Gẹnẹsis 1:20 - Edo Bible (E Baibol Ẹdo) Version 1996

²⁰ Osanobua keghi kha wẹẹ, “Gie amẹ vuọn ne emwi ni hiọnrọn ughughan nibun, kevbe ne ahianmwẹ vbe vuọn iso”.

Gẹnẹsis 1:20 ပူးပေါင်းရင်းမြစ်များ

Gẹnẹsis 1:14

Osanobua keghi kha wẹẹ, “Gie uwanmwẹ gha rre iso, ne ọ wannọ avan hin asọn rre, kevbe ne ọ rhiema, ẹghẹ ne ikpẹdẹ kevbe ukpo, kevbe ẹghẹ emwiukpo ya suẹn;

Gẹnẹsis 1:19

Ẹdẹ keghi mu, ẹdẹ keghi gbe, ọnii na gha re ikpẹdẹ ne ogienẹ.

Gẹnẹsis 1:21

Ẹre Osanobua na do yi avbe ugbogiorinmwi ni rre okun ke avbe emwi ni ma wu ughughan ni rre amẹ kevbe ahianmwẹ ughughan hia. Emwi ne Osanobua bẹghe keghi sẹ ọre ọyẹnmwẹ.

Gẹnẹsis 1:22

Rẹn keghi fiangbe iran hia, rẹn keghi tama emwi ni rre uwe amẹ ne iran gha muan yọ ne iran vuọn okun. Ọ tama avbe ahianmwẹ ne iran vbe gha muan yọ.

Gẹnẹsis 1:30

Sokpan ebe vbe irunmwu ọre I viọ ne avbe aranmwẹ oha nekhua kevbe negiẹrẹ kevbe avbe ahianmwẹ ne iran gha re.” Ọ kegha ye rriọ.

Gẹnẹsis 2:19

Rhunmwuda ọnii, ọ ke fian ekẹn vbe otọe, ọ na ya mannọ avbe aranmwẹ kevbe ahianmwẹ hia, ọ keghi viọ iran bu okpia ni gha dee ne ọ he iran eni, emwi ne okpia nii he iran re ọ hin iran.

Gẹnẹsis 7:21

Emwi hia ni hiọnrọn vbe agbọn keghi wulo, avbe ahianmwẹ, emwirri, avbe aranmwẹ negiẹrẹ kevbe emwa nagbọn hia.

Gẹnẹsis 8:17

Viọ ehia ladian ighẹ avbe ahianmwẹ, kevbe avbe aranmwẹ ne iran miẹn ehe na gha biẹlẹ ne iran vbe vẹ gba agbọn hia.”

I Ọba 4:33

Ọ ta ẹmwẹ vbekpa erhan, irunmwu kevbe sida e Lebanọn yasẹ egbe ebe ne a ya miẹn afọ ni zọ vbe egbekẹn, ọ guan vbe ekpa aranmwẹ, ahianmwẹ kevbe emwi ni hiọrọ kevbe avbe ehẹn.

Job 12:9

Iran hia rẹnrẹn ighẹ obọ e Nọyaẹnmwa ọ re ọ yi iran.

Psalm 148:10

Aranmwẹ hia, ne a rri kevbe ọghe oha, aranmwẹ ni i zọ eto kevbe ahianmwẹ.

Asan-Ibo 2:21

Ọmwa ghi wa ya ẹwaẹn rẹn hia miẹn ẹsọn ye emwi ọkpa, vbe irẹnmwi ẹnrẹn kevbe iguemwi ẹnrẹn. Iyekọnii, u ghi wa sẹ ehia rae ne ọmwa ne ọ ma zẹdẹ miẹn ẹsọn yọ. Ọna i zẹdẹ maa, ọ ma vbe gba.

Levitikọs 11:42

Ya sẹ egbe avbe aranmwẹ ni ya ẹko hiọrọ, ra ni ya owẹ enenẹ khian ra ni mwẹ owẹ ni bun.

Levitikọs 11:43

Wa ghẹ rri ena rhọkpa ya mu awua ye egbe.

Iwinna 17:25

Ẹ i vbe vbabọ emwikemwi, a ma wẹ ne emwa gha winna viọ emwi gi ẹe ugbẹn vbe a miẹn wẹ rẹn ọre ọ rhie arrọọ, uhiọnrọnmwẹ ke emwi ọvbehe hia ne emwa hia.