Gẹnẹsis 12:9 - Edo Bible (E Baibol Ẹdo) Version 1996

⁹ Ebram keghi laghe odẹ ekẹn, ọ keghi khian ke agọ ọkpa dinna ọvbehe vbe odẹ ne ọ laghe otọe Kenan.

Gẹnẹsis 12:9 ပူးပေါင်းရင်းမြစ်များ

Gẹnẹsis 13:1

Ebram keghi la odẹ okuọ lahin Igipt rre gha rrie otọ odẹ ekẹn Kenan, ke irẹn kevbe amwẹ ọnrẹn, kevbe emwi ne irẹn mwẹ hia. Lọt kevbe lelẹe.

Gẹnẹsis 13:3

Rẹn keghi si ke agọ la agọ kevbe ihe ọkpa la ọvbehe gha rrie odẹ Bẹtẹl vbe ehe ne ọ ka bu agọ yi ẹghẹ ọkpa vbe ẹkpo Bẹtẹl kevbe Ai.

Gẹnẹsis 20:1

Ebraham keghi si kpao vbe Mamrẹ gha rrie isoko Kenan, o na bu agọ ye ẹkpo Kedẹs kevbe Siuọ, ẹghẹ ne ọ na gha rre Gera.

Gẹnẹsis 20:13

Ugbẹn vbe Osanobua ghi rhie mwẹ ladian hin owa erha mwẹ rre gha rrie isi, I keghi tama rẹn wẹẹ, ‘U ghi rhie ma wẹ u rhiegbe mu mwẹ vbe ne u gha na kha vbe eheikehe ne ima rhirhi yo wẹẹ, ọtẹn mwẹ nokpia nọ.’ ”

Gẹnẹsis 24:62

Aizik kegha die ato ọghe “Uhae-ọmwa-nọrrọọ ne ọ bẹghe mwẹ” ne ọ rre odẹ ekẹn e Kenan.

Psalm 105:13

Iran kpolugho ke ẹvbo okpa ya sẹ ọvbehe, ke arriọba okpa ya sẹ ọvbehe.

Aizaia 30:6

Ọna ọre uhunmwu ne Osanobua gie vbekpa avbe aranmwẹ ni rre ato odẹ ekẹn: “Avbe ukọ nii khian la ẹvbo dan ne avbe oduma ye kevbe avbe ẹyẹn ni mwẹ obi dan kevbe avbe Ugbogiorinmwi ni tin. Iran keghi kun emwiokọ ighobioye vuọn ekẹtẹkẹtẹ kevbe kamẹl iran ne a viọ gie uhunmwu ẹvbo ne ẹ i mwẹ iyobọ ne ọ gha sẹtin ru.

Nọmbas 13:17

Ugbẹn vbe Mosis ghi gie iran ladian, ọ tama iran wẹẹ, “Wa la odẹ okuọ la odẹ ekẹn ọghe ẹvbo Kenan ya sẹ ẹvbo oke nii.

Diuteronomi 1:7

Wa kuọ agọ uwa sẹ otọ, ne uwa si okhian sikẹ odaro. Wa gha rrie ẹvbo ni rre uhunmwu oke ọghe Amọri kevbe avbe ehe ne avbe ẹdogbo iran hia ye vbe odẹ iya Jọdan, odẹ ẹvbo uhunmwu oke kevbe ẹvbo ni rre ugboghodo, ghe odẹ ẹvbo ni rre odẹ ekẹn kevbe eghute Meditẹrrenian. Wa gha rrie otọe Kenan kevbe gberra Oke Lebanọn, rhinrin yasẹ Ẹzẹ nọkhua ighẹ Yufretes.