Gẹnẹsis 12:7 - Edo Bible (E Baibol Ẹdo) Version 1996

⁷ E Nọyaẹnmwa keghi rhie egbe ma Ebram, ọ na tama rẹn wẹẹ, “Ẹvbo ne I khian mu ne uniẹn ruẹn ọre ọna khin.” Ebram keghi bọ aka ye evba ne Nọyaẹnmwa ne ọ rhie egbe ma rẹn.

Gẹnẹsis 12:7 ပူးပေါင်းရင်းမြစ်များ

Gẹnẹsis 12:8

Vbe iyeke ọnii, ọ keghi la ghe odẹ ekẹn ọghe oke ne ọ rre odẹ ahọ ọghe Bẹtẹl, ọ na bu agọ ye ẹkpo Bẹtẹl vbe orrie kevbe Ai vbe ahọ. Ọ kevbe bọ aka ye evba, ọ na ya uhunmwu rhanmwẹ otọ ne Nọyaẹnmwa.

Gẹnẹsis 13:15

I gha mu otọe ne u bẹghe hia ne uwẹ vbe uniẹn ruẹn, ọ ghi vbe gha re ọwuẹ ẹdẹdẹmwẹdẹ.

Gẹnẹsis 13:17

Wanwanna nian, mu egbe ne u khian la otọe nii ga a, rhunmwuda, te I ra mu ehia nuẹn.”

Gẹnẹsis 13:18

Rhunmwuda ọnii, Ebram na si agọ ẹre, ọ keghi ya bu ẹre ye ọkpẹn erhan iruẹmwi ọghe Mamrẹ vbe Hibrọn, ọ ke gba aka ne Nọyaẹnmwa vbe evba.

Gẹnẹsis 13:4

Ọ kegha rrie eke ne ọ ka gbe aka yi, ọ keghi ya ga e Nọyaẹnmwa vbe evba.

Gẹnẹsis 15:18

Ẹdẹ nẹdẹrriọ, Nọyaẹnmwa keghi gu Ebram ta ile wẹẹ, “I yanrẹn ighẹ I gha mu otọ na hia ne uniẹn ruẹn, ke ẹzẹ ne ọ rre ehe ne Igipt lae ya sẹ Yufretes ne okpẹzẹ.

Gẹnẹsis 17:1

Ugbẹn vbe Ebram ghi rre ukpo ọkpairrọvbiyisẹn, e Nọyaẹnmwa keghi rhie egbe ma rẹn, Ọ wẹẹ, “Mẹ ọrọre Osanobua Noghodua. U ghi gha họn ẹmwẹ mwẹ vbe ẹghẹ hia ne u gha ya vbe agbọn, ne u vbe gha ru emwi ne ọ gbae vbe ẹghẹ hia,

Gẹnẹsis 17:3

Ebram keghi diguẹ mu aro rhu otọ, ẹre Osanobua na kha wẹẹ,

Gẹnẹsis 17:8

I gha mu otọe ne uwẹ ye na zẹ vbe orhunmwuyẹn ne uwẹ vbe uniẹn ruẹn. Otọe Kenan hia ghi gha re ọwuẹ ẹdẹdẹmwẹdẹ, mẹ ghi vbe gha re Osanobua iran.”

Gẹnẹsis 18:1

E Nọyaẹnmwa keghi rhiegbe ma Ebraham vbe ọkpẹn avbe erhan iruemwi ọghe Mamrẹ, Ebraham keghi tota ye onurho owa ukpọn rẹn vbe ogiavan ogioghogho,

Gẹnẹsis 22:9

Ugbẹn vbe iran ghi sẹ ehe ne Osanobua tama rẹn, Ebraham keghi gba aka, ọ na mwamwa erhan yọ, ọ keghi gba ovbi ẹre, ọ na muẹn yan aka nii vbe uhunmwu avbe erhan nii.

Gẹnẹsis 24:7

Nọyaẹnmwa, Osanobua ẹrinmwi kevbe agbọn ọre ọ rhie mwẹ ke owa erha mwẹ ladian hin otọ avbe etẹn mwẹ rre, ọ na vbe yan ma mwẹ ighẹ rẹn gha mu otọ na ne imẹ kevbe uniẹn mwẹ, ọ gha gie odibo ẹre ke odaro nuẹn ne u miẹn ehe na miẹn okhuo rhie ne ovbi mwẹ vbe evba.

Gẹnẹsis 26:25

Aizik keghi gba aka ye evba ọ na ga Nọyaẹnmwa. Ọna bu agọ ẹre ye evba, avbe eguọmwadia re keghi fian uhae ọvbehe.

Gẹnẹsis 26:3

U ghi di emwa ya, I gha rrọọ yaba ruẹ, I gha fiangbuẹ rhunmwuda, I gha mu otọ na nuẹn kevbe uniẹn ruẹn. I gha mu eyan ne I yan ma Ebraham ne erhaa sẹ.

Gẹnẹsis 28:13

Iyekọni, ọ keghi miẹn vbe Nọyaẹnmwa mudia ke irẹn, ọ wẹẹ, “Mẹ ọrọre Nọyaẹnmwa, Osanobua Ebraham kevbe Aizik. Otọ ne u lovbiẹ yi na, I gha yae nuẹn ke uwẹ kevbe uniẹn ruẹn,

Gẹnẹsis 28:4

Te ọ gha fiangbuẹ kevbe uniẹn ruẹn zẹ vbene ọ fiangbe Ebraham. Te otọe na gha khian ọwuẹ, ehe ne u ye na, ne Osanobua ya ne Ebraham!”

Gẹnẹsis 32:30

E Jekọb keghi kha wẹẹ, “I miẹn Osanobua vbe ghe aro mwẹ ghe aro ruẹ, I keghi ye rre agbọn.” Ẹre ọ na ghi gha tie eni evba nii Peniẹl.

Gẹnẹsis 33:20

Ọ keghi gbe aka ye evba, ọ keghi he ẹre eni El gie Osanobua Izrẹl.

Gẹnẹsis 35:12

I gha mu otọ ne I mu ne Ebraham Aizik nuẹn, I gha vbe mu ẹẹn ne ivbi uniẹn ruẹn vbe iyeke ruẹ.”

Gẹnẹsis 35:7

Ọ keghi gba aka ye evba, ọ na gha tie ẹre Bẹtẹl rhunmwuda Osanobua ye egbe naẹn miẹn vbe evba vbe ẹghẹ ne ọ na gha lẹ hin ehe ne ọtiọnrẹn ye rre.

Gẹnẹsis 50:24

Rẹn keghi tama etiọnrẹn wẹẹ, “Te i ghi ra wu na, sokpan Osanobua gha gbearoghe uwa vbe ne a i na gbe awẹawẹ, ọ ghi viọ uwa ke otọe na ladian gha rrie otọe nii ne ọ ve iran ẹre ighẹ Ebraham, Aizik kevbe Jekọb.”

Gẹnẹsis 8:20

E Noa keghi gba aka ne Nọyaẹnmwa. Ọ keghi rhie ọkpọkpa vbe uwe aranmwẹ kevbe ahianmwẹ ne ẹ i mwẹ awua, ọ keghi ya iran zọ ese ne a giẹnrẹn vbe uhunmwu aka nii.

II Samuẹl 24:25

Ọ keghi gba aka ye evba ne Nọyaẹnmwa, ọ na zọ ese ne a giẹn uan kevbe isara. E Nọyaẹnmwa keghi họn erhunmwu ẹnrẹn, egboghogbogho nii keghi dobọyi vbe Izrẹl.

I Ọba 18:32

Ọ keghi ya avbe okuta nii dọlegbe bọ Ogiukpo ne a na ga e Nọyaẹnmwa. Ọ keghi tọn uvun lẹga ẹre, uvun nii dinmwi sẹ ne ọ gha mu sẹ omwa egalọn enẹ ọghe amẹ.

I Krọnikol 16:16

Ile ne ọ gu Ebraham ta, emwi ne ọ ve Aizik re.

I Krọnikol 16:18

“I gha mu otọ Kenan nuẹn ọwuẹ ra gha nọ.” Erriọ ọ re ọ tae.

II Krọnikol 20:11

Ọna ọ re iran ghi ya san ima ẹse nian, iran rre ne iran do khulo ima hin otọe ne uwẹ mu ne ima rre.

II Krọnikol 20:7

wẹ ọrọre Osanobua ima. Ẹghẹ ne ivbi Izrẹl ne emwa ruẹn na si la otọe na, u keghi khulo emwa ni te ka rrọọ ladian, u keghi mu otọe na ne ivbi uniẹn Ebraham, ne ẹse ruẹ, ne ọ gha re ọghe iran ẹdẹdẹmwẹdẹ.

Ẹzra 3:2

Ẹre Jọsua ne ovbi e Jehozadak, avbe ohẹn ne ihua ẹre kevbe Zerubabẹl ne ovbi e Sitiẹl, deba avbe etiọnrẹn hia, keghi koko dọlọ Ogiukpo ọghe Osanobua Izrẹl bọ ne iran miẹn ehe na gha giẹn emwi ne a ya zọ ese zẹ vbene a mwamwa ẹẹn ye ebe Uhi e Mosis ne ọmwa Osanobua.

Ẹksọdọs 17:15

E Mosis keghi bọ aka, ọ ke gha tie ẹre “Nọyaẹnmwa ọrọre Afiala mwẹ.”

Ẹksọdọs 24:4

E Mosis keghi gbẹnnẹ iyi ọghe Nọyaẹnmwa hia ye otọ. Owiẹ vbe ẹdẹ ne ọ lele ẹe, ọ keghi gba aka ye ototọ oke nii, ọ keghi vbe viọ okuta iyama iweva ye evba ne ẹwae iweva nii rre Izrẹl.

Ẹksọdọs 32:13

Ye avbe eguọmwadia ruẹ; rre, avbe Ebraham, Aizik kevbe Jekọb kevbe vbene u yan ma iran vbe eni ruẹn, ne u na khama iran wẹẹ, ‘I gha viọ emọ uniẹn ivbi uẹ ni yevbe orhọnmwẹ nii rre iso nuẹn. Otọe ne I ve na, I gha vbe muẹn ne avbe ivbi uẹ, ọ ghi gha re ọghe iran ẹdẹdẹmwẹdẹ.’ ”

Ẹksọdọs 33:1

E Nọyaẹnmwa keghi tama e Mosis wẹẹ, “Kpao vbe emwa na rre ke uwẹ kevbe emwa ne u viọ ke Igipt ladian, ne u gha rrie otọ ne I wẹ I gha mu ne Ebraham, Aizik kevbe Jekọb, kevbe uniẹn iran ẹghẹ ne I na tama iran wẹẹ, ‘I gha mu otọ na ne ivbi uniẹn uwa.’

Ẹksọdọs 6:3

I rhie egbe ma Ebraham, Aizik kevbe Jekọb zẹ vbe Osanobua Ne Oghodua. Sokpan, I ma ya eni mwẹ ne ọ huanrẹn ighẹ Nọyaẹnmwa rhie egbe ma iran.

Ẹksọdọs 6:4

I vbe gu iran ta ile vbe ne I na yan wẹẹ, I gha mu otọ Kenan ne iran, otọe ne iran gha ye, zẹ vbe orhunmwuyẹn.

Jerimaia 3:18

Izrẹl gha deba e Juda, iran ghi gba ke iwe gha dee, ke ẹvbo ne ọ rre odẹ okuọ nii gha dee, iran ghi gha die ẹvbo ne I mu ne avbe erha uwa odede ne ọ gha re ọghe iran ẹdẹdẹmwẹdẹ.”

Nọmbas 26:53

“Ghae otọe na ne avbe ẹwae na zẹ vbe ne iran ya kpolo.

Nọmbas 32:11

‘Rhunmwuda ne iran ma na guobọ mwẹ, avbe emwa hia ni rre ukpo ugie, kevbe ni wan sẹ ọnii, vbe iran kpao hin Igipt rre, ne ọ gha sẹ otọ ne ne I ve Ebraham, Aizik kevbe Jekọb re, ẹ i rrọ.’

Iwinna 7:5

Vbe ẹghẹ ne a kha na, Osanobua ma mu otọ rhọkpa ne Ebraham, a gha rhe wẹ okhiokhi kherhe nọ, wẹ ne ọ gha tie ẹre ọghọe. Sokpan Osanobua ye tama rẹn wẹ, rẹn gha mu otọe ni hia nẹẹn kevbe wẹ ọ gha khian ọghọe kevbe ọghe ivbi ẹre vbe iyeke irẹn. Ẹghẹ ne Osanobua na yan eyan na, Ebraham i he mwẹ ọmọ rhọkpa.

Ebe ne Pọl gbẹẹn gie emwa Rom 9:8

Ọna rhie maa wẹ emọ ne a biẹ ẹe zẹ vbene a biẹ ọmwa kẹkan, iran i re ivbi Osanobua, sokpan iran ne a biẹ ẹe rhunmwuda ighẹ Osanobua ọre ọ ve emwa re, ọre a ka ye ivbi eseserese.

Galatia 3:16

Banbanna nian, Ebraham kevbe ovbi ẹre, ọre Osanobua ve ẹre emwi na, ọ ma kha wẹ, “Kevbe ivbi ẹre” ọnii nọ wẹ emwa ni bun. Emwi ne ọ kha re ọrọre, “Kevbe ne ovbuẹ” ọnii nọ wẹ, ne orhiọnkpa kẹkan ne ọ re Kristi.

Galatia 4:28

Wanwan na nian, ọtẹn mwẹ, ivbi Osanobua ne ọ ve zẹ vbene Aizik ye, ọre uwa khin.

Diuteronomi 1:8

Ena ọrọre, otọ ne imẹ ne Nọyaẹnmwa yan rẹn wẹ I gha mu ne avbe erha uwa odede Ebraham, Aizik kevbe Jekọb, kevbe avbe ivbi iran, ọ re ena khin, wa gha khian ya yin ẹnrẹn.’ ”

Diuteronomi 30:20

Wa ho ẹmwẹ e Nọyaẹnmwa Osanobua rua, wa gha họn ẹmwẹ ne ẹẹn ne uwa gha ye ẹko ata gu ẹe yin, ne uwa vbe avbe ivbi uwa sẹtin tọ vbe otọe ne irẹn ve wẹ rẹn gha mu ne avbe erha uwa odede, Ebraham, Aizik kevbe Jekọb.”

Diuteronomi 34:4

Ẹre Nọyaẹnmwa na tama e Mosis wẹẹ, “Otọe ne I ve Ebraham, Aizik kevbe Jekọb re wẹ I gha mu ne ivbi iran ena khin. I rhie ẹre ma ruẹn sokpan, mẹ i ra kue ne u gha rrie evba.”

Diuteronomi 6:10

“E Nọyaẹnmwa Osanobua mwa tama avbe erha mwa odede ighẹ Ebraham, Aizik kevbe Jekọb wẹ rẹn gha mu otọe ne avbe okpẹvbo ni kọnkọn kevbe ne emwi ẹfe ye ne uwa ma bọ, ne uwa.

Diuteronomi 9:5

Ẹ i re rhunmwuda ighẹ wa maa, ra te uwa ru emwi ne ọ kere ne ọ ra na gie uwa mu otọe iran. Ọ gha khulo iran ladian rhunmwuda, emwa dan iran khin, kevbe wẹ rẹn gha ho ne ọ mu ile ne ọ gu avbe erha uwa odede Ebraham, Aizik kevbe Jekọb ta sẹ.

Hibru 11:13

Uwu iyayi ọre iran na hia na wulo. Emwi ne Osanobua ve ma he sẹ iran obọ, sokpan urria gbaan iran na bẹghe iran, iran keghi rhan obọ miẹn iran, iran keghi ye unu iran miẹn kue ma emwa hia wẹ, erhunmwuyẹn kevbe ekhẹn ọre iran khin vbe agbọn na.

Hibru 11:8

Iyayi ọre ọ ye. Ebraham họn vbe Osanobua tie ẹre, ọ na gha rrie ẹvbo ne Osanobua ve ẹre re wẹ, rẹn gha rhie nẹẹn. Rẹn keghi kpao vbe ẹvbo irẹn rre, vbe ne ọ ma na rẹn ehe ne ọ rriẹ.

Jọsua 1:6

U ghi wegbe ne u vbe din, rhunmwuda wẹ ọ re ọ ra mu ọkaolotu viọ emwa na gha rrie otọe nii ne I ve avbe erha iran odede ẹre wẹ I gha mu ne iran.

Jọsua 22:10

Ivbi ẹwae Riubẹn, Gad kevbe odẹ ahọ, vbe ivbi e Manasẹ ghi sẹ Gelilot vbe obọ nii ne ọ mu da orrie vbe Jọdan, iran keghi bọ aka ne mose mose nọkhua ọkpa ye evba vbe ọkpẹn ẹzẹ nii.

Jọsua 8:30

E Jọsua keghi bọ aka ọkpa ne Nọyaẹnmwa ne Osanobua ivbi Izrẹl vbe Oke Ebal.

Giọgis 6:24

E Gidiọn keghi bọ aka ọkpa ne Nọyaẹnmwa vbe evba, ọ na gha tie ẹre, “E Nọyaẹnmwa ọrọre Ọfumwegbe.” (Te ọ ye rre Ọfra ne ọ re otọ ẹwae Abiẹzẹ.)

I Samuẹl 7:17

Iyeke onii ọ ghi vbe gha rrie Rama ne ẹvbo ẹre, ọ ghi vbe ya bu ohiẹn vba. Ọ keghi bọ aka ọkpa ne Nọyaẹnmwa vbe Rama.