Gẹnẹsis 12:2 - Edo Bible (E Baibol Ẹdo) Version 1996

² I gha viọ uniẹn nibun nuẹn, ni gha do khian avbe okpẹvbo. I gha fiangbuẹ, I ghi do ya eni ruẹn khian ne ọ hin usi sẹrriọ wẹ a ghi gha yae na erhunmwu ne ọmwa.

Gẹnẹsis 12:2 ပူးပေါင်းရင်းမြစ်များ

Gẹnẹsis 13:16

I gha viọ uniẹn nibun nuẹn, iran gha bun sẹrriọ wẹ a i miẹn ọmwa ne ọ gha sẹtin ka iran zẹ vbe ne a i miẹn ọmwa ne ọ gha sẹtin ka ikpẹ ekhae ne otọ!

Gẹnẹsis 15:5

Nọyaẹnmwa keghi rhie ẹre ladian ore, ọ wẹẹ, “Tọn aro mu ghe iso ne u ka inu orhọnmwẹ ni rrọọ; a deghẹ u gha sẹtin, uniẹn ruẹn gha bun vberriọ zẹẹ.”

Gẹnẹsis 17:20

U tama mwẹ nẹ wẹ ne I gbe ebe gue Ismẹl. Emwi ne I ra ru ọre ọna khin. I gha fiangbẹe, I gha viọ emọ kevbe uniẹn nibun nẹẹn. Rẹn gha khian erha ivbiọba iweva, I ghi vbe ye uniẹn ọnrẹn ru okpẹvbo ne ọ kpọlọ. I gha ya ile ne I tae rre vbe egbe Aizik ne ovbuẹ ne Sera ra biẹ vbe omwa ẹghẹ na vbe ukpo ne ọ dee.”

Gẹnẹsis 18:18

Uniẹn ọnrẹn gha do khian agbọn ẹvbo nọkhua ne ọ mwẹ ẹtin, avbe uhunmwu otọ agbọn na hia, obọ ẹre ọre I ra la fiangbe iran.

Gẹnẹsis 18:19

I hannọ ọẹn zẹ nẹ ne ọ miẹn ehe na gha yi iyi ne ivbi ẹre kevbe emọ ne ọ gha la uniẹn ọnrẹn rre, ne iran gha họn ẹmwẹ mẹ, ne iran vbe gha ru emwi ne ọ ọhẹnhẹn. Ẹghẹ nii, I ghi do ru nẹ zẹ vbe ne I ve ẹre re hia.”

Gẹnẹsis 19:29

Sokpan ugbẹn vbe Osanobua fuẹn avbe ẹvbo ni rre iya nii hia, ọ keghi mu ẹmwẹ Ebraham roro, ọ na gie Lọt miẹn uhunmwu vbọ.

Gẹnẹsis 24:1

Te Ebraham ghi wa khian ọmaẹn ẹsẹse, Osanobua keghi wa vbe fiangbẹe vbe emwi ne ọ ru hia.

Gẹnẹsis 24:35

E Nọyaẹnmwa fiangbe arowa mwẹ ẹsẹse, ọ keghi yae khian okpọmwa. Ọ viọ oghẹn ohuan kevbe ọghe ẹwe nẹẹn, ẹmila, esiliva, igoru, eviẹn ikpia kevbe ikhuo, ekẹtẹkẹtẹ kevbe ẹsin.

Gẹnẹsis 25:11

Ebraham ghi wu nẹ, Osanobua keghi fiangbe Aizik ne ovbi ẹre ne ọ ya di ọkpẹn “Osanobua-nọ-rrọọ-neọ-bẹghe-mwẹ” ya.

Gẹnẹsis 26:3

U ghi di emwa ya, I gha rrọọ yaba ruẹ, I gha fiangbuẹ rhunmwuda, I gha mu otọ na nuẹn kevbe uniẹn ruẹn. I gha mu eyan ne I yan ma Ebraham ne erhaa sẹ.

Gẹnẹsis 26:4

I gha viọ ivbi uniẹn ruẹn nuẹn ne ọ gha bun zẹ orhọnmwẹ ni rre iso, I gha mu otọe na hia ne iran. Iyaẹvbo agbọn na hia ghi gha rinmwian ne I fiangbe iran zẹ vbe ne I fiangbe ivbi uniẹn ruẹn.

Gẹnẹsis 27:29

Te iyaẹvbo nibun gha khian eguọmwadia ruẹ, ne emwa gha hie uhunmwu rre nuẹn. Te u gha khian arowa avbe etuẹn, ne uniẹn ivbi iyuẹ gha vbokho uhunmwu rre nuẹn. Ihẹn ọghe iran ni rhovbiọọ afiangbe ọghe iran ni fiangbuẹ.”

Gẹnẹsis 28:14

uniẹn ruẹn gha bun zẹ vbe ikpekhae ne otọe. Iran gha vbẹẹ otọ iran aro ghe ehe hia, iyaẹvbo agbọn na hia ghi gha re ne I fiangbe, rhunmwuda ruẹ kevbe uniẹn ruẹn.

Gẹnẹsis 35:11

Osanobua keghi tama rẹn wẹẹ, “Mẹ ọrọre Osanobua Noghodua. Biẹlẹ emọ nibun. Uniẹn ivbuẹ gha bun, eso vbe uwu iran gha vbe gha re ọba, u gha mwẹ uniẹn ivbuẹ nibun sẹrriọ wẹ eso gha do khian iyaẹvbo.

Gẹnẹsis 46:3

“Mẹ ọrọre Osanobua, ọghe erha a, ghẹ gie ohan muẹn ne u gha rrie Igipt, I gha ya uniẹn ivbuẹ khian okpẹvbo vbe evba.

II Samuẹl 7:9

Te I wa mudia ke uẹ la ehe ne u he la hia, I keghi vbe khọn avbe eghian ruẹn hia mu otọ vbene u ya nana sikẹ odaro. I gha ya a khian enọkhua, u ghi do kpọlọ vbe emwa ni he hin ukhuan sẹ vbe agbọn na.

I Ọba 1:47

Ye vbe sẹ ọnii, evba iwẹguae na niẹn obọ ne Devid ne ọba, iran keghi kha wẹẹ, ‘Te Osanobua gha gie Solomọn hin usi sẹ ruẹ, kevbe ne ẹghẹ ọre gha re ọghe ọwọrhọwọrhọ sẹ ọwuẹ.’ Ẹre Devid ne ọba na vbokho uhunmwu rre ọghe ugamwẹ vbe ukpo ne a vbiẹ ọghe ọe.

Job 35:8

Ọmwa nagbọn ne ihua ọ re ọ rri oya orukhọ ne u ru, rẹn ọ re emwi esi ne u ru vbe ru iyobọ na.

Psalm 107:38

Ọ fiangbe emwa rẹn iran keghi biẹlẹ emọ nibun ọ kevbe ruẹe ne emwirri iran ghẹ dibu.

Ẹksọdọs 1:7

Sokpan ivbi Izrẹl kegha mwẹ emọ nibun, iran bun sẹrriọ, iran vbe wegbe sẹrriọ wẹ, iran keghi wa gba otọe nii hia.

Ẹksọdọs 32:10

Banbanna nian, ghẹ da mwẹ obọ yi, I gha ya ohu mwẹ nọkhua fuẹn iran an. I gha ya uwẹ kevbe ivbi uẹ khian okpẹvbo.”

Aizaia 51:2

Wa roro ẹmwẹ erha uwa odede ighẹ Ebraham kevbe e Sera ne uwa re ivbi ivbi ẹre. Ẹghẹ ne I na tie Ebraham, ẹ i mwẹ ọmọ sokpan, I fiangbe ẹe, I ke viọ emọ ne ẹẹn I keghi ya ivbi uniẹn ọnrẹn khian ọrhẹnrhẹn.

Ezikiẹl 34:26

I gha fiangbe iran, I ghi vbe gie iran gha rre ehe ne ọ lẹga oke mwẹ nọhuanrẹn. Evba nii ọ re I gha na gha ye amẹ ne ọ rhọ fiangbe iran vbe ẹghẹ ne iran ya gualọ ẹe.

Maika 7:20

Wẹ gha rhie ẹmwẹ ọmwa rre ọmwa ekhọe kevbe aho ẹmwẹ ọmwa ne ẹ i beghe ma emwa ruẹn, ivbi uniẹn Ebraham kevbe Jekọb, zẹ vbene u yan ma avbe erha mwa odede ẹkporriọ.

Zẹkaraia 8:13

Ivbi e Juda kevbe Izrẹl; vbe ẹghẹ ne ọ gberra te avbe orhunmwuyẹn te ya ẹe tie ihẹn ne egbe wẹẹ, ‘Emwi ne ọ rruan e Juda kevbe Izrẹl ọ re ọ gha rruan ruẹn.’ Sokpan, mẹ gha miẹn uwa fan, avbe orhunmwuyẹn nii ghi vbe gha kha ma egbe wẹẹ, ‘Ọma ne ọ mian e Juda kevbe Izrẹl ọ re ọ gha rruan ruẹn.’ Rhunmwuda ọnii, wa gie orhiọn la uwa iwu, wa ghẹ fian afianma.”

Nọmbas 14:12

I gha gie emianmwẹ ogba obọ ne ọ fuẹn iran uan, sokpan, I gha ya uwẹ ru ne ọ mu ẹvbo ọvbehe gbọọ, ẹvbo ne ọ gha kpọlọ kevbe ne ọ gha mwẹ ẹtin sẹ iran.”

Nọmbas 22:12

Osanobua keghi tama Balam wẹẹ, “Ghẹ lele emwa na gha khian, ghẹ vbe fi ivbi Izrẹl unu rhunmwuda afiangbe mwẹ rre iran egbe.”

Nọmbas 23:20

Erhunmwu ọre a we mwẹ na Osa gha na erhunmwu nẹ, mẹ i sẹtin kie ẹre werriegbe. Iran wewẹ wẹ irẹn ọre ọba iran.

Ebe ne Pọl gbẹẹn gie emwa Rom 4:11

Okiekie ọre a ghi do ya rhuẹ ọre. Arhuẹ ne ọ rhuẹre keghi re ne a ya rhie maa wẹ ẹghẹ ne Ebraham ma na he rhuẹ Osanobua ka ẹe ye ọmwata vbe odaro ẹre rhunmwuda iyayi ẹre rhunmwuda ọnii, Ebraham keghi re erha vbekpa ọghe orhiọn ne iran hia ni ya Osanobua yi, ne irẹn vbe ka ye emwata vbe odaro ẹre, a gha rhe miẹn wẹ iran ma rhuẹ.

Galatia 3:14

Kristi ru vberriọ, ne a miẹn ehe na rhie afiangbe ne Osanobua ve Ebraham re ne iran ne ẹ i re Ju vbe ekpa Jesu Kristi, ne Orhiọn ne Osanobua ve miẹn ehe na la ekpa iyayi sẹ ima obọ.

Galatia 3:7

Ọ kere ne uwa rẹn nian khekherriọ wẹ iran ni mwẹ iyayi ọrọre ivbi Ebraham ọghe ẹmwata.

Diuteronomi 26:5

Iyeke onii wa ghi kha vbenian vbe odaro e Nọyaẹnmwa: ‘Ovbi Aremia, ne ọkpolugho ne ẹ i mwẹ owa ọ re erha mwẹ odede gha khin vbe ọ viọ emwa ẹgbẹ ọ re gha rrie Igipt ne ọ ya yin evba, ibozẹghẹ ọ re iran khin vbe iran khian, sokpan iran keghi do khian okpẹvbo ne ọ digba kevbe ne ọ mwẹ ẹtin.