Gẹnẹsis 11:6 - Edo Bible (E Baibol Ẹdo) Version 1996

⁶ Ọna wẹẹ, “Eban nian, iran na hia, ọkpa iran khin, ẹvbo ọkpa iran zẹ. Te iran he da suẹn emwi ne iran gha ru na ẹi ghi rre nian, emwi ne iran wẹ, iran gha ru, iran ghi gele sẹtin ruẹe.

Gẹnẹsis 11:6 ပူးပေါင်းရင်းမြစ်များ

Gẹnẹsis 11:1

Vbe ẹghẹ okaro, emwa ni rre otọ agbọn na hia, ẹvbo ọkpa iran zẹ, urhu ọkpa iran vbe ya guan.

Gẹnẹsis 3:22

Ẹre Nọyaẹnmwa Osanobua na kha wẹẹ, “Banbanna nian, te okpia na ghi ye vbe ọkpa vbe uwe ima rhunmwuda, te ọ ghi rẹn emwi ne ọ maa ke nẹ i maa. A i kue nẹẹn ne ọ ya re vbe erhan arrọọ, ne ọ do gha rrọọ ẹdẹdẹmwẹdẹ.”

Gẹnẹsis 6:5

Ugbẹn vbe Nọyaẹnmwa ghi miẹn wẹ emwi dan wa gba emwa hia obọ vbe ehe hia kevbe wẹ, iro dan ọkpa ọre ọ wa rre iran ekhọe vbe ẹghẹ hia,

Gẹnẹsis 8:21

Uwinhinmwẹ ọnrẹn keghi yẹ Nọyaẹnmwa, ọ keghi tae wẹẹ, “Mẹ i ghi dọlegbe fi agbọn unu rhunmwuda uyinmwẹ emwa nagbọn, mẹ rẹnrẹn wẹ ke ẹghẹ ọvbokhan rẹn kpao, iro dan ọre ọ rre ekhọe ẹre, Mẹ i ghi dọlegbe fuẹn emwi hia, zẹ vbene I ruẹe ẹdẹnẹrẹ.

Gẹnẹsis 9:19

Ivbi e Noa nikpia na ọrọre erha odede ọghe emwa ni rre agbọn hia.

I Ọba 18:27

Ọ ghi sẹ ẹghẹ ogiavan, Elaija keghi suẹn gha ya iran gbe ogie wẹẹ, “Wa kakabọ go ladian vbe erhunmwu ne uwa na. Ẹbọ nọ. U gha ghe te ọ miẹn aro ra te ọ ra ya ghughẹ ra te ọ ra khian ladian. U gha ghe, te ọ vbiẹ ne uwa huẹn ọnrẹn!”

Asan-Ibo 11:9

Wa ne igbama, wa gha zọmọ igbama uwa. Gie ẹko gha sẹ uwa ọyẹnmwẹ vbene uwa he ye rre igbama na. Ru emwi ne u ho ne u ru, vbe rhie obọ lele emwi ne ọ rre orhiọn ruẹn. Sokpan ye rre wẹ Osanobua gha bu ohiẹn ruẹn vbekpa emwikemwi ne u rhirhi a ru.

Emọs 4:7

Ẹghẹ ne ọ wa kei ne amẹ na rhọ ye emwiokọ uwa. I keghi dobọ amẹ yi ne ọ ghẹ rhọ. I gha gie amẹ rhọ vbe ẹvbo ọkpa, I i ghi vbe gie ẹe rhọ vbe nọkpa.

Iyẹn ne ọ Maan Ọghe Luk 1:51

Ọ nien obọ ẹre ne ọ wegbe ladian. Ọ keghi zagha iran ni tọn egbe mu kevbe emwamwa iran kua.

Iwinna 17:26

Ke uwu ọmwa ọkpa rre, ọre ọ na yi emwi otọ ughughan ne iran gha rre otọ agbọn hia. ke odaro emwi hia, rẹn ọre ọ tobọ ẹre mwa ẹghẹ ne iran gha ya gha rrọ, ọ keghi ye uwu yi ehe ne iran gha ye vbọ.

Giọgis 10:14

Wa ya tu ma avbe ẹbọ ne uwa zẹe. Wa gha la ẹmwẹ, wa gie iran miẹn uwa fan.”