Gẹnẹsis 10:4 - Edo Bible (E Baibol Ẹdo) Version 1996

⁴ Ivbie Javan kegha re ivbi Elisia, Spen, Saiprọs kevbe Rodẹs.

Gẹnẹsis 10:4 ပူးပေါင်းရင်းမြစ်များ

Gẹnẹsis 10:5

Iran ọre erha odede ọghe iran ni yin eghute kevbe otọ ne amẹ lẹga vbe okun. Iran na ọrọre uniẹn Jafẹt ni vbe rre dọmwadẹ ogbẹ iran kevbe ẹvbo iran, ne dọmwadẹ ọghọe na vbe zẹ ẹvbo iran.

I Krọnikol 1:7

Ivbi uniẹn Javan kegha re emwa ni rre Elisia, e Spen, e Saiprọs kevbe Rods.

Aizaia 23:1

Uhunmwu ne a gie vbekpa Taia ọ re ọna khin. Gha go ugomwẹ akhiẹ, wa ne avbe oziguẹ ni gua vbe okun. E Taia ne eghute ẹvbo rua, a dunmwu ẹn ruan nẹ, avbe owa ni rrọ kevbe ehe ne okọ na yakọ khian itowa. Okọ uwa gha ke Saiprọs rre, wa gha họn iyẹn na.

Aizaia 23:12

E Saidọn ne ore nọkhua, oghọghọ ruẹ sẹ ufomwẹ, emwa ruẹn khian ne a ghi wọ ẹre uhunmwu. Ọ gha khọn iran ne iran ya lẹ ku e Saiprọs, iran ma he ye fe vbe obọ ẹbe vbe evba.

Ezikiẹl 27:12

“U ya winna vbe Spen, u na miẹn esiliva, ematọn, isan ematọn, kevbe oze ne a ya ha osa ye emwi ẹfe ruẹ ẹmimọ.

Ezikiẹl 27:25

Avbe okọ ni kọnkọn sẹẹ kevbe ni ya ye usun ọ re ọ gha viọ emwi atẹ ruẹ rre. “Te uwẹ gha yevbe okọ ne a ye ihẹ ne ọ khua vuọn vbe okun.

Ezikiẹl 27:6

Iran ya viọ erhan okan ke Basian rre ne iran ya ru obele; iran keghi ya erhan ne ọ ke Saiprọs rre wa otọ ruẹ. A keghi ye akọn eni ru uwu ẹre.

Ezikiẹl 27:7

Ukpọn eto ovbiohuẹ ọ re a ya ru ukpọn ẹhoho okọ ruẹ, ukpọn eto ovbiohuẹ ne a do ke Igipt rre, ne a miẹn wẹ umọdia ọ re a na rẹn ọnrẹn. Ukpọn ne ọ maa fo ọ re a ya ru ekharha ne a fi gue ruẹ ododo ibakpa ne a miẹn vbe Saiprọs.

Daniẹl 11:30

Emwa e Rom gha viọ okọ rre, ohan ghi mu ẹẹn. “Iyekọni, ohu ghi mu ẹẹn ọ ghi werriegbe, ọ ghi hia ne ọ fuọn ruan ighe ẹmwẹ ugamwẹ emwa Osanobua. Ọ ghi gha ye ude ne emwa ni mu ugamwẹ nii fua nẹ bu ẹre re ru emwi.

Nọmbas 24:24

Iyokuo gha ke Saiprọs gua okọ rre iran gha khọn Asiria kevbe Babilọn mu otọ, sokpan iran tobọ iran gha vbe fuẹn uan ẹdẹdẹmwẹdẹ.”