Filipai 4:20 - Edo Bible (E Baibol Ẹdo) Version 1996

²⁰ Osanobua mwa kevbe Erha mwa ọre uyi gha rrọọ na ẹdẹ kevbe ẹdẹdẹmwẹdẹ. Isẹ.

Filipai 4:20 ပူးပေါင်းရင်းမြစ်များ

Ebe ne Pọl gbẹẹn gie emwa Rom 11:36

Rhunmwuda rẹn ọre ọ yi emwi hia, rhunmwuda ẹre ọre emwi hia na rrọọ, rẹn iran vbe rrọọ na: Uyi ọre ọghe Osanobua ẹdẹdẹmwẹdẹ. Isẹ!

Psalm 115:1

Nọyaẹnmwa, wẹ okpa, awẹ, wẹ okpa kẹkan ọ re a gha rhie uyi na, ighẹ ẹ i re ima, rhunmwuda umamwẹ kevbe ahoẹmwọmwa ruẹn ne ẹ i beghe.

Arhie Maan 14:7

Ọ keghi ya urhu ne ọ la kha wẹẹ, “Wa gha mu ohan Osanobua, wa vbe gha rho ukpọlọmwẹ ọnrẹn! Rhunmwuda ẹghẹ sẹ nẹ ne ọ ra na do bu ohiẹn emwa ne agbọn. Rhunmwuda ọnii, wa ghughẹ rre ne uwa ya uhunmwu rhanmwẹ otọ vbe odaro Osanobua, ọmwa ne ọ yi ẹrinmwi kevbe agbọn kevbe okun kevbe avbe uhunmwu ẹzẹ hia.”

Arhie Maan 7:12

Iran wẹ, “Isẹ! Ọghe Osanobua mwa ọre urhomwẹ, uyi, ẹwaẹn, ekpọnmwẹ, ọghọ ẹtin kevbe ẹrhiọn khin, ẹdẹ kevbe ẹdẹdẹmwẹdẹ Isẹ!”

Arhie Maan 5:12

Iran keghi ya urhu le ọ la so ihuan wẹẹ: “Oteghe Ohuan ne a te gbe ua sẹe, Ne ọ gha miẹn asẹ ẹfe, ẹwaẹn kevbe ẹtin. Uyi, ọghọ kevbe urhomwẹ!”

Arhie Maan 1:6

Ọ keghi ya ima ru arriọba avbe ohẹn ne ima gha ga Osanobua ẹre kevbe Erha ẹe. Ọ ghe Jesu Kristi ọre uyi kevbe ẹtin gha khin ẹdẹ kevbe ẹdẹdẹmwẹdẹ, Isẹ.

Ebe ne Jud gbẹẹn 1:25

Ne Osanobua ọkpa kevbe Ọmiọnmwafan, la ekpa Jesu Kristi Nọyaẹnmwa, ọre uyi, ọdakha, ẹtin kevbe asẹ gha rrọọ na, ke orre ni gberra hia gha dee do sẹ wanwanna, ẹdẹ kevbe ẹdẹdẹmwẹdẹ. Isẹ.

Filipai 1:11

Ẹdẹ agbọn uwa ghi do vuọn ne avbe emwi ne ọre ne ọ maa, ọghe ẹmwata ne a ghe ginna ọmwa, ne Jesu Kristi ọkpa sẹtin rhie ladian ne uyi kevbe urhomwẹ Osanobua.

Ẹfisọs 3:21

Osanobua ọre uyi gha rrọ na vbe uwu esọsi kevbe uwu Kristi Jesu, la ẹghẹ hia fẹẹrẹ, rhinrin ẹdẹdẹmwẹdẹ. Isẹ.

Psalm 72:19

Wa rho eni ẹnrẹn ne ọ mwẹ uyi ẹdẹdẹmwẹdẹ. Te uyi ẹre gha gha otọ agbọn hia. Isẹ! Isẹ!

Arhie Maan 11:13

Vbe ẹghẹ ọkpa nii zẹẹ, igbohiotọ ọhanabe ọkpa keghi sunu, obọ ọkpa vbe a wa ẹvbo nii ye ihe igbe keghi wa rẹnkhẹn uan, emwa ni wu ye nene igbohiotọ na, kegha re arriaisẹn ihinrọn (7,000.) Ohan keghi kakabọ mu emwa ni dekẹe, iran keghi tian ukpọlọmwẹ Osanobua ọghe ẹrinmwi.

I Timoti 1:17

Ọba etẹbitẹ, ne ẹ i wu ẹde, kevbe ne a i bẹghe, ne irẹn ọkpa re Osanobua, ọre ọghọ kevbe uyi gha rrọọ na, ẹdẹ kevbe ẹdẹdẹmwẹdẹ. Isẹ.

Filipai 4:23

Te ẹsọhẹ ọ ghe Nọyaẹnmwa Jesu Kristi gha gu uwa hia gha rrọọ.

Ebe ne Pọl gbẹẹn gie emwa Rom 16:27

Osanobua ọkpa nii ọmwa ne irẹn ọkpa mwẹ ẹwaẹn hia, ọre uyi gha rrọọ na vbekpa Jesu Kristi ẹdẹdẹmwẹdẹ. Isẹ.

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Matiu 6:9

Vbenian ọre uwa ya gha na erhunmwu, “ ‘Erha mwa ne ọ rre ẹrinmwi: Gia ya ọghọ ne eni ruẹ nọhuanrẹn,