Gẹnẹsis 1:14 - Edo Bible (E Baibol Ẹdo) Version 1996

¹⁴ Osanobua keghi kha wẹẹ, “Gie uwanmwẹ gha rre iso, ne ọ wannọ avan hin asọn rre, kevbe ne ọ rhiema, ẹghẹ ne ikpẹdẹ kevbe ukpo, kevbe ẹghẹ emwiukpo ya suẹn;

Gẹnẹsis 1:14 ပူးပေါင်းရင်းမြစ်များ

Gẹnẹsis 1:13

Ẹdẹ keghi mu, ẹdẹ keghi gbe, ọnii na gha re ikpẹdẹ ne ogieha.

Gẹnẹsis 1:15

iran ghi gha baa vbe iso, ne iran gha rhie uwanmwẹ ye agbọn” ọ kegha ye rriọ.

Gẹnẹsis 8:22

Ya sẹ omwa vbe ne agbọn gha ya gha rrọọ, ẹghẹ ikọ emwi kevbe ẹghẹ emwiorhọ gha rrọọ. Ẹghẹ okhuakhua kevbe owowo gha rrọọ, ẹghẹ uyunmwu kevbe ẹghẹ orhọ, asọn kevbe avan. Ena i ra fo ẹdẹ.”

Gẹnẹsis 9:13

I rhie ere ne ukhunmwu mwẹ ye odukhunmwu. Rẹn ọre ọ khian gha re ama ye ile ne I gu agbọn ta.

Job 25:3

A gha miẹn ne ọ gha sẹtin ka avbe odibo ni ga ẹe ra? Ihe ọkpa rrọọ ra ne uwanmwẹ Osanobua i na wan muotọ?

Job 25:5

Uki ne arengbe i mwẹ uwanmwẹ vbe odaro ẹre, a ma wẹ ne avbe orhọnmwẹ gha re ne ẹ i mwẹ iruẹn.

Job 3:9

Ghẹ giẹ orhọnmwẹ owiẹ wan uwanmwẹ yọ, rhie idaehọ ẹdẹgbegbe hin asọn nii rre.

Psalm 119:91

Emwi hia rrọọ do sẹ ẹdẹnẹrẹ na, rhunmwuda iyi ruẹ, rhunmwuda eguọmwadia ruẹ ọ re ehia khin.

Psalm 148:3

Wa rho ẹre, owẹn kevbe uki, wa rho ẹre, wa ne avbe orhọnmwẹ ni baa.

Psalm 148:6

zẹ vbene ọ tae, a keghi rhie dọmwadẹ ọghọe ye ihe ẹre ọghe etẹbitẹ, iran i sẹtin fieghe uhunmwu.

Psalm 150:1

Wa rho e Nọyaẹnmwa! Wa rho Osanobua vbe uwu Ọgua Osa ẹre! Wa rho ẹtin ẹnrẹn vbe ẹrinmwi!

Psalm 81:3

Wa kpe okpe ye emwiukpo nii, vbe uki a da hin kevbe uki a ko urro.

Aizaia 40:26

Tọn aro mu ghe odukhunmwu! Gha ọ yi avbe orhọnmwẹ ne u dẹghe yi? Ọmwa ne ọ viọ iran ladian vbe ivbiyokuo? Ọ rẹn inu ne iran khin te ọ he ọkpọkpa vbọ eni! Ẹtin ẹnrẹn kpọlọ sẹ vberriọ okpa vbe iran ne ọ gha wii edẹ i rrọ!

Jerimaia 10:2

Ọ wẹẹ, “Wa ghẹ yegbe ta avbe uhunmwu ẹvbo ọvbehe. Wa ghẹ gie ama ne ọ lughaẹn ne ọ rhie egbe ma vbe iso ya ohan mu uwa, ọ gha khọn rẹn ne afianma gha fian avbe emwa ọvbehe.

Jerimaia 31:35

E Nọyaẹnmwa keghi yi owẹn ne ọ gha rhie uwanmwẹ rre vbe avan, uki kevbe orhọnmwẹ, ne iran gha baa vbe asọn ọ tughu okun, ọ keghi gie ẹe da van, e Nọyaẹnmwa ne Oghodua ọ re a tie ẹre.

Jerimaia 33:20

“Mẹ gu avan kevbe asọn taa ile nẹ, vbene a gha na miẹn wẹ iran rre ye ẹghẹ iran zẹẹ, ile nii, a i sẹtin rra ẹre.

Jerimaia 33:25

Sokpan, mẹ ne Nọyaẹnmwa gu avan vbe asọn ta ile nẹ, mẹ ọ re ọ yii uhi ne ọ khaemwisẹ yan otọ vbe ukhunmwu.

Ezikiẹl 46:1

E Nọyaẹnmwa ne Udazi khare wẹẹ, “Onurho ne ọ rre odẹ ahọ vbe ne a la sẹ ikun ne ọ ke uwu ẹre, te a ra gha khui ẹre gbua vbe ikpẹdẹ ehan ne a ya winna, sokpan, a ghi gha kie ẹre yotọ vbe Ẹdẹ Ikẹtin kevbe ẹghẹ Emwiukpo uki Ọgbọn.

Ezikiẹl 46:6

Vbe emwiukpo uki Ọgbọn ọ ghi viọ ovbi ẹkhuia ẹmila ọkpa, ivbi ohuan ehan, kevbe ogho ọkpa, ehia na ghi gha re ne ẹ i mwẹ okan ọ ghi do ya gha mu ohan.

Joẹl 2:10

Iran gha dee, otọe ghi gha mu rueghe; iso ghi gha mian gbẹgbẹgbẹ. Owẹn kevbe uki ghi so ebiebi avbe orhọnmwẹ i ghi ladian.

Joẹl 3:15

Owẹn kevbe uki so ebiebi, avbe orhọnmwẹ i ghi vbe baa.

Emọs 5:8

E Nọyaẹnmwa ọ re ọ yii avbe orhọnmwẹ, iyọkhọkọ kevbe Agho. Ọ ye ebiebi khian uwanmwẹ kevbe avan khian asọn. Ọ gha datie amẹ ni rre okun ọ ghi hihiẹ ọe ku otọ. E Nọyaẹnmwa ọrọre eni ẹnrẹn.

Emọs 8:9

Ẹghẹ dee ne I gha na ru ẹe ne owẹn defua vbe ogiavan, otọ agbọn ghi so ebiebi vbe ogiavan ogioghogho. Mẹ ne Nọyaẹnmwa ne Udazi ọre ọ taa ẹe. I gha ya emwiukpo ne uwa ru khian irorinmwi, I ghi fi ihuan ọyẹnmwẹ ne uwa so werriẹ khian ugomwẹ akhiẹ.

Matiu 2:2

Iran do nọọn wẹẹ, “Ọmọ ne a biẹ ẹe ne ọ do rriọba avbe Ju vbo? Ma miẹn orhọnmwẹ ọnrẹn vbe ọlarre owẹn, ọre ima na gha de do ye uhunmwu rhanmwẹ otọ nẹẹn.”

Matiu 24:29

“Avbe ọlọghọmwa na hia ghẹ ghi da obọ yi, owẹn ghi so ebiebi, uki i ghi ra ba ọvbehe, avbe orhọnmwẹ ghi gha ke iso kharha ku otọ, a ghi mu ẹtin ni re ideghedeghe iso rueghe.

Iyẹn ne ọ Maan Ọghe Mak 13:24

“Ẹghẹ nii, vbe avbe orueghe na a ghi gberra nẹ, owẹn ghi so ebiebi, uki i ghi baa.

Iyẹn ne ọ Maan Ọghe Luk 23:45

Ukpọn ne a ya fian Ọgua Osa ye ihe eva keghi wa va eva.

Diuteronomi 4:19

Wa ghẹ gie a ya ẹe danmwẹ uwa ghe ne uwa gha ga emwi ne uwa bẹghe vbe iso, owẹn, uki, kevbe orhọnmwẹ. Nọyaẹnmwa Osanobua mwa viọ ena ne emwa ọvbehe hia gha gho nẹ.

Arhie Maan 6:12

I kevbe ya bẹghe vbe Oteghe Ohuan rhan emwi ne a gbae ne ogiehan. Igbohiotọ ọhanabe keghi wa gha rrọọ, owẹn keghi sie rua, ọ ye vbe ukpọn nekhui ne khuarakhuara, uki keghi wa fi werriẹ khian ne ọ baa fẹẹrẹ vbe esagiẹn.

Arhie Maan 8:12

Odibosa ne ọ ogienẹ keghi kpe ọghọe, a keghi kinmwi obọ ọkpa vbe a wa owẹn ye ihe eha, ke obọkpa vbe ihe eha ọghe uki kevbe ọghe avbe orhọnmwẹ sẹrriọ wẹ, a gha wa vbene iran te ba ye ihe eha, obọkpa keghi lahin rre vbọ, uwanmwẹ ma ghi rre vbe a wa ẹdẹ ye ihe eha, kevbe a wa asọn ye iye eha.

Arhie Maan 9:2

Orhọnmwẹ nii keghi kie uvun ne ẹ i mwẹ ototọ nii, ighogho keghi hihiẹ ke ẹe ladian, zẹ vbe ighogho ne ọ ke ogidi erhẹn rre. Ighogho ne ọ ke uwu uvun ne ẹ i mwẹ ototọ ladian rre nii, keghi ye ovẹn kevbe ẹhoho khian ne ọ so ebiebi.