Gẹnẹsis 1:16 - Edo Bible (E Baibol Ẹdo) Version 1996

¹⁶ Ẹre Osanobua na yi uwanmwẹ nekhua eveva, ne owẹn gha kha yan avan, ne uki vbe gha kha yan asọn; ọ keghi yi avbe orhọnmwẹ ba ẹre.

Gẹnẹsis 1:16 ပူးပေါင်းရင်းမြစ်များ

Gẹnẹsis 1:15

iran ghi gha baa vbe iso, ne iran gha rhie uwanmwẹ ye agbọn” ọ kegha ye rriọ.

Job 31:26

I ma he gọn ugie ovẹn ne ọ yunmwu ẹdẹ, ra uki vbe uwu ọse ẹre hia.

Job 38:7

Ẹdẹ ne ẹdẹrriọ ghi gbe avbe orhọnmwẹ keghi koko so ihuan. Ighele ẹrinmwi hia keghi we ne oghọghọ.

Psalm 148:3

Wa rho ẹre, owẹn kevbe uki, wa rho ẹre, wa ne avbe orhọnmwẹ ni baa.

Psalm 148:5

Gie iran hia rho eni e Nọyaẹnmwa, rẹn gie uhunmwu, a keghi yi iran hia;

Psalm 19:6

Ọ ghi suẹn vbe obọkpa vbe iso ọ ghi wa fiaẹn rra gha rriẹ obọ nọkpa. Emwi ọkpa i rrọ ne ọ sẹtin, rhie egbe lẹre ne owowo ẹre.

Psalm 74:16

Wẹ ọ re ọ yi avan kevbe asọn wẹ ọ re ọ mu owẹn kevbe uki ye ihe iran.

Psalm 8:3

Mẹ gha ghe iso ne uwẹ yi, avbe uki kevbe orhọnmwẹ ne uwẹ viọ ye ihe iran.

Aizaia 13:10

Dọmwadẹ orhọnmwẹ, kevbe avbe orhọnmwẹ ni mama kugbe, erhọkpa ne ọ ghi ra gha baa irrọọ, ovẹn gha yanrre, ọ ghi so ebiebi, uki i ghi ra vbe baa.

Aizaia 24:23

Uki gha so ebiebi, ovẹn I ghi vbe yunmwu, rhunmwuda, e Nọyaẹnmwa ne Oghodua ọ re ọ ra gha re ọba. Ọ gha rriọba vbe oke Zaiọn vbe Jerusalẹm, avbe ọkaolotu emwa gha miẹn uyi ẹre.

Aizaia 40:26

Tọn aro mu ghe odukhunmwu! Gha ọ yi avbe orhọnmwẹ ne u dẹghe yi? Ọmwa ne ọ viọ iran ladian vbe ivbiyokuo? Ọ rẹn inu ne iran khin te ọ he ọkpọkpa vbọ eni! Ẹtin ẹnrẹn kpọlọ sẹ vberriọ okpa vbe iran ne ọ gha wii edẹ i rrọ!

Aizaia 45:7

Mẹ ọ re ọ yi uwanmwẹ kevbe ebiebi mẹ ọ re ọ gie afiangbe kevbe ọfuan rre, mẹ ne Nọyaẹnmwa ọ re ọ ru avbe emwi na hia.

Jerimaia 31:35

E Nọyaẹnmwa keghi yi owẹn ne ọ gha rhie uwanmwẹ rre vbe avan, uki kevbe orhọnmwẹ, ne iran gha baa vbe asọn ọ tughu okun, ọ keghi gie ẹe da van, e Nọyaẹnmwa ne Oghodua ọ re a tie ẹre.

Habakọk 3:11

Ugbẹn vbe ifẹnmwẹ ruẹn tin khian ọ filo usanna kua, deba umozo ruẹ ne ọ de wainwain, uki kevbe owẹn keghi mudia hiii.

Matiu 24:29

“Avbe ọlọghọmwa na hia ghẹ ghi da obọ yi, owẹn ghi so ebiebi, uki i ghi ra ba ọvbehe, avbe orhọnmwẹ ghi gha ke iso kharha ku otọ, a ghi mu ẹtin ni re ideghedeghe iso rueghe.

Matiu 27:45

Owẹn ghi wa sẹ adesẹ ukhunmwu, ebiebi keghi wa so vbe ẹvbo ni hia, ọ keghi so ya omwa ẹgogo eha.

I Kọrinti 15:41

Owẹn mwẹ ose ọghọe, uki, ose ọvbehe, avbe orhọnmwẹ, umosemwẹ ọvbehe, uhin ighẹ umosemwẹ avbe orhọnmwẹ vbe lughaẹn ne egbe.

Diuteronomi 4:19

Wa ghẹ gie a ya ẹe danmwẹ uwa ghe ne uwa gha ga emwi ne uwa bẹghe vbe iso, owẹn, uki, kevbe orhọnmwẹ. Nọyaẹnmwa Osanobua mwa viọ ena ne emwa ọvbehe hia gha gho nẹ.

Arhie Maan 21:23

Ẹvbo ni i mwẹ emwi ne ọ ya owẹn ru ra uki ne ọ gha baa vbọ rhunmwuda, uyi ọghe Osanobua ọre ọ viọ asan yọ. Oteghe Ohuan nii ọre ọ vbe re ukpa ne ọ rrọọ.