Filipai 4:7 - Edo Bible (E Baibol Ẹdo) Version 1996

⁷ Te ọfumwegbe Osanobua, ne ọ gberra ne ọmwa ne agbọn gha sẹtin rẹn otọ ẹre gha rhie ekhọe kevbe orhiọn uwa mwẹ, vbe ne a i na mwẹ ẹbe vbe uwu Kristi Jesu.

Filipai 4:7 ပူးပေါင်းရင်းမြစ်များ

Nehimaia 8:10

Banbanna nian, wa gha rrie owa ne uwa rri evbare esi, wa fian vbe evbare uwa ne iran ne ẹ i mwẹ, ne uwa vbe sa ne iran vbe ayọn uwa. Ẹdẹ nọhuanrẹn ọ re ẹrẹ khin ne Nọyaẹnmwa rhunmwuda ọnii, wa ghẹ khiẹ. Oghọghọ ne Nọyaẹnmwa, rhie ne uwa gha ya uwa wegbe.”

Job 22:21

“E Job, ya dọlọ ne Osanobua ruẹ, ghẹ ghi ka ẹe ye oghian ruẹn; u gha lae vberriọ, ọ gha fiangbe uẹ.

Job 34:29

Osanobua gha kha ighẹ rẹn i zẹdẹ guan yọ, ọmwa ne ọ ra nọ rẹn ẹ i rrọọ. Ọ gha rhie aro ẹre lẹre, ọghe emwa nagbọn fo.

Psalm 29:11

E Nọyaẹnmwa ọ re ọ rhie ẹtin ne emwa rẹn, ọ keghi ya ọfumwegbe fiangbe iran.

Psalm 85:8

I gha danmwehọ ẹmwẹ ne Nọyaẹnmwa ne Osanobua guan ọ ve ima ne emwa rẹn ọfumwegbe, a deghẹ ma ma dọlegbe gha rriẹ odẹ ukọnmwẹ ima.

Itan 2:11

Vbene u ghe umian emwi hẹ, kevbe vbene u rẹn otọe emwi hẹ, ghi tan obọ gue ruẹ.

Itan 4:6

Ghẹ he ẹwaẹn yotọ, ọ gha vbe degue ruẹ, gha họ ẹmwẹ ọnrẹn, ọ gha wan ebe yo nuẹn.

Itan 6:22

Emwi ne iran ma ruẹn re gha su uẹ vbe u a yo ehe, ọ gha degue ruẹ vbe asọn, ọ ghi vbe gha bu ruẹ ude vbe ẹghẹ avan.

Aizaia 26:12

Nọyaẹnmwa, u gha gie agbọn ma mwa, emwi ne ima ru ne ọ dunna ne ima hia, emwi ne ọ ke uwu emwi ne uwẹ ru mẹ rre nọ.

Aizaia 26:3

E Nọyaẹnmwa, wẹ ọ re ọ rhie ọfumwegbe ne iran, ni mudia ẹse vbe iro ekhọe iran iran na vbe mu ẹtin iran ya ruẹn.

Aizaia 45:7

Mẹ ọ re ọ yi uwanmwẹ kevbe ebiebi mẹ ọ re ọ gie afiangbe kevbe ọfuan rre, mẹ ne Nọyaẹnmwa ọ re ọ ru avbe emwi na hia.

Aizaia 48:18

“Akpawẹ te uwa lele uhi mwẹ nian, afiangbe gha a lẹ bu uwa rre, zẹvbe ẹzẹ ne ẹ i ka. Akhọnmiotọ, gha a re ọghe uwa zẹ vbe uromwẹ ẹzẹ ne ọ lẹ sẹ oke.

Aizaia 48:22

“Egberọkhọmwẹ i rrọ ne emwa orukhọ,” erriọ Nọyaẹnmwa khare.

Jerimaia 32:16

I ghi rhie ebe ne a ya do ẹki nii ne Barọk nẹ, I keghi na erhunmwu wẹẹ,

Jerimaia 33:6

Sokpan, I gha mu ẹvbo na egbe rran, kevbe emwa ni rrọọ, I ghi gie egbe rran iran. I gha rhie ọfumwegbe nọkhua kevbe ẹkun ne ọ sotọ ẹsẹse ne iran.

Nọmbas 6:26

Te Nọyaẹnmwa gha ye aro nọmaa ghe uwa, ne ọ rhie ọfumwegbe ne uwa.”

Iyẹn ne ọ Maan Ọghe Luk 1:79

Rẹn wan uwanmwẹ ke ẹrinmwi rre, yan emwa hia ni rre ebiebi aghọnghọn uwu ne ọ dia owẹ mwa lele uro odẹ ọfumwegbe.”

Iyẹn ne ọ Maan Ọghe Luk 2:14

“Uyi nọ ne Osanobua vbe ẹrinmwi ne ọ yo sẹ. Kevbe ọfumwegbe ne emwa ne ẹko ẹre rhiẹnrhiẹn ghe vbe agbọn!”

Iyẹn ne ọ Maan Ọghe Jọn 14:27

“Ọfumwegbe ọre I ya we uwa, ọfumwegbe mwẹ ọre I ya we uwa, ẹ i re. Vbene agbọn ya we ọmwa ọre I ya we uwa. Wa ghẹ fian afianma, wa ghẹ gie ohan mu uwa.

Iyẹn ne ọ Maan Ọghe Jọn 16:33

Emwi ne ọ ya mwẹ ta ẹmwẹ na ma uwa ọrọre wẹ ne uwa miẹn ehe na ya egbe ba mwẹ, ne ẹkun miẹn ehe na sẹ uwa otọ. Agbọn na gha rri uwa oya. Sokpan wa dọlọ aro yi I khọn agbọn muotọ nẹ.”

Ebe ne Pọl gbẹẹn gie emwa Rom 1:7

Rhunmwuda ọnii, ọre I na gbẹn ebe gie uwa hia ni rre Rom ne Osanobua ho ẹmwẹ ọnrẹn, ọ na tie uwa ne uwa do gha re emwa irẹn. Te Osanobua ne Erha mwa kevbe Nọyaẹnmwa Jesu Kristi gha rhie ẹsọhẹ kevbe ọfumwegbe ne uwa.

Ebe ne Pọl gbẹẹn gie emwa Rom 14:17

Rhunmwuda, Arriọba Osanobua i re ẹmwẹ ne a gha re kevbe ne a gha da, sokpan ọghe nene emwi ẹmwata kevbe ọfumwegbe kevbe ọyẹnmwẹ ne nene Orhiọn Ne Ọ Huanrẹn rhie ne ọmwa.

Ebe ne Pọl gbẹẹn gie emwa Rom 15:13

Te Osanobua obọ ọmwa ne idaehọ hia ke rre gha ya oghogho kevbe ọfumwegbe vuọn uwa, vbekpa iyayi ne uwa mwẹ vbe uwu irẹn, ne idaehọ uwa miẹn ehe na gha muan yọ vbekpa ẹtin Orhiọn Ne Ọ Huanrẹn.

Ebe ne Pọl gbẹẹn gie emwa Rom 5:1

Vbene a ghi na miẹn wẹ a la ekpa iyayi ya ima khian emwa ni gu Osanobua mudia ẹse, te ima ghi mwẹ ọfumwegbe vbe ehe ne Osanobua ye vbekpa Nọyaẹnmwa Jesu Kristi.

Ebe ne Pọl gbẹẹn gie emwa Rom 8:6

A deghẹ egbe zẹ vbene a yiẹe, ọre ọ tama ọmwa emwi ne ọ gha ru, uwu ọre ọ ke ẹre ikian. Sokpan, a deghẹ Orhiọn ọre ọ gie odẹ emwi ne a gha ru ma ọmwa, ẹfe kevbe ọfumwegbe ọre nọ.

II Kọrinti 10:5

Ma guọghọ ẹe sẹ otọ ighẹ emwi idobo ọghe uhiomwẹ ne emwa mu ye odẹ irẹnmwi Osanobua, ma munọ iro ekhọe hia oghunmwu, a na ye iran uhunmwu rhanmwẹ otọ ne Kristi.

II Kọrinti 13:11

Banbanna nian, etẹn mwẹ, wa ọ khian ẹdẹ ọkpa. Wa gha ru ẹe ne ọ gba ne uwa, wa gha rhie ẹmwẹ mwẹ ye ehọ wa gie ẹmwẹ uwa gha gue kugbe, wa gha rrọọ vbe uwu ọfumwegbe. Osanobua aho ẹmwẹ ọmwa kevbe ọfumwegbe gha vbe gu uwa gha rrọọ.

Galatia 5:22

Sokpan Orhiọn Ne Ọ Huanrẹn ọre ọ biẹ avbe aho ẹmwẹ ọmwa, oghogho, ọfumwegbe, iziengbe, itohan, ekhọe esi, amuẹntinyan,

Ẹfisọs 3:19

Ẹn, te uwa gha do rẹn aho ẹmwẹ ọmwa rẹn, a gha rhe miẹn ighẹ a i sẹtin rẹn ọnrẹn fo ne a miẹn ehe na ya uvuọnmwẹ ne ọ gbae ọghe Osanobua vuọn uwa fẹẹrẹ.

Filipai 1:1

E Pọl kevbe Timoti, emwa ni re eguọmwadia Kristi Jesu, ọre ọ gbẹn ebe ne gie emwa Osanobua hia ni rre Filipai, iran ni ya Jesu Kristi yi, deba avbe olotu esọsi kevbe iran ni ru iyobọ.

Filipai 1:2

Te Osanobua ne Erha mwa kevbe Nọyaẹnmwa Jesu Kristi gha rhie ẹsọhẹ kevbe ọfumwegbe ne uwa.

Filipai 4:19

Debare, Osanobua mwẹ ne ẹfe ẹre kpọkua vbe uwu Kristi Jesu, gha kpe emehe emwi ne uwa i mwẹ hia.

Filipai 4:21

Wa wẹ emwa Osanobua hia ni re ọghe Kristi Jesu do. Etẹn ni gun mwẹ rre edinran wẹ uwa do.

Filipai 4:9

Wa gha ya avbe emwi ne uwa ruẹ re kevbe ne uwa miẹn vbe obọ mwẹ ru emwi, kevbe uwu emwi ne I ru, kevbe ẹmwẹ ne I guan. Osanobua ne ọ rhie ọfumwegbe ne ima, gha gu uwa gha rrọọ.

Kọlose 3:15

Ọfumwegbe ne Kristi rhie ne ọmwa, ọre ọ kere ne ogha re ne ọ buohiẹn vbe uwu ekhọe uwa, rhunmwuda, ọfumwegbe na ọre Osanobua tie uwa kugbe ba vbe ẹgbẹe ọkpa nii. Wa vbe gha kpọnmwẹ.

II Tẹsalonaika 3:16

Nọyaẹnmwa tobọ ẹre, ne ọre isi ehe ne ọfumwegbe mwa ke rre, ne ọ rhie ọfumwegbe ne uwa vbe ẹghẹ hia kevbe odẹ hia, Nọyaẹnmwa ne ọ yaba uwa hia.

Hibru 13:20

Osanobua huẹn Nọyaẹnmwa Jesu Kristi kpao vbe idin nẹ, ọmwa ne ọ re Ọsuohuan Nọkhua ọghe avbe ohuan, rhunmwuda uwu ẹre ne a ya yi ile etẹbitẹ nii okhi.

Ebe ne Jud gbẹẹn 1:1

E Jud ne ọguọmwadia Jesu Kristi kevbe ọtẹn Jems ne okpia, ọre ọ gbẹn ebe na gie emwa hia ne Osanobua tie re, emwa ni rrọọ vbe uwu aho ẹmwẹ ọmwa ọghe Osanobua ne erha kevbe iran ne Jesu Kristi gbe aro ghe.

Arhie Maan 1:4

E Jọn ọre ọ gie uhunmwu na gie avbe esọsi ihinrọn ni rre otọ Esia. Ẹsọhẹ kevbe ọfumwegbe ọrọre ọghe uwa ke ehe ne Osanobua ye gha dee, Ọmwa ne ọ rrọọ banbanna, ọmwa ne ọ ka gha rrọọ yi ke ne ọ khian vbe gha rrọọ, kevbe ke ehe ne avbe orhiọn ihinrọn ni rre odaro ẹkete ẹre ye ghe dee.

Arhie Maan 2:17

“Rhunmwuda ọnii nian, a deghẹ u mwẹ ehọ, danmwehọ ẹmwẹ ne Orhiọn tama avbe esọsi. “I gha rhie ne iran ni khọnmiotọ nẹ, vbe mana ne a rhie lẹre nii, I gha vbe rhie ne ọkpọkpa vbe uwu iran, okuta nọfua ne a gbẹn eni ọgbọn yi, eni ne a kha na, ọmwa ọvbehe ne ọ gha rẹn ọnrẹn i rrọọ gberra ọmwa ne a rhie ẹre na.