Filipai 4:9 - Edo Bible (E Baibol Ẹdo) Version 1996

⁹ Wa gha ya avbe emwi ne uwa ruẹ re kevbe ne uwa miẹn vbe obọ mwẹ ru emwi, kevbe uwu emwi ne I ru, kevbe ẹmwẹ ne I guan. Osanobua ne ọ rhie ọfumwegbe ne ima, gha gu uwa gha rrọọ.

Filipai 4:9 ပူးပေါင်းရင်းမြစ်များ

Aizaia 41:10

Wa ghẹ fian afianma, I gu uwa rrọọ. Mẹ ọrọre Osanobua uwa, wa ghẹ gie emwikemwi mu uwa ohan. I gha ya uwa wegbe, I gha yi uwa obọ I gha degue uwa, I ghi miẹn uwa fan.

Aizaia 8:10

Wa mwamwa emwi hia! Sokpan, erhọkpa i dunna. Wa guan yan emwi hia ne uwa ho ne uwa guan yan. sokpan erhọkpa i mwẹ esa, rhunmwuda Osanobua rrọọ yaba mwa.

Matiu 1:23

“Nene uvbi gha hanmwa, ọ gha vbe biẹ ọmọ okpia ọkpa, a ghi he ẹre Imanuẹl.” Emwi ne a ya ọnii kha ọrọre “Osanobua rrọọ yaba mwẹ.”

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Matiu 7:21

“Ẹ i re emwa hia ni tie mwẹ ‘Nọyaẹnmwa, Nọyaẹnmwa’ ọre ọ gha la Arriọba Osanobua, sokpan emwa ni ru iho erha mwẹ ne ọ rre ẹrinmwi.

Iyẹn ne ọ Maan Ọghe Luk 6:46

“Vbọzẹ ne uwa na tie mwẹ, ‘Nọyaẹnmwa, Nọyaẹnmwa’ ugbẹn vbe uwa i ru vbene I wẹ ne uwa gha ru?

Iyẹn ne ọ Maan Ọghe Luk 8:21

Jesu keghi tama iran hia wẹẹ, “Iye mwẹ kevbe etẹn mwẹ ọrọre avbe iran ni họn ẹmwẹ Osanobua, iran na vbe ya ẹe gha ru emwi.”

Iyẹn ne ọ Maan Ọghe Jọn 13:17

Wa rẹn ẹmwata ne ọ rrọọ nẹ nian. U miẹn vbe agbọn uwa gha rhiẹnrhiẹn hẹ deghẹ wa rhie obọ lele ẹe ya gha yin.

Iyẹn ne ọ Maan Ọghe Jọn 15:14

Erriọ nọ, ose mwẹ wa khin deghẹ wa da uhi mwẹ yi.

Iyẹn ne ọ Maan Ọghe Jọn 2:5

Iye Jesu keghi tama avbe eguọmwadia wẹẹ, “Emwi ne ọ rhirhi wẹ ne uwa ru, wa ru ẹe.”

Iwinna 9:6

Sokpan kpaegbe ne u gha rrie adesẹ ore ẹvbo, a gha tama ruẹn emwi ne u gha ru.”

Ebe ne Pọl gbẹẹn gie emwa Rom 15:33

Te Osanobua ne ọ re uhunmwu ẹzẹ ọfumwegbe mwa gha deba uwa. Isẹ.

Ebe ne Pọl gbẹẹn gie emwa Rom 16:20

Vbe ọ ma he kpẹe wan, Osanobua ne ọ re uhunmwu ọfumwegbe mwa, gha guọghọ Setan ye atataowẹ uwa. Te ẹsọhẹ Nọyaẹnmwa Jesu gha guwa gha rrọọ.

I Kọrinti 10:31

Vbene ọ rhirhi gha ye hẹ, ne uwẹ a rhirhi ru vbọ, te u re nọ re ra te u re ne ọ da, gha ru ehia ne uyi Osanobua.

I Kọrinti 14:33

Rhunmwuda, Osanobua ma tie ima ye uwu emwi otighi ne a ru vbe ẹ i re uwu emwi na ru ẹre ọghe ọfumwegbe. Zẹ vbene ọ ye vbe uwu esọsi Osanobua hia.

I Kọrinti 4:16

Rhunmwuda ọnii, wa lahọ, wa gha ghe mwẹ ru emwi.

II Kọrinti 13:11

Banbanna nian, etẹn mwẹ, wa ọ khian ẹdẹ ọkpa. Wa gha ru ẹe ne ọ gba ne uwa, wa gha rhie ẹmwẹ mwẹ ye ehọ wa gie ẹmwẹ uwa gha gue kugbe, wa gha rrọọ vbe uwu ọfumwegbe. Osanobua aho ẹmwẹ ọmwa kevbe ọfumwegbe gha vbe gu uwa gha rrọọ.

Diuteronomi 5:1

E Mosis keghi tie ivbi Izrẹl hia si koko, ọ tama iran wẹẹ, “Wa ne ivbi Izrẹl, wa danmwẹ ehọ uhi hia ne I ra viọ ne uwa ẹrẹna. Wa ruẹ iran ne uwa vbe miẹn wẹ wa ya iran gha ru emwi.

Filipai 3:17

Etẹn mwẹ, wa hia gha ghe mwẹ ru emwi. Ma rhie igiemwi esi ye otọ ne uwa nẹ, rhunmwuda ọnii, wa gha ye iran ni lele ẹe ẹro.

Filipai 4:7

Te ọfumwegbe Osanobua, ne ọ gberra ne ọmwa ne agbọn gha sẹtin rẹn otọ ẹre gha rhie ekhọe kevbe orhiọn uwa mwẹ, vbe ne a i na mwẹ ẹbe vbe uwu Kristi Jesu.

I Tẹsalonaika 1:6

Wa keghi gha ghe ima kevbe Nọyaẹnmwa ru emwi, egbe ne a rhe ya miẹn ighẹ wa rri oya sẹ vberriọ, wa keghi ya oghọghọ ne ọ ke obọ Orhiọn Ne Ọ Huanrẹn rre miẹn rẹn.

I Tẹsalonaika 2:14

Etẹn mwẹ, emwi ne ọ vbe sunu vbe egbe esọsi Osanobua ni rre Judia, ọre ọ vbe sunu vbe egbe uwa, zẹ vbe iran ni re emwa Kristi Jesu ni rre ẹvbo nii. Ukpokpo ne emwa ẹvbo uwa vbe hẹ lele uwa, ọre emwa e Ju vbe hẹ lele iran.

I Tẹsalonaika 5:23

Te Osanobua ne ọ rhie ọfumwegbe ne ima gha wa ye uwa khian ọghọe fo, ne ọ rhie emwi ne uwa khin hia, egbe, ekhọe kevbe orhiọn uwa mwẹ vbe ne a i na mwẹ abe vbe oghẹ urremwẹ Nọyaẹnmwa Jesu Kristi.

II Tẹsalonaika 3:4

Nọyaẹnmwa ne ọ gie ima ya uwa ye ẹro, aro ima da ẹe ighẹ vbene ima ta ma uwa ọre uwa ru, kevbe wẹ erriọ uwa khian vbe gha ru ẹe khian.

II Timoti 4:22

Te Nọyaẹnmwa gha yaba orhiọn uwa. Te ẹsọhẹ Osanobua gha gu uwa hia gha rrọọ.

Jems 1:22

Wa ghẹ do egbe uwa ọzuọ vbe ekpa ne uwa gha na gha ya ehọ viọ ẹmwẹ ọnrẹn kẹkan. Sokpan wa ya ẹe gha ru emwi.

II Pita 1:10

Rhunmwuda ọnii khekherriọ, wa ne etẹn mwẹ, wa kakabọ hia ne uwa ya vbene uwa miẹn ọẹn hẹ ighẹ utiemwẹ ne Osanobua tie uwa, kevbe ne ọ na hannọ uwa zẹ, khian ọghe etẹbitẹ: rhunmwuda, wa gha ruẹe vberriọ, ẹ i mwẹ wa ma mu sọe.

I Jọn 3:22

Emwi ne ima a rhirhi nọ vbe obọ ẹre, ghi gha sẹ ima obọ, rhunmwuda, emwi ne ọ tae ọre ima ru, emwi ne ọ rhirhi yẹ ọre ọre ima ru.