Gẹnẹsis 1:12 - Edo Bible (E Baibol Ẹdo) Version 1996

¹² Emwi hia keghi zọ ke otọe rre. Emwi ne Osanobua bẹghe, keghi sẹ ọre ọyẹnmwẹ.

Gẹnẹsis 1:12 ပူးပေါင်းရင်းမြစ်များ

Gẹnẹsis 1:11

Rẹn keghi kha wẹẹ, “Gie erhan vbe irunmwu hia zọ vbe otọe, ke ni gbe ihiagha kevbe eni mọ,” ọ kegha ye rriọ.

Gẹnẹsis 1:13

Ẹdẹ keghi mu, ẹdẹ keghi gbe, ọnii na gha re ikpẹdẹ ne ogieha.

Psalm 104:14

U gie avbe irunmwu zọ ne ẹmila, kevbe ivbi erhan ne ọmwa nagbọn gha lo ne ọ miẹn ehe na gbe ugbo emwiokọ ẹre.

Aizaia 61:11

Zẹ vbene ọ ye wẹ te emwiokọ gha zọ, ọ ghi vbe wan zẹẹ, erriọ zẹ ọ re Nọyaẹnmwa ne Udazi gha miẹn emwa rẹn fan. Avbe uhunmwu ẹvbo hia ghi gha rho ẹre.

Iyẹn ne ọ Maan Ọghe Mak 4:28

Otọe tobọ ẹre ọre ọ ya nene emwiokọ zọ, ne ọ na vbe mọ; okaro, ọ ghi zọ ukhu ladian, vbe iyeke ọnii, ọ ghi gbe ihiagha, vbe okiekie ehia, ọka ne ọka ghi ladian.

Iyẹn ne ọ Maan Ọghe Luk 6:44

Ọmọ erhan ọre a ya rẹn erhan. Ọkhuẹnkhuẹn i mọ ohọ, ogigban i mọ azara.

II Kọrinti 9:10

Osanobua ne ọ viọ emwiokọ ne uwa ho hia ne uwa, ọ ghi vbe gi ẹe zọ, ne ọ vbe mọ emwiorhọ ọkpọkua ne obọ ne ọ ru ẹse ọghe uwa.

Galatia 6:7

Wa ghẹ rẹrẹ egbe uwa, ọmwa rhọkpa i sẹtin do Osanobua ọzuọ, emwi ne ọmwa kọe zẹ, ọre ọ gha vbe rhọ.

Hibru 6:7

Te Osanobua fiangbe otọ ne ọ ya amẹ wọn vbe amẹ a rhọ yọ nẹ, ne ọ vbe zọ erhan ne a ya ru emwi kpataki ladian ne iran ni gbe ẹre ugbo.