Gẹnẹsis 12:6 - Edo Bible (E Baibol Ẹdo) Version 1996

⁶ Ebram kegha lele otọe nii khian rhinrin ọ te do sẹ erhan iruemwi ọghe Morẹ vbe ẹvbo nọhuanrẹn ọghe Siẹkẹm (vbe ẹghẹ ne a kha na, te ivbi e Kenan he ye rre otọe nii).

Gẹnẹsis 12:6 ပူးပေါင်းရင်းမြစ်များ

Gẹnẹsis 10:15

Kenan kegha re erha Saidọn ne ovbi ẹre nokpia nọdiọn, Hẹt ọrọre erha odede iran ne a hẹ ẹre eni gie iran.

Gẹnẹsis 13:7

Rhunmwuda ọnii, okhọn kegha rre ẹkpo emwa ni gbearoghe emwirri ọghe Ebram kevbe emwa ni gbearoghe ọghe Lọt, (Ẹghẹ ne a kha na, emwa Kenan kevbe emwa Pẹriz he ye rre otọe na).

Gẹnẹsis 33:18

E Jekọb keghi sẹ Siẹkẹm vbe otọ Kenan hẹnnẹdẹn vbe ọ ghi dọlegbe ke Mẹsopotamia rre. Ọ keghi bu agọ ẹre ye uwu oha vbe odaro ẹvbo nii.

Gẹnẹsis 34:2

Ugbẹn vbe Siẹkẹm ne ovbi Hamọ ne ọmwa Hivi, ne ọre enogie otọe nii ghi bẹghe ẹre, ọ na siẹe ọ na ya ẹtin guẹ ẹe ru emwi ọdọ vbe amwẹ.

Gẹnẹsis 34:30

E Jekọb keghi khama Simiọn vbe Livai wẹẹ, “Wa si mwẹ fi uwu ẹmwẹ nẹ, banbanna nian, emwa ẹvbo na hia, emwa Kenan, Pẹriz, iran hia khọ ẹko mwẹ. Ikpia ne I mwẹ i bun; iran gha ku obọ gbe mu igbinna gunmwẹ, ke imẹ kevbe ẹgbẹe mwẹ hia, te iran ra miẹn ima uhunmwu.”

Gẹnẹsis 35:4

Ẹre iran na do viọ ẹbọ ẹrrẹe ne iran mwẹ hia ne Jekọb, deba emwiehọ ne iran te lo, ọ keghi tọnnọ iran ye ototọ erhan okan ne ọ rre Siẹkẹm.

I Ọba 12:1

E Rehoboam kegha rrie Siẹkẹm, ehe ne odẹ okuọ ivbi Izrẹl si koko yi ne iran do ma ẹre ọba.

I Ọba 12:25

E Jeroboam ne ọba Izrẹl keghi gbe ekẹn ga e Siẹkẹm kevbe ẹvbo Ifreim ne uhunmwu oke, ọ na ya gbe ẹghẹ eso vbe evba. Ọ keghi vbe kpao, ọ na ya gbe ekẹn gaa e Pẹnuẹl.

Psalm 60:6

Osanobua guan ke uwu ehe ne ọ huanrẹn ọghọe rre wẹẹ, “Vbe uwu akhọnmiotọ I gha ghae Siẹkẹm I gha vbe ghae Iya e Sukọt ne iran ne emwa mwẹ.

Hozia 6:9

Avbe ohẹn ni rrọ yevbe otu ikpata ni ya gha gba khẹ ọmwa vbe odẹ. Uhin ighẹ te iran ye do izigha vbe odẹ ne a la yo e Siẹkẹm ne ehe nọhuanrẹn. Avbe emwi dan ne iran ru na hia, te iran wa yan ru ẹe.

Iyẹn ne ọ Maan Ọghe Jọn 4:5

Rẹn keghi do sẹ igue Sameria ọkpa ne a tie ẹre Sika, ne ọ ma rrei gbe vbe ako oha ne Jekọb mu ne Josẹf ne ovbi ẹre.

Iwinna 7:16

A keghi viọ ikun iran gha rrie Siẹkẹm, a keghi ya re iran ye idin ne Ebraham gu emwa Hamọ dẹ ha osa.

Diuteronomi 11:30

(Oke eva na odẹ orrie ọghe Jọdan ọ re iran ye vbe otọe Kenan vbe Ugboghodo e Jọdan, odẹ orrie ọ re iran ye vbọ, iran ma rrei gbe vbe erhan iruẹbọ e Morẹ vbe ọkpẹn ẹvbo Gilgal.)

Hibru 11:9

Vbe ekpa iyayi, rẹn keghi yin ẹvbo nii ne Osanobua ve ẹre re, vbene a miẹn wẹ orhunmwuyẹn rẹn khin. Rẹn keghi yin okhogbo ukpọn, irẹn kevbe Aizik kevbe Jekọb ne Osanobua vbe ve ẹre emwi vberriọ.

Jọsua 20:7

Rhunmwuda ọnii, vbe odẹ orrie ọghe Jọdan iran na zẹ Kedẹs; vbe Galili ne ẹvbo oke e Naftali; e Siẹkẹm vbe Ifreim ne ẹvbo oke, kevbe Hibrọn vbe Juda ne ẹvbo oke.

Jọsua 24:32

Iran keghi re avbe ugboloko e Josẹf ne ivbi Izrẹl viọ ke Igipt gha dee ye Siẹkẹm, vbe ako otọ ne Jekọb gu ivbi e Hamọ ne erha Siẹkẹm dẹ ọ re esiliva iyisẹn. Ivbi e Josẹf ọ re ọ rri otọe nii vbe ukhu.

Giọgis 7:1

Ẹdẹ ikẹtin e Gidiọn keghi gua kpao vbe owiẹ vbirrivbirri ke irẹn kevbe emwa rẹn, iran na ya bu agọ ye ọkpẹn Ovbi Ẹzẹ Harọd. Agọ ọghe emwa Midian kegha rre iya vbe odẹ okuọ ọghe iran, vbe ọkpẹn oke Morẹ.

Giọgis 9:1

Abimẹlẹk ne ovbi e Gidiọn nokpia kegha rrie Siẹkẹm ehe ne avbe etẹn iye ẹe hia ye. Ọ na tama iran.