Gẹnẹsis 12:5 - Edo Bible (E Baibol Ẹdo) Version 1996

⁵ Ebram keghi rhie Sera ne amwẹ ọnrẹn, e Lọt ne ovbi ọtiọnrẹn, ẹfe ne irẹn mwẹ hia, ne iran khuan ẹn vbe Haran, kevbe eviẹn ọnrẹn hia iran keghi si okhian gha rrie Kenan.

Gẹnẹsis 12:5 ပူးပေါင်းရင်းမြစ်များ

Gẹnẹsis 10:19

Odẹ Gera ya sẹ Gaza gha rrie odẹ Sọdom, Gomorra, Adma kevbe Zẹboim yasẹ Lasa.

Gẹnẹsis 11:27

Ena ọrọre uniẹn Tẹra, ne ọ biẹlẹ Ebram, Nahọ kevbe Haran. Haran ọre ọ biẹ Lọt,

Gẹnẹsis 11:31

Tẹra keghi rhie ovbi ẹre ighẹ Ebram, eyẹ ọre ighẹ Lọt ne ọ gha re ovbi e Haran, kevbe Serai ne amwẹ ovbi ẹre, amwẹ Ebram, ọ keghi viọ iran baegbe kpao vbe ẹvbo Ọọ ne ọ rre Babilonia rre, ne ọ gha rrie otọ Kenan. Iran khian sẹ Haran, ehe ne iran na mudia yin ẹnrẹn.

Gẹnẹsis 13:5

E Lọt ne ọ lelẹe kevbe gha mwẹ ohuan, ẹwe, ẹmila kẹe kevbe ẹgbẹe ọre kevbe eguọmwadia ẹre.

Gẹnẹsis 13:6

Ehe ne avbe emwirri na rria ma sẹ ne iran gba gha rre ihọkpa, rhunmwuda emwirri ne iran eveva mwẹ bun gbe.

Gẹnẹsis 14:14

Ugbẹn vbe Ebram ghi họn ighẹ iran mu ọtiọnrẹn, ọ keghi tie emwa ni gia mu ẹtin yan vbe avbe emwa rẹn si koko, arhin evairrọvbiyehan yan uri (318), ọ na khu avbe ọba nii ya sẹ Dan.

Gẹnẹsis 14:21

Ọba ọghe Sọdom keghi tama Ebram wẹẹ, “Viọ emwi hia ne u viọ rre gha khian sokpan viọ avbe emwa mwẹ dọlegbe mẹ.”

Gẹnẹsis 28:10

Jekọb ke kpao vbe Biẹsiẹba rre, ọ na mu uhunmwu da Haran.

Gẹnẹsis 36:6

Ẹre Isọ na viọ amwẹ ọnrẹn, ivbi ẹre nikpia, ivbi ẹre nikhuo, kevbe emwa owa ẹre hia, deba avbe ẹmila kevbe emwi hia ne ọ mwẹ vbe otọ Kenan, ọ keghi kpao sẹ Jekọb ne ọtiọnrẹn rae gha rrie otọe ọvbehe.

Levitikọs 22:11

Sokpan ọviẹn ohẹn ne ọ ya igho de ra ne a biẹ ẹe vbe owa ẹre sẹtin re vbe evbare ne a viọ gie ohẹn.

Iwinna 7:4

Rhunmwuda ọnii, rẹn keghi kpao vbe Kialdia rre, ọ na ya yin Haran. Erha Ebraham ghi wu nẹ, Osanobua na wẹ ne ọ si gha die ẹvbo na ne uwa ye na.