Gẹnẹsis 1:22 - Edo Bible (E Baibol Ẹdo) Version 1996

²² Rẹn keghi fiangbe iran hia, rẹn keghi tama emwi ni rre uwe amẹ ne iran gha muan yọ ne iran vuọn okun. Ọ tama avbe ahianmwẹ ne iran vbe gha muan yọ.

Gẹnẹsis 1:22 ပူးပေါင်းရင်းမြစ်များ

Gẹnẹsis 1:21

Ẹre Osanobua na do yi avbe ugbogiorinmwi ni rre okun ke avbe emwi ni ma wu ughughan ni rre amẹ kevbe ahianmwẹ ughughan hia. Emwi ne Osanobua bẹghe keghi sẹ ọre ọyẹnmwẹ.

Gẹnẹsis 1:23

Ẹdẹ keghi mu, ẹdẹ keghi gbe, ọnii na gha rre ikpẹdẹ ne ogisẹn.

Gẹnẹsis 1:28

Ọ keghi fiangbe iran vbenian wẹẹ, “Wa ghi biẹlẹ emọ nibun vbe ne a gha na miẹn wẹ uniẹn ruan ghi gba ehe hia vbe agbọn, iran ghi gha khaemwisẹ ya rẹn. I rhie ẹtin nuẹn ya gha kha yan avbe ehẹn, avbe ahianmwẹ kevbe avbe aranmwẹ oha hia.

Gẹnẹsis 30:27

E Leban keghi tama rẹn wẹẹ, “Gun mwẹ tama ruẹn, I ghe emwi yọ, I keghi miẹn wẹ rhunmwuda ruẹ ọre Nọyaẹnmwa na fiangbe mwẹ.

Gẹnẹsis 30:30

Ekherhe ne u te mwẹ vbe I te rre keghi do khian ọrhẹnrhẹn, e Nọyaẹnmwa keghi rhunmwuda mwẹ fiangbuẹ vbe ehe ne I rhirhi a yo. Eban nian, ọ sẹe ne I gha ru Ọghe ne egbe mwẹ.”

Gẹnẹsis 35:11

Osanobua keghi tama rẹn wẹẹ, “Mẹ ọrọre Osanobua Noghodua. Biẹlẹ emọ nibun. Uniẹn ivbuẹ gha bun, eso vbe uwu iran gha vbe gha re ọba, u gha mwẹ uniẹn ivbuẹ nibun sẹrriọ wẹ eso gha do khian iyaẹvbo.

Gẹnẹsis 8:17

Viọ ehia ladian ighẹ avbe ahianmwẹ, kevbe avbe aranmwẹ ne iran miẹn ehe na gha biẹlẹ ne iran vbe vẹ gba agbọn hia.”

Gẹnẹsis 9:1

Osanobua keghi khaẹmwẹ ya fiangbe Noa kevbe avbe ivbi ẹre vbenian wẹẹ, “Te u gha biẹlẹ emọ nibun vbene a gha na miẹn wẹ uniẹn ruẹn ghi gba otọe agbọn hia.

Job 40:15

Ghe Behemot ne Ugbogiorinmwi, mẹ ọ re ọ yi ẹe, mẹ ọ re ovbe yi uwẹ. Te ọ rri irunmwu zẹ vbe ẹmila,

Job 42:12

E Nọyaẹnmwa keghi fiangbe okiekie ẹdẹ agbọn e Job sẹ vbene ọ te ka fiangbe omuhẹn ọnrẹn. E Job kegha mwẹ ohuan arriaisẹn iwenẹ (14,000) e kamẹl arriaisẹn ehan (6,000) oghẹn ẹmila arriaisẹn eva (2,000) kevbe ekẹtẹkẹtẹ arriaisẹn (1,000).

Psalm 107:31

Ọ kere ne iran kpọnmwẹ e Nọyaẹnmwa ye aho ẹmwẹ ọmwa rẹn ne ẹ i beghe kevbe emwi ọyunnuan ne ọ ru ne iran.

Psalm 107:38

Ọ fiangbe emwa rẹn iran keghi biẹlẹ emọ nibun ọ kevbe ruẹe ne emwirri iran ghẹ dibu.

Psalm 128:3

Amwẹ ọn gha ye vbe azara ne ọ mọ ọmọ vbe owa ruẹ, avbe ivbuẹ ghi ye vbe erhan oliv, lẹga eteburu ruẹ.

Itan 10:22

Afiangbe Nọyaẹnmwa ọ re ọ zẹ ẹfe ku ọmwa. Ẹsọn i rhie ba emwi ne ọmwa mwẹ.

Levitikọs 26:9

I gha fiangbe uwa, I ghi vbe viọ emọ ni bun ne uwa, I ghi mu e nọkanmwasẹ vbe ile ne ima gba ta sẹ.