Gẹnẹsis 10:15 - Edo Bible (E Baibol Ẹdo) Version 1996

¹⁵ Kenan kegha re erha Saidọn ne ovbi ẹre nokpia nọdiọn, Hẹt ọrọre erha odede iran ne a hẹ ẹre eni gie iran.

Gẹnẹsis 10:15 ပူးပေါင်းရင်းမြစ်များ

Gẹnẹsis 23:3

Ọ na kpao sẹ ikun amwẹ ọnrẹn rae, ọ na ya tama emwa Hiti wẹẹ,

Gẹnẹsis 24:3

I ho ne u vẹn ihẹn ya yan ma mwẹ vbe odaro Nọyaẹnmwa ne ọre Osanobua ọghe ẹrinmwi kevbe agbọn wẹẹ, u i ra rhie okhuo ne ovbi mwẹ vbe Kenan ẹvbo ne I ye na.

Gẹnẹsis 49:13

Ọkpẹn okun ọre Zẹbulọn ra yin. Avbe emwiokọ gha yakọ vbe eghute ẹre otọe ẹre gha niẹn sẹ Saidọn, Isaka ma maa sẹẹ ekẹtẹkẹtẹ

II Samuẹl 11:3

Rẹn keghi gie orhiọnkpa ne ọ ya gualọ otọ ọmwa ne ọ khin, ọ keghi miẹn wẹ Batsiẹba ne ovbi Eliam nọ, ọ keghi re amwẹ Uraia ne ovbi e Hiti.

II Samuẹl 24:6

yasẹ Giliad kevbe Kedẹs vbe otọ Hiti. Iran na vbe gha rrie Dan, iran na ke Dan mu aro da odẹ orrie yasẹ Saidọn.

I Krọnikol 1:13

Ivbi e Kenan ne ikpia kegha re Saidọn, ne ọ re ọdiọn, kevbe Hẹt, iran na ọrọre avbe erha odede, emwa ne a vbe tie vberriọ.

Ẹksọdọs 3:8

“Te I rre na ne I do miẹn iran fan vbe obọ ivbi Igipt, ne I vbe viọ iran kpao vbe Igipt nii gha rrie otọ ne ọ maa emwiokọ kevbe ne ọ vbẹ aro. Otọ esiesi ne ọ maa emwiokọ nọ, emwa ni rre evba ẹghẹ na ọrọre emwa Kenan, Hiti, Amọri, Pẹriz, Hivi kevbe Jebus.

Ẹksọdọs 34:11

U ghi gha lele uhi ne I gha rhie nuẹn ẹrẹna. I gha khulo iran hin odaro ruẹ rre ighẹ ivbi Amọri, e Kenan, e Hiti, e Pẹriz, e Hivi kevbe Jebus, vbene u ya nana sikẹ odaro.

Aizaia 23:4

E Saidọn ne okpẹvbo, a fa ruẹ ua nẹ. Okun kevbe orinmwi amẹ okun nọkhua khare wẹ, iran ma rẹn ruẹn, iran wẹẹ, “I ma biẹ ọmọ rhọkpa, I ma koko emọ ikpia ra emọ ikhuọ.”

Jerimaia 47:4

Ẹghẹ sẹe nẹ ne a gha ya fuẹn e Filistia a, ne a ya giagia iyobọ ne ọ ghi te kẹe hin e Taia kevbe Saidọn rre. Mẹ ne Nọyaẹnmwa gha dunmwu e Filistin uan, iran hia ni ke eghute e Kret rre.

Ezikiẹl 27:8

Iran ni fi obele ruẹ, e Saidọn Avad ọ re iran ke rre, emwa ruẹn ni fu ẹro ọ re ọ gha re avbe ẹzi guẹ ni rrọ.

Ezikiẹl 28:21

“Ovbi ọmwa, ta ku e Saidọn.

Jọsua 11:8

E Nọyaẹnmwa keghi rhie akhọnmiotọ vbe uhunmwu iran, ne ivbi Izrẹl. Ivbi Izrẹl keghi dekun iran, iran na khulo iran ghe odẹ okuọ ya sẹ Saidọn nọkhua kevbe Misrefọt Maim, kevbe e Saidọn odẹ ahọ ya sẹ Mispa. Iran keghi wa gha khian a te do miẹn wẹ, a ma ghi miẹn ọkpa ne ọ ghi de kẹe vbe uwu iran ne eghian.

I Samuẹl 26:6

Ẹre Devid na nọ Ahimẹlẹk ne ovbi ẹvbo Hiti kevbe Abisiai ne ọtẹn Joab wẹẹ (iye iran ọre a tie ẹre Zẹruia), “Gha ọ gha lele mwẹ gha rrie agọ e Sọl vbe uwu uwa yi?” Abisiai keghi wanniẹn wẹẹ, “I gha yo.”