Gẹnẹsis 11:7 - Edo Bible (E Baibol Ẹdo) Version 1996

⁷ Wa gie ima tuorre gha khian ne a ya gua ẹvbo ne iran zẹ ne iran ghẹ ghi gha họn ẹvbo egbe.”

Gẹnẹsis 11:7 ပူးပေါင်းရင်းမြစ်များ

Gẹnẹsis 1:26

Osanobua keghi kha wẹẹ, “Banbanna nian, ma gha do ma emwa na agbọn, iran gha ye vbe ima, iran ghi khọ mwa. Iran gha mwẹ ẹtin vbe uhunmwu avbe ehẹn, ke avbe ahianmwẹ, avbe emwi irri kevbe avbe aranmwẹ oha nekhua kevbe negiẹrẹ.”

Gẹnẹsis 10:20

Ena kegha re uniẹn ọghe Han, emwa ni rre dọmwadẹ ẹwae iran kevbe ẹvbo iran, dọmwadẹ ọghọe kevbe zẹ ẹvbo obọ ẹre.

Gẹnẹsis 10:32

Iran na hia keghi gha re ivbi uniẹn e Noa, iran keghi vbe gha re dọmwadẹ ẹvbo, zẹ vbe obọ ne igiogbẹ edọmwadẹ ọghọe laghe. Ẹghẹ ne amẹ ya ro gue agbọn ghi gberra nẹ, ivbi uniẹn ivbi e Noa ọre emwa ni rre agbọn hia ghi gha khin.

Gẹnẹsis 10:5

Iran ọre erha odede ọghe iran ni yin eghute kevbe otọ ne amẹ lẹga vbe okun. Iran na ọrọre uniẹn Jafẹt ni vbe rre dọmwadẹ ogbẹ iran kevbe ẹvbo iran, ne dọmwadẹ ọghọe na vbe zẹ ẹvbo iran.

Gẹnẹsis 11:5

E Nọyaẹnmwa keghi tuorre do ghe nene ẹvbo kevbe ogogoro ne emwa nii bọe,

Gẹnẹsis 3:22

Ẹre Nọyaẹnmwa Osanobua na kha wẹẹ, “Banbanna nian, te okpia na ghi ye vbe ọkpa vbe uwe ima rhunmwuda, te ọ ghi rẹn emwi ne ọ maa ke nẹ i maa. A i kue nẹẹn ne ọ ya re vbe erhan arrọọ, ne ọ do gha rrọọ ẹdẹdẹmwẹdẹ.”

Gẹnẹsis 42:23

E Josẹf họn ẹmwẹ ne iran ta, sokpan iran ma rẹn irẹn. Rhunmwuda ọzedu ọ re ọ gha zedu ne iran.

Job 12:20

Ọ ye obọ gue emwa ne a mu ẹtin yan unu, ọ ghi vbe miẹn avbe ọmaẹn ẹwaẹn iran.

Psalm 2:4

E Nọyaẹnmwa giee ke ẹkete ẹre vbe ẹrinmwi rre, ọ keghi vbe ya uma eghẹrẹ iran gbogiẹ.

Psalm 33:10

E Nọyaẹnmwa ọ re ọ duẹ uma agbọn ẹvbo hia a, ẹi gie iran mu emwamwa iran sẹ.

Psalm 55:9

Gie iran ne eghian mwẹ zurọ ua vbe iran a gha guan, I miẹn uyimwẹ ne ọ wegbe kevbe otighi vbe ẹvbo nii.

Ẹksọdọs 4:11

E Nọyaẹnmwa keghi tama rẹn wẹẹ, “De ọmwa ne ọ rhie unu ọmwa nẹẹn yi? Gha ọ ya ẹe khian odin ra ayin ehọ? Gha ọ rhie adẹghe nẹẹn ra ne ọ ya ẹe rhu aro? Mẹ ne Nọyaẹnmwa nọ.

Aizaia 33:19

Wa i ghi ra dọlegbe miẹn avbe ọrriọvbe ni tọn ukpe ihue mu nii, iran ni zẹ ẹvbo ne uwa i họn.

Aizaia 6:8

Iyekọnii, mẹ keghi họn vbe Nọyaẹnmwa khare wẹẹ, “De ọmwa ne I gha gie? De ọmwa ne ọ gha yo ukọ ne ima?” Mẹ keghi wanniẹn wẹẹ, “I gha yo! Gie mwẹ.”

Jerimaia 5:15

Wa ne ivbi Izrẹl, e Nọyaẹnmwa gie emwa ke ehe ne ọ wa rrei dee ne iran do gu uwa gbinna. Uhunmwu ẹvbo nẹdẹ, kevbe ne ọ wegbe nọ, uhunmwu ẹvbo ne uwa i họn ẹvbo ne iran zẹ.

I Kọrinti 14:23

A deghẹ esọsi ghi si egbe koko, agbọn hia na wa suẹn gha ya urhu ne a ma rẹn guan, a deghẹ ọmwa kẹkan ra eni ma yayi eso la owa, ẹ i re te ọ ra kha ighẹ te uwa hia mwẹmwẹ?

Diuteronomi 28:49

E Nọyaẹnmwa gha mu okpẹvbo ke ehe ne agbọn sẹe gha dee, emwa ne uwa i họn ẹvbo ne iran zẹ, ọ ghi mu ẹre aro da uwa. Iran ghi siẹn rhu uwa zẹ vbe oghohọn.