Gẹnẹsis 12:17 - Edo Bible (E Baibol Ẹdo) Version 1996

¹⁷ Sokpan, rhunmwuda ighẹ Fero rhie Sera, Nọyaẹnmwa keghi gie avbe emianmwẹ dan bu ẹre kevbe emwa ẹguae ẹre hia.

Gẹnẹsis 12:17 ပူးပေါင်းရင်းမြစ်များ

Gẹnẹsis 20:17

Nọyaẹnmwa keghi ruẹe ne okhuoikokhuo ghe miẹn ọmọ biẹ vbe owa Abimẹlẹk rhunmwuda emwi ne ọ sunu vbe egbe Sera ne amwẹ Ebraham. Ebraham keghi na erhunmwu ne Abimẹlẹk, Osanobua keghi mu ẹre egbe rran. Ọ kevbe mu amwẹ ọnrẹn ke avbe eviẹn ọnrẹn nikhuo ne iran sẹtin gha biẹlẹ.

Gẹnẹsis 20:3

Vbe asọn ọkpa, Osanobua keghi rhie egbe ma rẹn vbe imina, ọ wẹẹ, “Odẹ uwu ọre u gbẹn na, rhunmwuda okhuo ne u rhie re owa ọdọ ọre ọ ye.”

I Krọnikol 16:21

Sokpan, Osanobua ma gie ọmwarhọkpa kpokpo iran, ne ọ ya tan ifuẹn ga iran, ọ yobọ sekhae ne avbe ọba wẹẹ:

I Krọnikol 21:22

E Devid keghi tama rẹn wẹẹ, “Khiẹn otọ ọguọghọ ọka ruẹ mẹ ne I gba aka yọ ne Nọyaẹnmwa ne ọ miẹn ehe na dobọ egboghogbogho na yi, I gha ha osa ẹre nuẹn fẹẹrẹ.”

Job 34:19

Ẹ i ya egbe ba iran ne irriegie, ra ne ọ ye aro esi ghe iran ni fe sẹ ivbiogue, rhunmwuda rẹn ọ re ọ yi emwa hia.

Hibru 13:4

Ọ kere ne emwa hia gha ye ọghọ ne orọnmwẹ, ọdọ vbe amwẹ ghi gha re emwa ne ẹ i fi owẹ ye oha, Osanobua gha bu ohiẹn iran ni gbe alama kevbe ni ru oghẹ.