Gẹnẹsis 10:10 - Edo Bible (E Baibol Ẹdo) Version 1996

¹⁰ Usun ẹvbo ne ọ kagha khaemwisẹ yan kegha re Babilọn, Frẹk kevbe Akad, iran eheha kegha rre otọe Sina.

Gẹnẹsis 10:10 ပူးပေါင်းရင်းမြစ်များ

Gẹnẹsis 10:9

Vbekpa iyobọ e Nọyaẹnmwa, ọ vbe gha re ohuẹ ne ọ sẹre vbe agbọn, ọna ọ siẹe ne emwa na yae kpitan wẹẹ, “Te Nọyaẹnmwa gha guẹ gha re ohuẹ nọkhua ne ọ ye vbe Nimrọd.”

Gẹnẹsis 11:2

Ugbẹn vbe iran ghi si laghe odẹ ọlarre ovẹn, iran keghi do sẹ ehe ne ọ rriẹe ọkpa vbe otọ Babilọn, iran keghi yakọ vbe evba, iran na yin ẹnrẹn.

Gẹnẹsis 11:9

A keghi gha tie ẹvbo nii Babilọn, rhunmwuda, evba nii ọre Nọyaẹnmwa na gua ẹvbo ne iran ne emwa nii hia te zẹ, evba ọre ọ keghi zagha iran gba otọ agbọn hia.

Gẹnẹsis 14:1

Avbe ọba enẹ, Amrafẹl ne ọba ọghe Babilonia, Ariọk ne ọba Elasa, Kiedolaoma ọba ọghe Ẹlam kevbe Tidal ne ọba ọghe Goim.

Aizaia 10:9

I khọn avbe ẹvbo ne a tie ẹre Kalno kevbe Kakẹmis, e Hamat kevbe Apad. I khọn e Sameria kevbe Damaskọs.

Aizaia 11:11

Ọ gha sẹ ẹdẹ nẹdẹrriọ, e Nọyaẹnmwa gha dọlegbe lo ẹtin ẹnrẹn, ọ ghi viọ iran gha die owa ighẹ avbe emwa rẹn ni ghi dekẹe vbe Asiria kevbe Igipt, vbe otọe Patros, e Sudan, Ẹlam, e Babilọn kevbe Hamat, deba ni rre avbe eghute kevbe avbe otọe ne amẹ lẹga vbe okun.

Aizaia 39:1

Vbe ẹghẹ na zẹ, ọba e Babilọn ighẹ Merodak Baladan ne ovbi Baladan keghi họn ighẹ egbe ma te rran Hẹzekaia ne ọba, ọ keghi rhunmwuda ọnii gbẹn ebe gie ẹe, ọ keghi vbe haa oko gie ẹe.

Jerimaia 21:2

“Lahọ, wa gu e Nọyaẹnmwa guan ne ima, rhunmwuda, e Nebukiadneza ne ọba e Babilọn kevbe ivbiyokuo ẹre ghae ga ẹvbo nẹ. U gha ghe, e Nọyaẹnmwa gha winna ọkpa vbe uwu avbe iwinna ọyunnuan rẹn ne ima, ọ ghi ru ẹe ne Nebukiadneza werriegbe.”

Jerimaia 50:1

Uhunmwu ne Nọyaẹnmwa giee gunmwẹ vbekpa ore nọkhua e Babilọn kevbe emwa ni rrọọ ọ re ọna khin:

Jerimaia 50:21

E Nọyaẹnmwa khare wẹẹ, “Ya gu emwa ni rre Merateim kevbe Pekọd gbinna, gbele iran an, ne u vbe fuẹn iran an, ru emwi hia ne I tama ruẹn. Mẹ ne Nọyaẹnmwa guaan nẹ.

Ezikiẹl 27:23

Avbe ẹvbo ne a tie ẹre Haran, e Kanẹ kevbe Idẹni, avbe ekpatẹ ne ivbi e Sieba, ẹvbo Asiuọ kevbe Kiemad, ehia gu uẹ do ẹki.

Daniẹl 1:2

E Nọyaẹnmwa keghi gie ẹe khọn mu e Jehoiakim, ọ na vbe viọ emwi eso vbe uwu emwighobioye ni rre Ọgua Osa ọ keghi viọ emwa eso oghunmwu gha rrie aro ẹbọ ọghọe vbe Babilọn, ọ keghi vbe viọ avbe emwi ne ọ viọ vbe okuo eso ye uwu aza aro ẹbọ.

Emọs 6:2

Wa ya ghe ore Kalnẹ. Wa ghi vbe ke evba kpao ya ghe ore nọkhua ighẹ Hamat kevbe ya sẹ e Gat ne ẹvbo e Filistin. Emwi rrọ ne iran ya maa sẹ otọ arriọba e Juda kevbe Izrẹl ra? Ehe ne otọe iran lae vbe digba sẹ ọwua ra?

Maika 4:10

Wa gha mannọ egbe ne uwa gha rriakọn, zẹ vbe okhuo ne ọ ra biẹ, wa ne ivbi e Jerusalẹm, rhunmwuda, te uwa ghẹ ghi kpao hin adesẹ ore rre, ne uwa ya di oha ya. Te uwa ghẹ ghi yo e Babilọn nian, sokpan, evba nii ọ re Nọyaẹnmwa ra na ya fannọ uwa ye otọ vbe ohọ eghian uwa.

Maika 5:6

Iran gha ya emwi igbinna khọn Asiria mu otọ, otọe nii ne ọ re ọghe Nimrọd, iran gha vbe fannọ ima ye otọ vbe obọ ivbi Asiria vbe iran a mu okuo la otọe ẹvbo mwa.

Zẹkaraia 5:11

Rẹn wanniẹn wẹẹ, “E Babilọn nọ, te iran ra ya bọ aro ẹre ye odọ. Iran ghẹ ghi bọ ẹe fo nẹ iran ghi mu okhuae ni yọ, iran ghi gha gho ẹre.”