Gẹnẹsis 11:31 - Edo Bible (E Baibol Ẹdo) Version 1996

³¹ Tẹra keghi rhie ovbi ẹre ighẹ Ebram, eyẹ ọre ighẹ Lọt ne ọ gha re ovbi e Haran, kevbe Serai ne amwẹ ovbi ẹre, amwẹ Ebram, ọ keghi viọ iran baegbe kpao vbe ẹvbo Ọọ ne ọ rre Babilonia rre, ne ọ gha rrie otọ Kenan. Iran khian sẹ Haran, ehe ne iran na mudia yin ẹnrẹn.

Gẹnẹsis 11:31 ပူးပေါင်းရင်းမြစ်များ

Gẹnẹsis 10:19

Odẹ Gera ya sẹ Gaza gha rrie odẹ Sọdom, Gomorra, Adma kevbe Zẹboim yasẹ Lasa.

Gẹnẹsis 11:32

Tẹra keghi wu vbe evba vbe ọ rre ọmọ ukpo isẹn yan uri (205).

Gẹnẹsis 12:4

Ebram ghi rre ukpo isẹn-irrọvbe iyenẹ, ọ keghi si kpao hin Haran rre zẹ vbe ne Nọyaẹnmwa wẹ ne ọ ru, e Lọt kevbe lelẹe gha khian.

Gẹnẹsis 12:5

Ebram keghi rhie Sera ne amwẹ ọnrẹn, e Lọt ne ovbi ọtiọnrẹn, ẹfe ne irẹn mwẹ hia, ne iran khuan ẹn vbe Haran, kevbe eviẹn ọnrẹn hia iran keghi si okhian gha rrie Kenan.

Gẹnẹsis 14:12

Iran keghi vbe mu e Lọt kẹe kevbe emwi ne ọ mwẹ hia rhunmwuda Sọdom rẹn gha ye.

Gẹnẹsis 15:7

Ẹre Nọyaẹnmwa na tama rẹn wẹẹ, “Mẹ ọrọre Nọyaẹnmwa ne ọ we ne u kpao vbe Babilonia rre, ne a miẹn ehe na mu otọe na nuẹn zẹ vbe ọwuẹ.”

Gẹnẹsis 24:10

Ọguọmwadia nii ne ọ gbearoghe emwi Ebraham hia keghi viọ igbe vbe uwe ekẹtẹkẹtẹ arowa ẹre, ọ na gha rrie ẹvbo ne Nahọ ye vbe Mẹsopotamia.

Gẹnẹsis 24:15

Vbe ọ ghi te na erhunmwu fo, Ribẹka keghi rre kẹe kevbe esago ẹre vbe izabọ, ovbi e Bẹtuẹl nokhuo nọ ne ovbi ọtẹn e Ebraham nokpia ighẹ Nahọ kevbe amwẹ ọnrẹn Milka.

Gẹnẹsis 27:43

Banbanna na nian ovbi mwẹ, ru vbene I tama ruẹn. Mu egbe ne u lẹ bu e Leban ne ọtẹn mwẹ vbe Haran.

Gẹnẹsis 28:10

Jekọb ke kpao vbe Biẹsiẹba rre, ọ na mu uhunmwu da Haran.

II Ọba 19:12

Avbe erha mwẹ odede ọ re ọ dunmwu avbe ẹvbo ne a tie ẹre Gozan, Haran kevbe Rezẹf sẹ otọ, ọ kevbe gbele emwa ni rre Bẹtẹdẹn, ni rre Telasa, ẹbọ iran ne ọ sẹtin miẹn iran fan i rrọọ.

Nehimaia 9:7

Wẹ ne Nọyaẹnmwa Osanobua ọ re ọ zẹ Ebram u keghi rhie ẹre ke Ọọ ne Babilọn rre. U ke fi ẹre eni werriẹ ya khian Ebraham.

Job 1:17

Vbe irẹn ma he ye guan fo, ọguọmwadia ọvbehe keghi rre do kha wẹẹ, “Otu izigan emwa Kialdia eha keghi rre, do hẹ rhu ima. Iran keghi munọ avbe e kamẹl hia viọ gha rrie, iran gbele avbe eguọmwadia ruẹ hia, mẹ ọkpa ọre ọ ghi kẹe. Mẹ ọkpa ọ re ọ miẹn uhunmwu, ọ re I na do tama ruẹn.”

Aizaia 37:12

Avbe iran ni karo mẹ rẹnkhẹn avbe ẹvbo ne a tie ẹre Gozan, e Haran kevbe Rezẹf, iran kevbe gbele avbe emwa ni rre Bẹtẹdẹn Telasa, a ma miẹn ne ọ sẹtin miẹn iran fan vbe uwu emwi ne iran gho.

Hibru 11:8

Iyayi ọre ọ ye. Ebraham họn vbe Osanobua tie ẹre, ọ na gha rrie ẹvbo ne Osanobua ve ẹre re wẹ, rẹn gha rhie nẹẹn. Rẹn keghi kpao vbe ẹvbo irẹn rre, vbe ne ọ ma na rẹn ehe ne ọ rriẹ.