Gẹnẹsis 12:15 - Edo Bible (E Baibol Ẹdo) Version 1996

¹⁵ Avbe ewọe eso keghi ya tama ọba vbene ọ mose hẹ. Iran keghi rhie ẹre gha rrie ẹguae.

Gẹnẹsis 12:15 ပူးပေါင်းရင်းမြစ်များ

Gẹnẹsis 12:14

Ugbẹn vbe ọ ghi fian uwu rra la Igipt, avbe emwa Igipt, keghi miẹn wẹ amwẹ ọnrẹn wa mose.

Gẹnẹsis 20:2

Ọ keghi kha wẹẹ, ọtẹn irẹn nokhuo ọre Sera ne amwẹ irẹn khin. Abimẹlẹk ne ọba Gera na rhunmwuda ọnii ya rhie Sera la owa.

Gẹnẹsis 26:7

Emwa ẹvbo nii ghi gualọ otọ ẹmwẹ amwẹ ọnrẹn vbe obọ ẹre, ọ keghi kha wẹẹ, “Ọtẹn mwẹ nokhuo nọ.” Ohan kegha muẹn wẹẹ emwa ẹvbo nii gha gbe irẹn uan ne iran rhie, e Ribẹka ne ọ wa mose ẹsẹse.

Gẹnẹsis 40:2

Ohu ọruemwi ẹnrẹn eva na keghi mu e Fero,

Gẹnẹsis 41:1

Ukpo eva ghi gberra nẹ, ọba Igipt keghi mina wẹ, rẹn keghi mudia ye ọkpẹn Ẹzẹ Nail.

I Ọba 3:1

E Solomọn keghi kpe iku gie ọba Igipt, ọ na rhie ovbi ẹre nokhuo ọkpa rọnmwẹ. Ọ keghi rhie ẹre gha die ẹvbo e Devid ọ te do bọ ẹguae ẹre kevbe Ọgua Osa kevbe ekẹn ne ọ lẹga Jerusalẹm fo.

II Ọba 18:21

Te u mu ẹtin yan Igipt ne ọ ru iyobọ ne uẹn, sokpan te ọ yevbe ne ọmwa ya ovbi erhan ru ọkpọ ne ọ ya tua otọ khian, te ọ bun fua, ọ ghi so e nọyan rẹn obọ, erriọ Igipt ye vbe ọmwaikọmwa a mu ẹtin yan rẹn.”

Psalm 105:4

Wa bu e Nọyaẹnmwa wẹ ne ọ ru iyobọ ne uwa, ne uwa vbe ga ẹe vbene ai na dobọyi.

Ẹksọdọs 2:15

Ọba ghi do họn emwi ne ọ sunu, ọ keghi te ra gbe Mosis ua, sokpan rẹn keghi lẹ fe, ọ na gha rrie otọe Midian ya diẹe ya. Ọ ghi sẹ ẹdẹ ọkpa, ugbẹn vbe Mosis ghi tota ye ọkpẹn uhae, ohẹn ne ọ rre Midian kegha mwẹ emọ ikhuo ihinrọn. Iran keghi rre, iran na do sa amẹ, iran na vbe sa amẹ vuọn uroroamẹ ne ohuan kevbe ẹwe erha iran na wọn amẹ.

Ẹksọdọs 2:5

Ovbi ọba ne okhuo ke gha die ẹzẹ do khuẹ, avbe ọkpọmwa rẹn kegha lele ọkpẹn ẹzẹ khian. Rẹn keghi bẹghe okhuae nii vbe ọkpẹn ẹzẹ, ọ na gie ọviẹn ọnrẹn ne okhuo ne ọ ya muẹn rre.

Itan 29:12

Ọmwa ne ọ khaemwisẹ gha danmwehọ ẹmwẹ ohoghe ne a ta ma rẹn, ewọe ẹre hia ghi do khian ọhọn ohoghe.

Itan 6:29

Erriọ ọ re ọ wa vbe rhia sẹ zẹẹ ne ọmwa rhikhan mu amwẹ ẹrrẹe. ọmwa ne ọ rhirhi danmwẹ ọẹn, ọ gha rrioya.

Jerimaia 25:19

Eni avbe emwa ọvbehe ni gha da vbe ukpu ni ọ re ena khin: ọba Igipt, avbe ekhaẹmwẹ kevbe avbe ọkaolotu ẹre, avbe ivbi Igipt hia kevbe avbe erhunmwuyẹn ni rre otọ Igipt hia, avbe ọba ni rre otọe Uz hia, avbe ọba ẹvbo e Filistin hia ighe avbe Askẹlọn, e Gaza, Ẹkrọn kevbe ne ọ ghi dekẹe vbe Asdọd, ivbi Idọm hia, e Moab kevbe Amọn, avbe ọha e Taia kevbe Saidọn, avbe ọba otọe e Meditẹrrenian hia, avbe ore nọkhua Dedan, e Tema kevbe Buz, avbe emwa ni gbe eto iran sikẹ otọ, avbe ọba Arebia hia, avbe ọba ẹwae ni rre ato hia, avbe ọba e Zimri, Ẹlam kevbe Midia, avbe ọba odẹ okuọ hia, ni sikẹ emwa, kevbe ni rrei vbe emwa, ọsegbe ọsegbe, te avbe uhunmwu ẹvbo ni rre otọ agbọn hia gha da vbọ, vbe okiekie ehia, ọba e Babilọn ghi do da vbọ.

Jerimaia 46:17

“Wa he ọba Igipt eni ọgbọn, ‘Nọfianyanegbe ne olunu ne ọ hoho au.’

Ezikiẹl 32:2

“Ovbi ọmwa, hẹko tama ọba Igipt yotọ, ta uhunmwu ne I gie ma rẹn wẹẹ: U gha ru vbe ne oduma ru emwi vbe uwu ẹbu agbọn ẹvbo, sokpan, emwi ne u khọ sẹ ọrọre agbaka ne ọ vin lele uwu amẹ khian. U ya owẹ ruẹ tughu amẹ, u keghi gie ẹzẹ ni gbiruẹn.

Hibru 13:4

Ọ kere ne emwa hia gha ye ọghọ ne orọnmwẹ, ọdọ vbe amwẹ ghi gha re emwa ne ẹ i fi owẹ ye oha, Osanobua gha bu ohiẹn iran ni gbe alama kevbe ni ru oghẹ.