Gẹnẹsis 10:5 - Edo Bible (E Baibol Ẹdo) Version 1996

⁵ Iran ọre erha odede ọghe iran ni yin eghute kevbe otọ ne amẹ lẹga vbe okun. Iran na ọrọre uniẹn Jafẹt ni vbe rre dọmwadẹ ogbẹ iran kevbe ẹvbo iran, ne dọmwadẹ ọghọe na vbe zẹ ẹvbo iran.

Gẹnẹsis 10:5 ပူးပေါင်းရင်းမြစ်များ

Gẹnẹsis 10:20

Ena kegha re uniẹn ọghe Han, emwa ni rre dọmwadẹ ẹwae iran kevbe ẹvbo iran, dọmwadẹ ọghọe kevbe zẹ ẹvbo obọ ẹre.

Gẹnẹsis 10:25

Ebẹl kegha mwẹ emọ ikpia eva, a kegha tie ọkpa vbọ e Pẹlẹg, rhunmwuda, te agbọn wannọ egbe vbe ẹghẹ ọre, a keghi gha tie nọkpa e Joktan.

Gẹnẹsis 10:32

Iran na hia keghi gha re ivbi uniẹn e Noa, iran keghi vbe gha re dọmwadẹ ẹvbo, zẹ vbe obọ ne igiogbẹ edọmwadẹ ọghọe laghe. Ẹghẹ ne amẹ ya ro gue agbọn ghi gberra nẹ, ivbi uniẹn ivbi e Noa ọre emwa ni rre agbọn hia ghi gha khin.

Gẹnẹsis 10:4

Ivbie Javan kegha re ivbi Elisia, Spen, Saiprọs kevbe Rodẹs.

Gẹnẹsis 10:6

Ivbie Ham kegha re Kus, Igipt, Libya kevbe Kenan, iran ọrọre erha odede avbe iran ne a he ẹre eni gie iran.

Gẹnẹsis 9:19

Ivbi e Noa nikpia na ọrọre erha odede ọghe emwa ni rre agbọn hia.

Ẹsta 10:1

E Kzakzis ne ọba keghi ya ẹtin vbe iwegbe gha ya avbe emwa ni rre iyaẹvbo eghute ru enegbe ẹre zẹ vbene iran ni rre otọe ni rrei, ne ẹzẹ vbe ye vbe otọe arriọba nii.

Psalm 72:10

Avbe ọba e Spen kevbe iran ni rre otọ ne amẹ lẹga gha zẹ ẹfe gie ẹe. avbe ọba avbe Arrebia kevbe Etiopia gha viọ imuohan gie ẹe.

Aizaia 11:11

Ọ gha sẹ ẹdẹ nẹdẹrriọ, e Nọyaẹnmwa gha dọlegbe lo ẹtin ẹnrẹn, ọ ghi viọ iran gha die owa ighẹ avbe emwa rẹn ni ghi dekẹe vbe Asiria kevbe Igipt, vbe otọe Patros, e Sudan, Ẹlam, e Babilọn kevbe Hamat, deba ni rre avbe eghute kevbe avbe otọe ne amẹ lẹga vbe okun.

Aizaia 24:15

Iran ni rre odẹ ahọ gha rho ẹre. Avbe emwa ni yin lele ọkpẹn okun gha rho e Nọyaẹnmwa ne Osanobua Izrẹl.

Aizaia 40:15

Uhunmwu ẹvbo hia ma sẹ emwi rhọkpa vbe odaro e Nọyaẹnmwa, iran ma gberra ikpẹ amẹ ọkpa, te avbe otọe ne amẹ lẹga ni rre urria ye hogha zẹ vbe ikpekhae ọkpa.

Aizaia 41:5

“Iran ni rre urria gban an miẹn emwi ne I ru nẹ. Iran runraẹn iran kegha guẹ ne ohan. Rhunmwuda ọnii, iran keghi si egbe koko iran na gha dee.

Aizaia 42:10

Wa so ihuan ọgbọn ghe Nọyaẹnmwa wa so ihuan urhomwẹ ọnrẹn, wa ne otọ agbọn hia. Wa rho ẹre, wa ni gua khian vbe okun wa rho ẹre, wa ne emwi ni rre amẹ, wa so ihuan, wa ne otọe urria kevbe emwa ni rrọọ hia.

Aizaia 42:4

Egbe i ra wọ ẹre ra ne ẹtin fo ẹe ọ gha gbọ ẹmwata ye otọ agbọn. Avbe ẹvbo ni rre urria rhie aro ye odẹ gha khẹ iruẹemwi ẹnrẹn.”

Aizaia 49:1

Wa danmwehọ mwẹ, wa ne uhunmwu ẹvbo ni rre urria, wa ne emwa ni khian rrei! Te I he rre ẹko iyemwẹ vbe Nọyaẹnmwa hannọ mwẹ zẹ, ọ keghi vbe zẹ mwẹ ne I gha re ọguọmwadia ẹre.

Aizaia 51:5

I gha zẹgiẹgiẹ rre ne I do miẹn iran fan ẹghẹ akhọnmiotọ mwẹ sẹ otọ fo. Mẹ ọ re ọ ra tobọmwẹ gha khaemwisẹ yan avbe uhunmwu ẹvbo. Avbe otọe urria hia diakhẹ mwẹ ne I rre iran ya idaehọ mudia ne I do miẹn iran fan.

Aizaia 59:18

Ọ gha rri eghian rẹn oya zẹ vbe emwi ne iran vbe ru, ya sẹ egbe iran ni rre odẹ ne ọ rrei.

Aizaia 60:9

Avbe okọ ni ke otọ urria dee nọ. Te iran viọ emwa Osanobua die owa. Iran viọ esiliva kevbe igoru mwẹ obọ dee ne iran do ya ya ọghọ ne eni e Nọyaẹnmwa Osanobua nọhuanrẹn ọghe Izrẹl. Ne ọ ye avbe uhunmwu ẹvbo hia gha ya ọghọ ne emwa irẹn.

Jerimaia 2:10

Wa laghe odẹ orrie gha rrie Saiprọs ne uwa gie ọmwa gha rrie otọe Keda vbe odẹ ekẹn wa gha miẹn wẹ, emwi e ọ ye vbenian ma he ka sunu ẹdẹ yi.

Ezikiẹl 26:15

Ẹmwẹ ne Nọyaẹnmwa Osanobua tama e Taia ọ re ọna khin: “Ẹghẹ ne a gha na khọn uwa, avbe emwa ni yin lele eghute gha runran vbe iran a họn utumwẹ obalọ ọghe emwa ne iran gbele ua.

Ezikiẹl 26:18

Banbanna nian, vbe ẹdẹ ne ọ de guọghua, avbe otọe ne amẹ lẹga gha guọ, orrirri gbe ku emwa iran, vbe iran miẹn vbene a rẹnkhẹn ọẹn ruan hẹ.’ ”

Daniẹl 11:18

Vbe iyeke ọnii, ọ gha mu okuo gie avbe ẹvbo ni rre ọkpẹn okun, ọ ghi khọn nibun vbọ miẹn iran otọ. Sokpan, ọkaolotu ne ọ re ọrriọvbe gha khọn miẹn irẹn otọ, ọ ghi dobọ uhiomwẹ ọnrẹn yi vbe ẹmwata, ọ gha gbe uhiomwẹ ọba e Siria ye ọre egbe.

Zẹfanaia 2:11

E Nọyaẹnmwa gha runran iran. Ọ gha ye avbe ẹbọ ni rre agbọn khian kẹkan fẹẹrẹ, ẹghẹ nii, avbe uhunmwu ẹvbo ghi do gha ga ẹe, dọmwadẹ ọghọe vbe ẹvbo ẹre.

Diuteronomi 32:8

Nọyosẹ ọ re ọ ghae otọe sẹ ẹvbo obọ, rẹn ọ re ọ ta ehe ne emwa gha yin, ọ ghae otọ edọmwadẹ ẹvbo ne ẹẹn.