Gẹnẹsis 1:27 - Edo Bible (E Baibol Ẹdo) Version 1996

²⁷ Ẹre Osanobua na ma emwa nagbọn, ọ na ma iran ne iran ye vbe irẹn tobọ irẹn. Ọ keghi yi iran okpia kevbe okhuo.

Gẹnẹsis 1:27 ပူးပေါင်းရင်းမြစ်များ

Gẹnẹsis 2:18

Ẹre Nọyaẹnmwa Osanobua na kha wẹẹ, “Ọ ma kei ne okpia na vbe ẹhi ẹre ọkpa kẹkan gha rrọọ. I gha yi ogieva ẹre ne ọ maẹn rhie nẹẹn ne ọ gha yi ọre obọ.”

Gẹnẹsis 2:7

Ọre Nọyaẹnmwa Osanobua na rhie ekẹn vbe otọe, ọ keghi yae ma okpia, ọ keghi hiọnrọn uhiọnrọnmwẹ arrọọ ye ọre uvun ihue, okpia nii keghi khian ne ọ ghi rrọọ.

Gẹnẹsis 9:6

Ọmwa ne ọ rhirhi gbe ọmwa ran, ọmwa ne ihuaẹre ọ gha vbe gbẹe rua. Rhunmwuda te a yi ọmwa zẹ vbe Osanobua.

Psalm 139:14

I rho ruẹ, rhunmwuda, ọmwa ne ọ kere ne a muohan rẹn ọ re uwẹ khin, emwi ne u ru hia lughaẹn, ọyunnuan nọ. I wa rẹn ọna kekhọekekhọe mwẹ hia.

Asan-Ibo 7:29

Emwiọkpa ne I miẹn ruẹ ọ re ọna khin wẹ te Osanobua yi ima fiain, sokpan ma keghi ye egbe ima khian khiẹnkhiẹnkhiẹn.

Aizaia 43:7

Emwa mwẹ ọ re iran khin. Te I yii iran ne iran gha re ọghomwẹ.”

Jerimaia 29:6

Wa viọ ikhuo ne uwa biẹlẹ. Wa vbe gie avbe ivbi uwa viọ ikhuo, ne iran vbe miẹn ehe na biẹlẹ emọ. Te ọ kere ne uwa gha bun yọ ne uwa ghẹ yẹkẹ.

Malakai 2:15

Ẹre te Osanobua ya uwẹ khian egbe ọkpa kevbe orhiọn ọkpa ba irẹn? De emwi ne ọ ya ẹe ru ọna yi? Emwi ne ọ khin ọrọre wẹ ọ ho ne uwa biẹlẹ emọ ni wa re emwa Osanobua vbe ẹmwata. Rhunmwuda ọnii, wa gia miẹn wẹ a ma miẹn ọmwa ne ọ ma mu eyan ne ọ yan ma ọvbokhan rẹn sẹ.

Matiu 19:4

Jesu wanniẹn tama iran wẹẹ, “Wa ma he tie ebe ẹre nọ kha re wẹẹ, ‘Vbe omuhẹn Ayi ne ọ yi ọmwa yi iran ọdọ vbe amwẹ.

Iyẹn ne ọ Maan Ọghe Mak 10:6

Sokpan vbe omuhẹn, ẹghẹ ne a na yi emwi hia, a ta ẹe wẹẹ, ‘Osanobua yi iran ọwẹe vbe amwẹ.

Ẹfisọs 2:10

Osanobua ọre ọ yi mwa, vbe uwu a ku egbe kugbe ba Kristi Jesu, ọ keghi yi ima ye ẹdẹ agbọn iwinna esi, ne irẹn mwamwa ye otọ khẹ mwa ne a gha ru.

Ẹfisọs 4:24

Wa ghi mu ẹn yọ ighẹ egbe ọgbọn nii ne a yi zẹ vbe ama ọghe Osanobua, ne ọ vbe rhie egbe ma vbe a rrọọ ọghe ẹmwata ne ọre ne ọ mudia ẹse kevbe ne ọ huanrẹn.

Diuteronomi 4:32

“Wa gualọ otọ ẹghẹ ne ọ gberra ghe ẹghẹ ne a ma na he biẹlẹ uwa, wa gha khian ya sẹ ẹghẹ ne Osanobua na yi ọmwa ye agbọn. Wa gualọ otọ agbọn na hia. Emwi ne ọ kpọlọ vbenian he ka sunu de yi ẹdẹ ra! A he miẹn ọmwa ne ọ he họn egbe ẹmwẹ vbenian ẹdẹ ra?

Kọlose 1:15

Kristi ọrọre emwi ne ọ khọe ne a bẹghe ọghe Osanobua ne a i bẹghe, rẹn ọrọre Ọmọdiọn ọghọe ne ọ kpọlọ sẹ emwi ne a yi hia fẹẹrẹ.

Kọlose 1:26

Ọna ọrọre emwi oro ne ọ rhie lẹre ne agbọn ke ne ẹkpo i mwẹ arria gha dee, sokpan ọ keghi do wẹ rua ma emwa irẹn vbe ẹghẹ na nian.

Kọlose 3:10

Wa keghi vbe mu ọghọgbọn yọ, ọnọna ọrọre ọmwa ọgbọn nii ne Osanobua nọ yi ẹe fi werriẹ, khian ama ọghọe, ne ọ miẹn ehe na do gie uwa rẹn irẹn fo.

Giọgis 21:22

A deghẹ erha iran ra etẹn iran ghi rre do gui, ma gha sẹtin tama iran wẹẹ, ‘Wa lahọ, wa sẹ iran rae ne ima, ẹ i re okuo ma na munọ iran do ya khian amwẹ ima. Vbene a ghi na miẹn wẹ wa ma ya iran ne ima, wa ma rri ihẹn ne uwa vẹn!’ ”