Gẹnẹsis 11:8 - Edo Bible (E Baibol Ẹdo) Version 1996

⁸ Ẹre Nọyaẹnmwa na zagha iran gba uhunmwu otọ agbọn hia. Iran na ghi dobọ ẹvbo ne iran te bọ yi.

Gẹnẹsis 11:8 ပူးပေါင်းရင်းမြစ်များ

Gẹnẹsis 10:25

Ebẹl kegha mwẹ emọ ikpia eva, a kegha tie ọkpa vbọ e Pẹlẹg, rhunmwuda, te agbọn wannọ egbe vbe ẹghẹ ọre, a keghi gha tie nọkpa e Joktan.

Gẹnẹsis 10:32

Iran na hia keghi gha re ivbi uniẹn e Noa, iran keghi vbe gha re dọmwadẹ ẹvbo, zẹ vbe obọ ne igiogbẹ edọmwadẹ ọghọe laghe. Ẹghẹ ne amẹ ya ro gue agbọn ghi gberra nẹ, ivbi uniẹn ivbi e Noa ọre emwa ni rre agbọn hia ghi gha khin.

Gẹnẹsis 10:5

Iran ọre erha odede ọghe iran ni yin eghute kevbe otọ ne amẹ lẹga vbe okun. Iran na ọrọre uniẹn Jafẹt ni vbe rre dọmwadẹ ogbẹ iran kevbe ẹvbo iran, ne dọmwadẹ ọghọe na vbe zẹ ẹvbo iran.

Gẹnẹsis 11:4

Ẹghẹ nii, iran ghi na kha wẹẹ, “Wa gie ima do bọ owa ima, ne ogogoro ne Ọ rrọ wa yo sẹ iso, ma ghi ru ọkhae ne egbe mwa, ne a ghe ya tagha ima lele otọ agbọn hia.”

Gẹnẹsis 11:9

A keghi gha tie ẹvbo nii Babilọn, rhunmwuda, evba nii ọre Nọyaẹnmwa na gua ẹvbo ne iran ne emwa nii hia te zẹ, evba ọre ọ keghi zagha iran gba otọ agbọn hia.

Gẹnẹsis 49:7

I hẹn nọ ne ohu ne ọ mu iran rhunmwuda ọ wegbe gbe, ke vbene okuosu iran, rhunmwuda ọ kan gbe. I gha zagha iran la otọ e Jekọb hia I gha duẹ iran an ye uwu ivbi Izrẹl.

Psalm 33:10

E Nọyaẹnmwa ọ re ọ duẹ uma agbọn ẹvbo hia a, ẹi gie iran mu emwamwa iran sẹ.

Psalm 92:9

Ma rẹnrẹn wẹ, avbe eghian ruẹn gha wulo, kevbe wẹ obọ gha vba avbe emwa dan hia fẹẹrẹ

Iyẹn ne ọ Maan Ọghe Luk 1:51

Ọ nien obọ ẹre ne ọ wegbe ladian. Ọ keghi zagha iran ni tọn egbe mu kevbe emwamwa iran kua.

Diuteronomi 32:8

Nọyosẹ ọ re ọ ghae otọe sẹ ẹvbo obọ, rẹn ọ re ọ ta ehe ne emwa gha yin, ọ ghae otọ edọmwadẹ ẹvbo ne ẹẹn.