Filipai 4:4 - Edo Bible (E Baibol Ẹdo) Version 1996

⁴ Wa gha ghọghọ vbe uwu Nọyaẹnmwa, I vbe dọlọ ta ẹe, wa gha ghọghọ.

Filipai 4:4 ပူးပေါင်းရင်းမြစ်များ

Psalm 146:2

Mẹ gha rho ruẹ vbe ẹghẹ ne I ya rre agbọn; I gha so ihuan ghe Osanobua mwẹ, vbe ẹdagbọn mwẹ hia.

Psalm 33:1

Wa hia ni re ẹmwata, wa gha we ne oghọghọ ye iwinna ne Nọyaẹnmwa winna ẹn. Wa rho ẹre, wa hia ni họn ẹmwẹ ne ẹẹn.

Habakọk 3:18

Te I gha ye gha sẹ ọyẹnmwẹ rhunmwuda Nọyaẹnmwa Osanobua, ọrọre ọmiọnmwafan mwẹ.

Matiu 5:12

Wa gha ghọghọ, wa gie ẹko gha sẹ uwa ọyẹnmwẹ rhunmwuda, ere nọkhua ọre ọ rre otọ khẹ uwa vbe ẹrinmwi. Erriọ zẹe emwa vbe ya obọ dan mu avbe akhasẹ ni ke odaro ne uwa.

Iwinna 16:25

Ọ ghi sẹ ogiasọn, Pọl kevbe Sailas kegha so ihuan, iran na gha na erhunmwu ghe Osanobua, avbe oleghan nekpa kegha danmwehọ iran.

Iwinna 5:41

Avbe ukọ keghi ladian vbe iko, ẹko iran keghi vuọn ne oghọghọ wẹ Osanobua vbe ka iran ye emwa ni sẹe ni gha rri oya efaa ba ẹmwẹ eni Jesu.

Ebe ne Pọl gbẹẹn gie emwa Rom 12:12

Wa gie idaehọ ne uwa mwẹ gha ye ọyẹnmwẹ sẹ uwa vbe ẹghẹ hia, wa gha ziengbe vbe ẹghẹ ọlọghọmwa, wa ghi vbe gha na erhunmwu vbe ẹghẹ hia.

II Kọrinti 6:10

A rhe rhia ima ẹko rua, sokpan ọyẹnmwẹ sẹ mwa vbe ẹghẹ hia, ma yevbe ivbiogue, sokpan ma ya emwa ni bun khian eni fe, ma ye vbe ekhẹn ivbabọ, sokpan ma wa mwẹ emwi hia.

Galatia 1:8

Sokpan, adeghẹ ma nọ, ra odibosa ọre ọ ke ẹrinmwi rre, do kpe orhu iyẹn ne ọ maa ne ọ lughaẹn ne ọnii, ne ima ka kpe ma uwa, ẹrinmwi erhẹn ọrọre ọ ghe ẹe!

Filipai 2:18

Erriọ zẹẹ ọre ovbe kei ne uwa gha ghọghọ, ne uwa vbe ghae sẹ imẹ obọ vbe oghọghọ uwa.

Filipai 3:1

Vbe ufomwẹ ehia, etẹn mwẹ, te Nọyaẹnmwa gha ye ọyẹnmwẹ nọ gbae sẹ uwa. Ẹ i ru mwẹ ẹsọn a deghẹ I vbe dọlegbe ta ẹmwẹ ne I ka ta yi, te a dọlegbe ya eẹ rhie uwa uhunmwu hin ẹbe rre.

I Pita 4:13

Sokpan, wa gha ghọghọ wẹ, a vbe ghae sẹ uwa obọ vbe uwu oya ne Kristi re, ne uwa miẹn ehe na vuọn ne oghọghọ vbe Ẹdẹ ne iran gha ya egbe ladian.