Gẹnẹsis 1:11 - Edo Bible (E Baibol Ẹdo) Version 1996

¹¹ Rẹn keghi kha wẹẹ, “Gie erhan vbe irunmwu hia zọ vbe otọe, ke ni gbe ihiagha kevbe eni mọ,” ọ kegha ye rriọ.

Gẹnẹsis 1:11 ပူးပေါင်းရင်းမြစ်များ

Gẹnẹsis 1:12

Emwi hia keghi zọ ke otọe rre. Emwi ne Osanobua bẹghe, keghi sẹ ọre ọyẹnmwẹ.

Gẹnẹsis 1:29

I rhie avbe ikpẹ ọmọ erhan kevbe avbe ọmọ erhan hia nuẹn ne u gha re.

Gẹnẹsis 2:16

Ọ keghi tama okpia nii wẹẹ, “U sẹtin gha rri avbe ọmọ erhan hia ni rre uwe ogba na.

Gẹnẹsis 2:5

erhan rhọkpa ma gha rre otọe, emwi rhọkpa ma he vbe zọọ, rhunmwuda, rẹn ma he gie amẹ he rhọ, ọmwa rhọkpa i vbe rrọọ ne ọ gha kọ emwi ye otọe.

Gẹnẹsis 2:9

Ọ keghi ruẹe ne erhan ughughan hia zọ, ne mose mose kevbe ni mọ ọmọ. Erhan ne ọ rhie arrọọ ke ẹwaẹn ne a ya rẹn emwi ne ọ maa ke ne ẹ i maa ne ọmwa kegha rre adesẹneva ogba nii.

Job 28:5

Uwu otọ ọ re evbare ke zọ ladian, Sokpan, vbe ototọ ẹre ighẹ nene otọe na, a yanghan emwi hia a, a kevbe rẹnkhẹn ehia a.

Psalm 1:3

Iran yevbe erhan ni zọ vbe ọkpẹn ẹzẹ, ni vbe mọ ye ẹghẹ, ne ebe ẹre i vbe kaka.

Psalm 147:8

Ọ tan okuku amẹ gue iso, ọ gie amẹ rhọ ye otọ, ọ keghi gie avbe irunmwu zọ vbe avbe uhunmwu oke.

Aizaia 61:11

Zẹ vbene ọ ye wẹ te emwiokọ gha zọ, ọ ghi vbe wan zẹẹ, erriọ zẹ ọ re Nọyaẹnmwa ne Udazi gha miẹn emwa rẹn fan. Avbe uhunmwu ẹvbo hia ghi gha rho ẹre.

Jerimaia 17:8

Te irẹn yevbe erhan ne ọ zọọ vbe ọkpẹn ẹzẹ, ne ọ vbe zẹẹ inian ya fi uwu amẹ ohan i mu ẹẹn vbe uyunmwu a rre rhunmwuda, ebe ẹre ghi ye biua nunuunu ẹ i vbe hawa vbe amẹ ma rhọ ọ ghi ye gha mọ khian.

Matiu 3:10

A rhie ughanmwa yan dọmwadẹ erhan ẹzi nẹ, erhan ne ọ ma ghi mọ ọmọ esi, a gha tọn ẹn gbe otọ, a ghi giagia ẹe hẹku erhẹn.

Matiu 6:30

Osanobua ọre ọ rhuan iran ukpọn ighe avbe irunmwu ne oha na, irunmwu nọ gha wan rre ẹre na, akhuẹ a giagiae hẹ ku erhẹn. Wa ma ghi la evba rẹn ighe ẹ i mwẹ ọ ma rhuan uwa ukpọn! Iyayi uwa kanmwa gbe.

Iyẹn ne ọ Maan Ọghe Mak 4:28

Otọe tobọ ẹre ọre ọ ya nene emwiokọ zọ, ne ọ na vbe mọ; okaro, ọ ghi zọ ukhu ladian, vbe iyeke ọnii, ọ ghi gbe ihiagha, vbe okiekie ehia, ọka ne ọka ghi ladian.

I Kọrinti 15:38

Osanobua ọre ọ rhie egbe ne emwiokọ nii, zẹ vbene ọ hoo, ọ ghi rhie ne dọmwadẹ emwiokọ ikinnegbe ne ọre ọghọe.

Hibru 6:7

Te Osanobua fiangbe otọ ne ọ ya amẹ wọn vbe amẹ a rhọ yọ nẹ, ne ọ vbe zọ erhan ne a ya ru emwi kpataki ladian ne iran ni gbe ẹre ugbo.

Jems 3:12

Etẹn mwẹ, erhan ohọ i sẹtin mọ ọmọ oliv, vberriọ azara i sẹtin mọ ọmọ ohọ, erriọ zẹẹ, ẹzẹ umwẹ i sẹtin lẹ amẹ ne ẹ i fian ladian.