua, ọkhọ ne iran ru keghi vẹ gba ehe hia.


Ọ keghi ye ovbi ẹre ne okpia zọ ese ne a giẹn uan. Rẹn kegha fi iha ọ kevbe gha ru ẹbo edunna, ọ kevbe gha bọ vbe ọghe ọbo kevbe iran ni gu ẹrinmwi guan. Ọ keghi kakabọ sẹ ẹmwẹ e Nọyaẹnmwa, ọ na gie ẹe mu ohu.


Akpawẹ ẹ ire ne Nọyaẹnmwa ne Oghodua na gie eso miẹn uhunmwu vbọ, iran gha wa fuẹn e Jerusalẹm uan fẹẹrẹ zẹvbe Sọdom kevbe Gomorra.


Sokpan, I vbe miẹn wẹ avbe akhasẹ ni rre Jerusalẹm wa vbe rhia sẹẹ iran rhie amwẹ ẹrrẹe, iran vbe ta ohoghe, iran kpe ọbọbọ ne emwa ya gha ziba. Sẹrriọ wẹ a i ghi miẹn ne ọ dobọ emwi dan ne a ru yi. Zẹ vbe ne I miẹn iran, iran hia wa vbe rhia vbe ivbi e Sọdom kevbe Gomorra.


Orhiọnkpa ne ọ gha sẹtin lẹre ye ehe ne imẹ i ra na bẹghe ẹre i rrọọ. Wẹ ma rẹn ighe ehe hia ọ re imẹ ye vbe ẹrinmwi kevbe agbọn?


Sokpan deghẹ wa na mu eyan uwa sẹ, ne I gie uwa rẹn nian wẹ wa gha rukhọ ghe Nọyaẹnmwa, wa ghi vbe rẹn nian wẹẹ a gha vbe rri uwa oya ye orukhọ uwa.


Jesu ghi rri evbare vbe owa ẹre, nibun vbe uwu iran ni koko igho uhunmwu kevbe avbe ẹwobi emwa keghi rre, iran deba irẹn kevbe erhuanegbe ẹre gha rri evbare.


Wa gualotọ emwi ne a ya ẹmwẹ ne ọ rre ebe nọhuanrẹn na kha, ‘I ma wẹ ne uwa ye aranmwẹ zọ ese ghe mwẹ, itohan ọre iho.’ I ma rre do tie avbe adazẹ vbe ẹ i re avbe ẹwobi emwa.”


Iran keghi dọlegbe tie ọmwa na biẹ ọre arhuaro ni ukpogieva, iran tama rẹn wẹẹ, “Yan vbe odaro Osanobua ighe ẹmwata ọre u khian ta. Ma rẹnrẹn ighe ọmwa orukhọ ọre oko na khin.”


Ma rẹnrẹn wẹ Osanobua i zẹ ye ọmwa orukhọ ẹre, sokpan ọ zẹ ye avbe emwa ni daa nẹ re, ni vbe ru emwi ne ọ ho ne iran gha ru.


Erriọ vbe nọ zẹ, ikpia ni rrọọ i ghi tie ikhuo ovbe zẹ vbe ne Osa mwamwa ẹn, sokpan iran ghi rhikhan lele egbe, okpia vbe okpia. Ikpia ghi gha gu egbe ru emwi emwi ekhue. Emwi ne ọ ghi ke ẹre ikian ọrọre wẹ, a keghi rri iran tobọ iran oya ne ọ khẹ ke emwi dan ne iran ru.


Emwi ọkpa ne a sẹtin rhie lẹre ne Osanobua ẹ i rrọọ. Emwi hia ni rre ehe ne agbọn sẹe ehe ne ọ rhanmwẹ, te a fannọ ehia a, a na vbe wa ẹre ye otọ vbe odaro ẹre. Rọẹn ni ọre ima ra ya ye unu mwa na iyẹn egbe mwa ma.


Ibiba avbe emwa ni lele orriarria emwi ohọhọ egbe iran, iran na vbe yagha ẹtin Osanobua. Avbe emamwaemwi ohoghe na keghi re emwa itengbemu, ni vbe ze vbe udu. Iran i ya ọghọ ne emwi ni rrọ ni mwẹ uyi, ni rre odukhunmwu, sokpan, iran ghi gha ya ukpẹ sakan iran.


Wa ye Sọdom kevbe Gomorra kevbe ivbi ẹvbo ni lẹga iran rre, emwa ni ru vbene avbe odibosa vbe ru, ne iran na gha ru emwi ne ọ ma gba vbe ekpa oghẹ, iran kegha fi ehia werriẹ ghe odẹ dan, a keghi ya erhẹn ne ọ giẹn ẹdẹdẹmwẹdẹ rri iran oya ne emwa hia gha miẹn ọnii waan.


Ọ na vbe gie uẹ ne u ya fuẹn emwa Amalẹk ne emwa dan ni rua. Ọ tama ruẹn wẹ ne u gbinna rhinrin u te do fuẹn iran hia a.


Orukhọ avbe ivbi Elai na keghi re emwi ne ọ wegbe vbe aro e Nọyaẹnmwa rhunmwuda obọ oya ne iran ya gha mu avbe emwi ne a ya zọ ese ghe Nọyaẹnmwa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ