Gẹnẹsis 13:1 - Edo Bible (E Baibol Ẹdo) Version 1996

¹ Ebram keghi la odẹ okuọ lahin Igipt rre gha rrie otọ odẹ ekẹn Kenan, ke irẹn kevbe amwẹ ọnrẹn, kevbe emwi ne irẹn mwẹ hia. Lọt kevbe lelẹe.

Gẹnẹsis 13:1 ပူးပေါင်းရင်းမြစ်များ

Gẹnẹsis 20:1

Ebraham keghi si kpao vbe Mamrẹ gha rrie isoko Kenan, o na bu agọ ye ẹkpo Kedẹs kevbe Siuọ, ẹghẹ ne ọ na gha rre Gera.

Gẹnẹsis 21:33

Ebraham keghi gbọ erhan ikhinmwi ye Biẹsiẹba, ọ ke ga Nọyaẹnmwa ne Osanobua Etẹbitẹ.

II Samuẹl 24:7

Iran keghi vbe la ghe odẹ ekẹn ya sẹ e Taia ne ẹvbo ne a gbe odin gaa, iran keghi ya la ẹvbo avbe Hivi kevbe Kenan, vbe okiekie ehia, iran na ya sẹ biẹsiẹba vbe odẹ ekẹn Juda.

Nọmbas 13:17

Ugbẹn vbe Mosis ghi gie iran ladian, ọ tama iran wẹẹ, “Wa la odẹ okuọ la odẹ ekẹn ọghe ẹvbo Kenan ya sẹ ẹvbo oke nii.

Jọsua 10:40

E Jọsua keghi khọn mu otọe nii hia, ọ keghi khọn avbe ọba ni rre uhunmwu oke nii miẹn iran otọ, iwewe-Negev, ẹvbo ni rre ugboghodo kevbe ni rre ahọ oke kevbe ototọ oke vbe odẹ orrie deba ẹvbo ne amẹ i ye vbe odẹ ekẹn, ọ ma sẹ ọkpa rae ye agbọn. A keghi wa gbele ehia a. Erriọ ọ re Nọyaẹnmwa Osanobua Izrẹl gie.

Jọsua 18:5

“Iran ghi ghae otọe nii ye ihe ihinrọn, e Juda ghi gha rre otọe ẹre vbe odẹ ekẹn, e Josẹf ghi vbe gha rre otọ ẹre vbe odẹ okuọ.

I Samuẹl 27:10

Ọ ni ghi nọ rẹn wẹẹ, “De odẹ ne u na ya hẹ rhu emwa ẹghẹ na yi?” E Devid ghi tama rẹn wẹ odẹ ekẹn ọghe otọe Juda nọ, ra otọe ivbi Jeramel ra otọe ne emwa Ken ye.