Filipai 4:6 - Edo Bible (E Baibol Ẹdo) Version 1996

⁶ Ghẹ si osi ye emwi rhọkpa, sokpan gha ya erhunmwu ne a na, nọ emwi ne u ho hia vbe obọ Osanobua, u ghi gha ye ekhọe ọkpọnmwẹ ẹse nọ rẹn vbe ẹghẹ hia.

Filipai 4:6 ပူးပေါင်းရင်းမြစ်များ

I Ọba 8:28

Sevba họn erhunmwu mwẹ kevbe erinmwian mwẹ, e Nọyaẹnmwa Osanobua mwẹ, họn eve mwẹ kevbe erhunmwu ne I na ghe ruẹ.

II Krọnikol 32:20

Ẹre Hẹzekaia ne ọba kevbe Aizaia ne akhasẹ ne ovbi Amọz na na erhunmwu ghe Osanobua iran na datu tie ẹre ne ọ yi iran obọ.

Psalm 51:15

Yọmwẹ obọ ne I guan Nọyaẹnmwa, mẹ gha vbe gha rho ruẹ.

Psalm 55:17

Owiẹ, avan kevbe asọn ọ re ovian kevbe utumwẹ obalọ mwẹ ya bu ẹre yo, ọ gha họn urhu mwẹ.

Psalm 55:22

Zẹ ọlọghọmwa ruẹn obọ ne Nọyaẹnmwa, rẹn gha gbinna ne uẹn, ẹ i kue ne a mu ọmwa esi gbotọ

Psalm 62:8

Wa ne emwa mwẹ, wa mu ẹtin yan Osanobua vbe ẹghẹ hia, wa ta enegbe uwa hia ma rẹn, rhunmwuda rẹn ọrọre ugue ne ima.

Itan 15:8

Emwa esi gha na erhunmwu, ẹko ghi gha rhiẹnrhiẹn e Nọyaẹnmwa, sokpan te emwi izọ ese ne emwa dan viọ gie ẹe sọnnọ ẹn.

Itan 16:3

Rinmwian e Nọyaẹnmwa ne ọ yobọ ye emwamwa ruẹn, u gha ra ru ẹe, te ọ wa dunna nuẹn.

Ihuan Ne Ọ Sọọ Ihuan Hia 2:14

U yevbe edi ne ọ lẹre ye uvun okuta. Gun mwẹ bẹghe ugbaro ruẹ ne lọgiọọ. Ne I vbe họn urhu ne ighẹnghan ruẹn.

Jerimaia 32:16

I ghi rhie ebe ne a ya do ẹki nii ne Barọk nẹ, I keghi na erhunmwu wẹẹ,

Jerimaia 33:3

“Kpe tie mwẹ, I gha khuẹnniẹn. uẹn I gha ta ẹmwẹ ọyunnuan ni mu ohan ne u ma he rẹn emwirhọkpa vbe ekpa ẹre ma ruẹn.

Daniẹl 3:16

E Siedrak, Mesiak kevbe Abẹdnigo keghi wanniẹn wẹẹ, “Ma i ra vbe zẹdẹ gha ta e ne unu ima Umogun.

Daniẹl 6:10

E Daniẹl ghi họn ighe a rhie obọ ye ebe nii nẹ, ọ kegha rrie owa. Vbe owa egedege ne ọ ye, avbe ewindo eso ni viọ aro da e Jerusalẹm keghi rrọọ. Zẹ vbene ọ ka ru ẹe de yi, evba nii ọ re ọ na gha diguẹ vbe ewindo ne a kiere nii, ọ na gha na erhunmwu ghe Osanobua igbaeha vbe ẹdẹ.

Matiu 10:19

Iran gha viọ uwa ye erhan ẹzọ, wa ghẹ mu udu kee ba ẹmwẹ ne uwa gha ta ra vbene uwa gha tae hẹ. Ọ gha sẹ ẹghẹ, a gha rhie ẹmwẹ ne uwa gha ta ye uwa unu.

Matiu 13:22

Emwiokọ ni kharha ye uwu igban keghi re iran ni họn ne ne ẹmwẹ, iran keghi vbe rhie ẹre. Sokpan orhikhan agbọn kevbe ẹmwẹ ẹfe keghi khuakhua ẹe gbua, ọ ma gie ẹe mọ.

Matiu 6:34

Rhunmwuda ọnii, wa ghẹ mu udu kee ba ẹmwẹ ẹdẹ na khuẹ. Akhuẹ gha vbe gha mwẹ oyanghan ọghe obọ re. Ọma kei ne a vbe silo ivboo gbe orueghe ne ikpẹdẹ ọkpọkpa hẹ mwẹ obọ rre.

Matiu 6:8

Wa ghẹ ye egbe ta iran. Erha uwa rẹn emwi ne uwa i mwẹ nẹ wa te do nọ rẹn.

Iyẹn ne ọ Maan Ọghe Luk 10:41

Nọyaẹnmwa wanniẹn tama rẹn wẹẹ. “Mata, Mata, emwi ne u si osi kpokpo egbe baa bun gbe.

Iyẹn ne ọ Maan Ọghe Luk 12:22

Jesu tama avbe erhuanegbe wẹẹ, “Ọnii ọre ọ zẹe ne I na tama uwa wẹẹ, wa ghẹ si osi ye emwi ne uwa gha re ya da orhiọn yi, ra rhunmwuda ukpọn ne uwa gha rhie ye egbe.

Iyẹn ne ọ Maan Ọghe Luk 12:29

“Rhunmwuda ọnii, wa ghẹ gie iro emwi ne uwa gha re ra emwi ne uwa gha da han uwa.

Iyẹn ne ọ Maan Ọghe Luk 18:1

Jesu keghi kpa itan na ma iran ne ọ ya ma iran ẹre wẹ ne iran ghẹ gie egbe erhunmwu ne a na wọ iran.

Iyẹn ne ọ Maan Ọghe Luk 18:7

Wa ma yayi ighẹ Osanobua gha buohiẹn ne avbe emwa rẹn ni kpe tie ẹre asọn kevbe avan? Wa yayi ighẹ ọ gha yae rhẹghẹrẹ?

I Kọrinti 7:21

Ọviẹn ọre u khin vbe Osanobua tie ruẹ ra? Ghẹ vbe gbẹn okhuo, sokpan a deghẹ u miẹn otọ ne u gha ya rhan egbe, lo ẹre.

I Kọrinti 7:32

I gha wẹ ne uwa kannọ ohawa obọ hin egbe rre. Okpia ne ọ re ọhae, ifi iwinna Nọyaẹnmwa ọre ọ muẹn, rhunmwuda, ọ hia ne ọ ru ne ọ yẹ Nọyaẹnmwa.

II Kọrinti 1:11

Vbene uwa na ya erhunmwu uwa ye ima obọ, ọ re a gha na miẹn wẹ, a gha họn erhunmwu ni bun ne a na ne ima, Osanobua gha vbe fiangbe ima, emwa ni bun ghi tọn urhu mu ya kpọnmwẹ ọẹn ne ima.

Ẹfisọs 5:20

Gha kpọnmwẹ Osanobua ne Erha emwi hia vbe ẹghẹ hia, vbe eni Nọyaẹnmwa Jesu Kristi.

Ẹfisọs 6:18

Erhunmwu ọre u gha ya ru emwi na hia, u ghi rinmwian wẹ ne Osanobua yi uẹ obọ. Gha na erhunmwu vbe ẹghẹ hia, zẹ vbene nene Orhiọn rhie yi uẹ ekhọe. Rhunmwuda ọnọna, rhie vbẹẹ, ghẹ zẹ obọ vbọ, gha na erhunmwu ne emwa Osanobua vbe ẹghẹ hia.

Kọlose 3:15

Ọfumwegbe ne Kristi rhie ne ọmwa, ọre ọ kere ne ogha re ne ọ buohiẹn vbe uwu ekhọe uwa, rhunmwuda, ọfumwegbe na ọre Osanobua tie uwa kugbe ba vbe ẹgbẹe ọkpa nii. Wa vbe gha kpọnmwẹ.

Kọlose 3:17

Emwi ne uwa a rhirhi ta ra emwi ne uwa a rhirhi gha ru, wa gha ru ẹe vbe eni Nọyaẹnmwa Jesu, vbe ne uwa na la ekpa ẹre rhie uyi ne Osanobua ne Evbavba.

Kọlose 4:2

Wa mu aro ye erhunmwu ne a na, wa sikhua vbe uwa a gha na erhunmwu, ne uwa gha kpọnmwẹ Osanobua.

I Timoti 2:1

Ke odaro ehia, I tua unu mu ẹn ta ẹe wẹ, ne a gha rinmwian, ne a gha na erhunmwu, ne a gha vbu vbe obọ ẹre, kevbe ne a gha rhie ekpọnmwẹ ne Osanobua ne emwa hia.

I Timoti 5:5

Okhuo ne ọ re ẹgbẹ ne ẹgbẹ, ne ẹ i mwẹ ọmwa ne ọ gbe aro ghe ẹre, aro Osanobua ọkpa ọre ọ ghi ghe, ọ ghi gha na erhunmwu, ọ ghi gha nọ iyobọ vbe obọ ẹre asọn kevbe avan.

I Pita 4:7

Ufomwẹ emwi hia sẹ otọ fo nẹ. Wa gha ziengbe emwi, wa ghi vbe khẹ yegbe, ne uwa sẹtin gha na erhunmwu.

I Pita 5:7

Ye enegbe ruẹ hia yan rẹn, rhunmwuda, rẹn ọre ọ gbe aro ghe ruẹ.

I Samuẹl 1:15

Rẹn keghi wanniẹn wẹẹ, “Ẹ i re erriọ enọwanrẹn, I ma da ayọn, I ma he vbe da ayọn usin. Oya ọ re ọ ru mwẹ, ọ re I na gha na erhunmwu, I keghi mu ẹmwẹ enegbe mwẹ hia ma e Nọyaẹnmwa.

I Samuẹl 30:6

Uwu ọlọghọmwa nọkhua ọre Devid ghi ye rhunmwuda ẹko ma maa rẹn hiehie rhunmwuda ivbi iran ne iran ma ghi miẹn, iran na gha yan ighẹ iran ra filo okuta gbe ẹe rua, sokpan, e Nọyaẹnmwa ne Osanobua ẹre keghi rhie igiẹudu ne ẹẹn.

I Samuẹl 7:12

Ẹre Samuẹl na mu okuta ọkpa, ọ keghi mu ẹẹn ye ẹkpo Mizpa kevbe Siẹn, ọ wẹẹ, “Te Nọyaẹnmwa wa yi ima obọ ke ẹghẹ ni gha dee.” Ọ na rhunmwuda onii gha tie ẹre “Okuta Iyobọ.”