Gẹnẹsis 1:28 - Edo Bible (E Baibol Ẹdo) Version 1996

²⁸ Ọ keghi fiangbe iran vbenian wẹẹ, “Wa ghi biẹlẹ emọ nibun vbe ne a gha na miẹn wẹ uniẹn ruan ghi gba ehe hia vbe agbọn, iran ghi gha khaemwisẹ ya rẹn. I rhie ẹtin nuẹn ya gha kha yan avbe ehẹn, avbe ahianmwẹ kevbe avbe aranmwẹ oha hia.

Gẹnẹsis 1:28 ပူးပေါင်းရင်းမြစ်များ

Gẹnẹsis 1:22

Rẹn keghi fiangbe iran hia, rẹn keghi tama emwi ni rre uwe amẹ ne iran gha muan yọ ne iran vuọn okun. Ọ tama avbe ahianmwẹ ne iran vbe gha muan yọ.

Gẹnẹsis 17:16

I gha fiangbẹe, I gha giẹe biẹ ọmọ okpia nuẹn. I gha fiangbẹe, rẹn gha khian iye okpẹvbo nibun. A gha vbe miẹn avbe ọba vbe uniẹn ọnrẹn.”

Gẹnẹsis 17:20

U tama mwẹ nẹ wẹ ne I gbe ebe gue Ismẹl. Emwi ne I ra ru ọre ọna khin. I gha fiangbẹe, I gha viọ emọ kevbe uniẹn nibun nẹẹn. Rẹn gha khian erha ivbiọba iweva, I ghi vbe ye uniẹn ọnrẹn ru okpẹvbo ne ọ kpọlọ. I gha ya ile ne I tae rre vbe egbe Aizik ne ovbuẹ ne Sera ra biẹ vbe omwa ẹghẹ na vbe ukpo ne ọ dee.”

Gẹnẹsis 24:60

Iran kevbe na erhunmwu ne Ribẹka vbe nian wẹẹ, “Ọtẹn mwa, iye arriaisẹn arriaisẹn u gha khian! Te uniẹn ruẹn gha khọn ẹvbo eghian iran muotọ!”

Gẹnẹsis 26:24

Vbe Asọn nii e Nọyaẹnmwa keghi rhiegbe ma rẹn, ọ wẹẹ, “Mẹ ọrọre Osanobua Ebraham ne erha a. Ghẹ gie ohan muẹn, I rrọọ yaba ruẹ I gha fiangbuẹ, I gha vbe viọ ivbi uniẹn nibun nuẹn rhunmwuda Ebraham ne ọguọmwadia mwẹ.”

Gẹnẹsis 33:5

Isọ ghi ghe lẹga vbe ọ ghi miẹn avbe ikhuo kevbe emọ nii, ọ keghi nọ wẹẹ, “Gha ena khin ne u hẹ khian na?” Jekọb wanniẹn wẹẹ, “Emọ ne ọ yẹ Osanobua ne ọ ya ru mwẹ ẹse nọ, enọwanrẹn.”

Gẹnẹsis 49:25

Osanobua erhaa ọrọre ọmwa ne ọ yuẹ obọ, Osanobua Noghodua, ọrọre ọmwa ne ọ fiangbuẹ. Afiangbe ọghe amẹ ke odukhunmwu rre kevbe ọghe avbe odin amẹ kevbe uwu otọ gha dee, afiangbe ọghe ẹmila nibun kevbe emọ.

Gẹnẹsis 5:2

Ọ keghi yi iran okpia kevbe okhuo. Rẹn keghi fiangbe iran, ọ keghi tie iran “Emwa.”)

Gẹnẹsis 6:1

Vbe ẹghẹ ne emwa na vẹ gba uhunmwu otọe agbọn hia, iran kegha biẹlẹ emọ ikhuo.

Gẹnẹsis 8:17

Viọ ehia ladian ighẹ avbe ahianmwẹ, kevbe avbe aranmwẹ ne iran miẹn ehe na gha biẹlẹ ne iran vbe vẹ gba agbọn hia.”

Gẹnẹsis 9:1

Osanobua keghi khaẹmwẹ ya fiangbe Noa kevbe avbe ivbi ẹre vbenian wẹẹ, “Te u gha biẹlẹ emọ nibun vbene a gha na miẹn wẹ uniẹn ruẹn ghi gba otọe agbọn hia.

Gẹnẹsis 9:7

“Banbanna nian, u ghi biẹlẹ emọ nibun, ne ivbuẹ miẹn ehe na gha bun ne iran vbe gha rre ehe hia vbe agbọn.”

I Krọnikol 26:5

Amiẹl, Isaka kevbe Puletaia.

I Krọnikol 4:10

Sokpan, e Jabẹz keghi na erhunmwu ghe Osanobua Izrẹl wẹẹ, “Osanobua, fiangbe mwẹ ne u vbe mu otọe ne ọ kpọlọ mẹ. Yaba mwẹ ne u vbe rhie mwẹ lẹre hin obọ emwikemwi ne ọ gha si obalọ yọmwẹ egbe rre.” Osanobua keghi rhie emwi ne ọ na erhunmwu yi ne ẹẹn.

Job 39:11

U gha sẹtin mu ẹtin yan ẹtin ẹnrẹn nọkhua ra, ne u gha khẹ ọre ne ọ do winna iwinna ruẹn ne ọ lọghọ?

Job 42:12

E Nọyaẹnmwa keghi fiangbe okiekie ẹdẹ agbọn e Job sẹ vbene ọ te ka fiangbe omuhẹn ọnrẹn. E Job kegha mwẹ ohuan arriaisẹn iwenẹ (14,000) e kamẹl arriaisẹn ehan (6,000) oghẹn ẹmila arriaisẹn eva (2,000) kevbe ekẹtẹkẹtẹ arriaisẹn (1,000).

Psalm 107:38

Ọ fiangbe emwa rẹn iran keghi biẹlẹ emọ nibun ọ kevbe ruẹe ne emwirri iran ghẹ dibu.

Psalm 115:16

E Nọyaẹnmwa okpa ọ re ọ yan ẹrinmwi, sokpan, ọ ya agbọn ne ọmwa.

Psalm 69:34

Wa rho Osanobua, ẹrinmwi kevbe agbọn, avbe okun kevbe emwi hia ni rre uwu iran.

Psalm 8:6

U ya ẹe ru enọkhaemwisẹ yan emwi ne uwẹ yi hia, u kevbe tọn ẹn mu yan emwi ne a yi hia.

Psalm 8:7

Avbe ohuan, avbe ẹmila kevbe avbe aranmwẹ oha hia ba ẹre.

Aizaia 45:18

E Nọyaẹnmwa ọ re ọ yii iso, rẹn ọrọre ọmwa ne ọ re Osanobua! Rẹn ọ re ọ dọnmwẹ agbọn, ọ na yii ẹe ọ ru ẹe gbain kevbe ne ọ vbe tọ, ọ ma yi ẹre ne ọ dihoi rua ne ọ rhiaẹe. Sokpan ehe ne emwa gha yin. Rẹn ọrọre ọmwa ne ọ khare wẹẹ, “Mẹ ọrọre Nọyaẹnmwa, osa ọvbehe i ghi vbe rrọọ.

Levitikọs 26:9

I gha fiangbe uwa, I ghi vbe viọ emọ ni bun ne uwa, I ghi mu e nọkanmwasẹ vbe ile ne ima gba ta sẹ.

I Timoti 4:3

Emwa na ọre ọ ta ẹe khian wẹ, ọ ma kei ne a gha rhie okhuo, ọ ma kei ne a gha rri evbare eso. Sokpan te Osanobua yi avbe evbare na ne avbe emwa ni yayi, ni vbe rẹn ẹmwata nẹ, ne iran gha rri ọẹ vbe iran a ghi na erhunmwu ekpọnmwẹ yọ nẹ.