Gẹnẹsis 12:8 - Edo Bible (E Baibol Ẹdo) Version 1996

⁸ Vbe iyeke ọnii, ọ keghi la ghe odẹ ekẹn ọghe oke ne ọ rre odẹ ahọ ọghe Bẹtẹl, ọ na bu agọ ye ẹkpo Bẹtẹl vbe orrie kevbe Ai vbe ahọ. Ọ kevbe bọ aka ye evba, ọ na ya uhunmwu rhanmwẹ otọ ne Nọyaẹnmwa.

Gẹnẹsis 12:8 ပူးပေါင်းရင်းမြစ်များ

Gẹnẹsis 13:18

Rhunmwuda ọnii, Ebram na si agọ ẹre, ọ keghi ya bu ẹre ye ọkpẹn erhan iruẹmwi ọghe Mamrẹ vbe Hibrọn, ọ ke gba aka ne Nọyaẹnmwa vbe evba.

Gẹnẹsis 13:3

Rẹn keghi si ke agọ la agọ kevbe ihe ọkpa la ọvbehe gha rrie odẹ Bẹtẹl vbe ehe ne ọ ka bu agọ yi ẹghẹ ọkpa vbe ẹkpo Bẹtẹl kevbe Ai.

Gẹnẹsis 13:4

Ọ kegha rrie eke ne ọ ka gbe aka yi, ọ keghi ya ga e Nọyaẹnmwa vbe evba.

Gẹnẹsis 21:33

Ebraham keghi gbọ erhan ikhinmwi ye Biẹsiẹba, ọ ke ga Nọyaẹnmwa ne Osanobua Etẹbitẹ.

Gẹnẹsis 22:9

Ugbẹn vbe iran ghi sẹ ehe ne Osanobua tama rẹn, Ebraham keghi gba aka, ọ na mwamwa erhan yọ, ọ keghi gba ovbi ẹre, ọ na muẹn yan aka nii vbe uhunmwu avbe erhan nii.

Gẹnẹsis 26:25

Aizik keghi gba aka ye evba ọ na ga Nọyaẹnmwa. Ọna bu agọ ẹre ye evba, avbe eguọmwadia re keghi fian uhae ọvbehe.

Gẹnẹsis 28:19

Ọ kegha tie evba nii Bẹtẹl (Luz ọre a te ka gha tie ẹvbo nii).

Gẹnẹsis 31:25

E Leban keghi bu agọ ọghọe ye oke Giliad.

Gẹnẹsis 33:20

Ọ keghi gbe aka ye evba, ọ keghi he ẹre eni El gie Osanobua Izrẹl.

Gẹnẹsis 35:3

Ma ra kpao vbe emwa gha rrie Bẹtẹl, ehe ne I gha na gba aka ne Osanobua ne ọ yọmwẹ obọ vbe ẹghẹ ọlọghọmwa mwẹ, kevbe ne ọ vbe yaba mwẹ vbe eheikehe ni I he la.”

Gẹnẹsis 35:7

Ọ keghi gba aka ye evba, ọ na gha tie ẹre Bẹtẹl rhunmwuda Osanobua ye egbe naẹn miẹn vbe evba vbe ẹghẹ ne ọ na gha lẹ hin ehe ne ọtiọnrẹn ye rre.

Gẹnẹsis 4:26

Sẹt keghi biẹ ọmọ okpia ọkpa ne ọ he ẹre Ẹnọs. Ẹghẹ nii ọre emwa ke gha so eni Nọyaẹnmwa, iran ghi vbe gha gae.

Gẹnẹsis 8:20

E Noa keghi gba aka ne Nọyaẹnmwa. Ọ keghi rhie ọkpọkpa vbe uwe aranmwẹ kevbe ahianmwẹ ne ẹ i mwẹ awua, ọ keghi ya iran zọ ese ne a giẹnrẹn vbe uhunmwu aka nii.

Nehimaia 11:31

Ivbi uniẹn e Bẹnjamin keghi yin e Geba ne ọ rre odẹ Ahọ e Mikmas, Eai, e Bẹtẹl kevbe avbe igue ni sikẹ iran.

Psalm 116:4

Ẹghẹ nii, ọ re imẹ ne kpe tie Nọyaẹnmwa: “E Nọyaẹnmwa, lahọ, miẹn mwẹ fan!”

Ẹksọdọs 17:15

E Mosis keghi bọ aka, ọ ke gha tie ẹre “Nọyaẹnmwa ọrọre Afiala mwẹ.”

Aizaia 10:28

Ivbi iyokuo avbe eghian khọn mu Eai nẹ! Iran la Migrọn gberra nẹ! Iran sẹ evbare iran rae ye Mikmas!

Joẹl 2:32

Sokpan, iran hia ni kpe tie Nọyaẹnmwa, a gha miẹn iran fan. Zẹ vbene Nọyaẹnmwa khare, ‘Eso vbe iran ni rre Jerusalẹm, gha lẹ fe, iran ne imẹ hannọ zẹ gha miẹn uhunmwu.’ ”

Iwinna 2:21

Ọmwa ne ọ rhirhi da tie eni Nọyaẹnmwa, a gha miẹn rẹn fan.’

I Kọrinti 1:2

gie esọsi Osanobua ne ọ rre Kọrinti, gie emwa ne a tie re ne iran do gha re emwa ni huanrẹn Osanobua, emwa ni khian ọghọe rhunmwuda ighẹ iran ya egbe ba Kristi Jesu, deba emwa hia ni ghi na erhunmwu ghe Nọyaẹnmwa Jesu Kristi nẹ, zẹ vbe Nọyan iran kevbe ima.

Hibru 11:9

Vbe ekpa iyayi, rẹn keghi yin ẹvbo nii ne Osanobua ve ẹre re, vbene a miẹn wẹ orhunmwuyẹn rẹn khin. Rẹn keghi yin okhogbo ukpọn, irẹn kevbe Aizik kevbe Jekọb ne Osanobua vbe ve ẹre emwi vberriọ.

Jọsua 18:22

Bẹt Araba, Zemareim, Bẹtẹl,

Jọsua 22:10

Ivbi ẹwae Riubẹn, Gad kevbe odẹ ahọ, vbe ivbi e Manasẹ ghi sẹ Gelilot vbe obọ nii ne ọ mu da orrie vbe Jọdan, iran keghi bọ aka ne mose mose nọkhua ọkpa ye evba vbe ọkpẹn ẹzẹ nii.

Jọsua 7:2

E Jọsua keghi ke Jẹriko gie emwa eso gha rrie Ai, ne ẹvbo ne ọ rre olarre owẹn Bẹtẹl vbe ọkpẹn Betava. Ọ keghi tama iran ne iran ya ba ẹvbo nii ghe. Ẹre emwa nii na gele gha khian ya ba Eai ghe.

Jọsua 8:12

Ọ keghi viọ ọmwa arhin arriaisẹn isẹn (5,000) ọ na viọ iran lẹre ye ọlarrie owẹn ọghe ẹvbo nii, vbe ẹkpo Eai kevbe Bẹtẹl.

Jọsua 8:17

Ikpia ni rre Eai hia keghi wa khu ivbi Izrẹl. Iran keghi wa yan urho ẹvbo nii fua vbene ọmwa rhọkpa i ghi na rrọọ ne ọ gha sinmwi oseghe ẹre.

Jọsua 8:3

Ẹre Jọsua na mu egbe ne ọ viọ ivbiyokuo ẹre hia gha rrie Eai. Ọ keghi hannọ ikpia ni din arriaisẹn ọgban (30,000) ọ na ye asọn gie iran gha khian.

Jọsua 8:30

E Jọsua keghi bọ aka ọkpa ne Nọyaẹnmwa ne Osanobua ivbi Izrẹl vbe Oke Ebal.

Jọsua 8:9

Ẹre Jọsua na gie iran gha khian, iran na gha rrie ehe ne iran lẹre yi vbe ọlarrie owẹn Eai vbe ẹkpo Eai kevbe Bẹtẹl. E Jọsua keghi gbe asọn nii vbe agọ.

Giọgis 6:24

E Gidiọn keghi bọ aka ọkpa ne Nọyaẹnmwa vbe evba, ọ na gha tie ẹre, “E Nọyaẹnmwa ọrọre Ọfumwegbe.” (Te ọ ye rre Ọfra ne ọ re otọ ẹwae Abiẹzẹ.)

I Samuẹl 30:27

Ọ keghi viọ gie iran ni rre Bẹtẹl, kevbe iran ni rre Rama vbe odẹ ekẹn Juda, kevbe emwa ni rre ẹvbo Jati.